ಕೋಲ್ಕತಾ: ಭಾರತ ತಂಡ ತನ್ನ ಚೊಚ್ಚಲ ಡೇ-ನೈಟ್ ಟೆಸ್ಟ್ ಪಂದ್ಯವನ್ನಾಡಲು ಸಂಪೂರ್ಣ ಸಜ್ಜಾಗಿದೆ. ಪ್ರವಾಸಿ ಬಾಂಗ್ಲಾದೇಶ ವಿರುದ್ಧ ನಡೆಯಲಿರುವ ಈ ಐತಿಹಾಸಿಕ ಟೆಸ್ಟ್ ಪಂದ್ಯವು ಕೋಲ್ಕತಾದ ಈಡನ್ ಗಾರ್ಡನ್ಸ್ನಲ್ಲಿ ನವೆಂಬರ್ 22ರಂದು ಆರಂಭವಾಗಲಿದೆ. ಟೀಮ್ ಇಂಡಿಯಾ ಆಟಗಾರರಂತೂ ಈ ವಿಶೇಷ ಟೆಸ್ಟ್ ಪಂದ್ಯವನ್ನಾಡಲು ಉತ್ಸುಕದಿಂದ ಎದುರು ನೋಡುತ್ತಿದ್ದಾರೆ. ಆದರೆ, ಎಲ್ಲರಿಗಿಂತಲೂ ಒಂದು ಹೆಜ್ಜೆ ಮುಂದಿಟ್ಟಿರುವ ಟೆಸ್ಟ್ ತಂಡದ ಉಪನಾಯಕ , ಜೊತೆಗೆ ನಿದ್ರೆ ಮಾಡುತ್ತಾ ಕನಸಿನಲ್ಲೂ ಪಿಂಕ್ ಬಾಲ್ ಟೆಸ್ಟ್ ಆಡುತ್ತಿದ್ದೇನೆ ಎಂದು ತಮ್ಮ ಸೋಷಿಯಲ್ ಮೀಡಿಯಾ ಖಾತೆ ಮೂಲಕ ಫೋಟೊ ಒಂದನ್ನು ಪ್ರಕಟಿಸಿದ್ದರು. ತಮ್ಮ ಟ್ವಿಟರ್ ಮತ್ತು ಇನ್ಸ್ಟಾಗ್ರಾಮ್ ಖಾತೆ ಮೂಲಕ ಅಭಿಮಾನಿಗಳೊಟ್ಟಿಗೆ ಫೋಟೊ ಹಂಚಿಕೊಂಡಿರುವ ರಹಾನೆ, "ಆಗಲೇ ಐತಿಹಾಸಿಕ ಪಿಂಕ್ ಬಾಲ್ ಟೆಸ್ಟ್ನ ಕನಸು ಬರಲಾರಂಭಿಸಿದೆ," ಎಂದು ಬರೆದುಕೊಂಡಿದ್ದಾರೆ. ಇದಕ್ಕೆ ಉತ್ತರಿಸಿರುವ ಸೀಮಿತ ಓವರ್ಗಳಲ್ಲಿ ಭಾರತ ತಂಡದ ಆರಂಭಿಕ ಬ್ಯಾಟ್ಸ್ಮನ್ 'ಗಬ್ಬರ್' ಖ್ಯಾತಿಯ , "ಕನಸಿನಲ್ಲೇ ಫೋಟೊ ಕೂಡ ತೆಗೆದಿದ್ದೀಯ," ಎಂದು ಜಿಂಕ್ಸ್ ಕಾಲೆಳೆದಿದ್ದಾರೆ. ಇದಕ್ಕೆ ಟೀಮ್ ಇಂಡಿಯಾ ಕಪ್ತಾನ ಕೂಡ ಕೈ ಜೋಡಿಸಿದ್ದು, "ಒಳ್ಳೆ ಪೋಸ್ ಕೊಟ್ಟಿದ್ಯ ಜಿಂಕ್ಸ್," ಎಣದು ಉತ್ತರಿಸಿದ್ದಾರೆ. ವಿರಾಟ್ ಕೊಹ್ಲಿ ಮತ್ತು ಅಜಿಂಕ್ಯ ರಹಾನೆ ಇಬ್ಬರೂ ಕೂಡ ಮಂಗಳವಾರ ಮುಂಜಾನೆ ಕೋಲ್ಕತಾ ತಲುಪಿದ್ದು, ಈಡನ್ ಗಾರ್ಡನ್ಸ್ನ ಪಿಚ್ ಕೂಡ ವೀಕ್ಷಿಸಿದ್ದಾರೆ. ಇಂದೋರ್ನಲ್ಲಿ ನಡೆದ ಮೊದಲ ಟೆಸ್ಟ್ ಪಂದ್ಯದಲ್ಲಿ ಭಾರತ ತಂಡ ಬೌಲರ್ಗಳ ಶಿಸ್ತಿನ ಪ್ರದರ್ಶನ ಮತ್ತು ಮಯಾಂಕ್ ಅಗರ್ವಾಲ್ ಅವರ ದ್ವಿಶತಕದ ಬಲದೊಂದಿಗೆ ಇನಿಂಗ್ಸ್ ಮತ್ತು 130 ರನ್ಗಳ ಭರ್ಜರಿ ಜಯ ದಾಖಲಿಸಿದೆ. ಇದೀಗ ಗೆದ್ದು ತವರು ನೆಲದಲ್ಲಿ ಸತತ 12ನೇ ಟೆಸ್ಟ್ ಸರಣಿ ಗೆದ್ದ ವಿಶ್ವ ದಾಖಲೆ ಬರೆಯುವುದು ಭಾರತ ತಂಡದ ಲೆಕ್ಕಾಚಾರವಾಗಿದೆ. ಕೊಹ್ಲಿ ನಾಯಕತ್ವದ ಭಾರತ ತಂಡ ಐಸಿಸಿ ಟೆಸ್ಟ್ ಚಾಂಪಿಯನ್ಷಿಪ್ನಲ್ಲಿ ಈಗಾಗಲೇ 6 ಪಂದ್ಯಗಳಿಂದ 6 ಗೆಲುವಿನೊಂದಿಗೆ ಒಟ್ಟು 300 ಅಂಕಗಳನ್ನು ಗಳಿಸಿ ಮೊದಲ ತಂಡವಾಗಿದೆ. ವೆಸ್ಟ್ ಇಂಡೀಸ್ ಮತ್ತು ದಕ್ಷಿಣ ಆಫ್ರಿಕಾ ವಿರುದ್ಧದ ಸರಣಿಗಳನ್ನು ಕ್ಲೀನ್ ಸ್ವೀಪ್ ಮಾಡಿದ ವಿಶ್ವದ ನಂ.1 ಟೆಸ್ಟ್ ತಂಡ ಭಾರತ, ಇದೀಗ ಬಾಂಗ್ಲಾ ವಿರುದ್ಧವೂ ಅಂಥದ್ದೇ ಪ್ರದರ್ಶನವನ್ನು ಎದುರು ನೋಡುತ್ತಿದೆ.
from Sports News in Kannada, Latest Kannada Sports News | ಕ್ರೀಡೆ-ಕ್ರಿಕೆಟ್ ಸುದ್ದಿ, - Vijaya Karnataka https://ift.tt/2qhy4Px
