ಹೊಸದಿಲ್ಲಿ: ಇಂಗ್ಲೆಂಡ್ನಲ್ಲಿ ಮಾರಕ ಕೊರೊನಾ ವೈರಸ್ ಹೊಸ ರೂಪಾಂತರ ತಾಂಡವವಾಡುತ್ತಿರುವ ಮಧ್ಯೆಯೇ, ಆ ದೇಶದಿಂದ ಭಾರತಕ್ಕೆ ಬಂದಿಳಿದಿರುವ ಒಟ್ಟು 22 ಜನರಲ್ಲಿ ಕೊರೊನಾ ಸೋಂಕು ಕಾಣಿಸಿಕೊಂಡಿದೆ. ಒಟ್ಟು 22 ಜನರಲ್ಲಿ ಕೊರೊನಾ ಸೋಂಕು ದೃಢಪಟ್ಟಿದ್ದು, ಈ ಸೋಂಕು ರೂಪಾಂತರಿ ಕೊರೊನಾ ಹೌದೋ ಅಲ್ಲವೋ ಎಂಬುದು ಇನ್ನಷ್ಟೇ ತಿಳಿಯಬೇಕಿದೆ. ಇಂಗ್ಲೆಂಡ್ನಿಂದ ಅಥವಾ ಅದರ ಮೂಲಕ ಭಾರತಕ್ಕೆ ಬಂದ ಈ 22 ಜನರಲ್ಲಿ ಕೊರೊನಾ ಸೋಂಕು ಕಾಣಿಸಿಕೊಂಡಿದ್ದು, ಹೆಚ್ಚಿನ ಪರೀಕ್ಷೆಗೆ ಸ್ಯಾಂಪಲ್ಗಳನ್ನು ಕಳುಹಿಸಿಕೊಡಲಾಗಿದೆ. ದೆಹಲಿಯ 11, ಅಮೃತ್ಸರ್ 8, ಕೋಲ್ಕತ್ತಾ 2, ಹಾಗೂ ಚೆನ್ನೈ 1 ವ್ಯಕ್ತಿಗಳಲ್ಲಿ ಕೊರೊನಾ ಸೋಂಕು ಕಾಣಿಸಿಕೊಂಡಿದೆ. ಸದ್ಯ ಭಾರತದ ಯಾವುದೇ ಭಾಗದಲ್ಲಿ ತಳಿಯ ಸೋಂಕು ಕಾಣಿಸಿಕೊಂಡಿಲ್ಲ. ಆದರೆ ಇವರ ಸ್ಯಾಂಪಲ್ಗಳ ಫಲಿತಾಂಶ ಏನು ಬರಲಿದೆ ಎಂದು ಇಡೀ ದೇಶ ಕಾಯುತ್ತಿದೆ. ಇಂಗ್ಲೆಂಡ್ನಿಂದ ಬಂದಿಳಿಯುವ ಪ್ರಯಾಣಿಕರ ಆರ್ಟಿ-ಪಿಸಿಆರ್ ಪರೀಕ್ಷೆ ಕಡ್ಡಾಯಗೊಳಿಸಲಾಗಿದ್ದು, ಈ ಪರೀಕ್ಷೆಯ ಫಲಿತಾಂಶ ಬರುವವರೆಗೂ ಅವರನ್ನು ವಿಮಾನ ನಿಲ್ದಾಣದಿಂದ ಹೊರಗೆ ಬಿಡುತ್ತಿಲ್ಲ. ಅಲ್ಲದೇ ಫಲಿತಾಂಶದಲ್ಲಿ ಪಾಸಿಟಿವ್ ವರದಿ ಬಂದವರನ್ನು ಪ್ರತ್ಯೇಕವಾಗಿರಿಸಿ ಚಿಕಿತ್ಸೆ ನೀಡಲಾಗುತ್ತಿದೆ ಎಂದು ವಿಮಾನ ನಿಲ್ದಾಣದ ಮೂಲಗಳು ತಿಳಿಸಿವೆ. ಭಾರತ ಡಿ.31ರವರೆಗೆ ಇಂಗ್ಲೆಂಡ್ಗೆ ವಿಮಾನ ಸೇವೆಯನ್ನು ರದ್ದು ಮಾಡಲಾಗಿದ್ದು, ಇಂಗ್ಲೆಂಡ್ ಮೂಲದ ರೂಪಾಂತರಿ ಕೊರೊನಾ ಕುರಿತು ಮುನ್ನೆಚ್ಚರಿಕಾ ಕ್ರಮವಾಗಿ ಕರ್ನಾಕವೂ ಸೇರಿದಂತೆ ಹಲವು ರಾಜ್ಯಗಳಲ್ಲಿ ನೈಟ್ ಕರ್ಫ್ಯೂ ಜಾರಿ ಮಾಡಿರುವುದನ್ನು ಇಲ್ಲಿ ಸ್ಮರಿಸಬಹುದು.
from India & World News in Kannada | VK Polls https://ift.tt/2KWfN3V
