ಕೋಲ್ಕತಾ: ಭಾರತ ಮತ್ತು ನಡುವಣ ಐತಿಹಾಸಿಕ ಟೆಸ್ಟ್ ಪಂದ್ಯ ಮೂರೇ ದಿನಕ್ಕೆ ಮುಕ್ತಾಯಗೊಂಡಿದ್ದು, ಸಾರಥ್ಯದ ಸತತ ನಾಲ್ಕನೇ ಟೆಸ್ಟ್ ಪಂದ್ಯವನ್ನು ಇನಿಂಗ್ಸ್ ಅಂತರದಲ್ಲಿ ಗೆದ್ದು ಹೊಸ ವಿಶ್ವ ದಾಖಲೆಯನ್ನೂ ಬರೆದಿದೆ. ಪಂದ್ಯದ ಮೂರನೇ ದಿನವಾದ ಭಾನುವಾರ ಆರಂಭದಲ್ಲೇ ಭರ್ಜರಿ ಬೌಲಿಂಗ್ ಪ್ರದರ್ಶಿಸಿದ ವಿದರ್ಭ ಎಕ್ಸ್ಪ್ರೆಸ್ ಉಮೇಶ್ ಯಾದವ್, ಮಿಂಚಿನ ಬೌನ್ಸರ್ ಮೂಲಕ ಇಬಾದತ್ ಹುಸೇನ್ ಅವರನ್ನು ಔಟ್ ಮಾಡಿದರು. ಪುಟಿದೆದ್ದ ಚೆಂಡು ಬ್ಯಾಟ್ಸ್ಮನ್ನ ಹ್ಯಾಂಡಲ್ಗೆ ಬಡಿದು ಸ್ಲಿಪ್ ವಿಭಾಗದಲ್ಲಿದ್ದ ಟೀಮ್ ಇಂಡಿಯಾ ನಾಯಕ ವಿರಾಟ್ ಕೊಹ್ಲಿ ಅವರ ಕೈ ಸೇರಿತ್ತು. ಆದರೆ, ಅರ್ಧಶತಕದ ದಾಖಲಿಸಿ ಕ್ರೀಸ್ಗೆ ಭದ್ರವಾಗಿ ಕಚ್ಚಿಕೊಂಡಿರುವ ಬಾಂಗ್ಲಾ ತಂಡದ ವಿಕೆಟ್ ಕೀಪರ್ ಬ್ಯಾಟ್ಸ್ಮನ್ ಮುಷ್ಫಿಕರ್ ರಹೀಮ್ ಭಾರತ ತಂಡಕ್ಕೆ ಜಯ ತಡವಾಗಿಸುವ ಎಲ್ಲಾ ಪ್ರಯತ್ನ ನಡೆಸಿದ್ದರಾದರೂ, 74 ರನ್ ಗಳಿಸಿ ಬಿರುಸಿನ ಬ್ಯಾಟಿಂಗ್ ನಡೆಸುತ್ತಿದ್ದ ಮುಷ್ಫಿಕರ್ಗೂ ಉಮೇಶ್ ಯಾದವ್ ಪೆವಿಲಿಯನ್ ದಾರಿ ತೋರಿಸಿದರು. ಅನುಭವಿ ಬ್ಯಾಟ್ಸ್ಮನ್ ಮಹ್ಮೂದುಲ್ಲಾ 39 ರನ್ ಗಳಿಸಿದ್ದ ಸಂದರ್ಭದಲ್ಲಿ ಗಾಯಗೊಂಡು ನಿವೃತ್ತಿ ಹೊಂದಿದ ಕಾರಣ ಬಾಂಗ್ಲಾದೇಶ ಒಬ್ಬ ಬ್ಯಾಟ್ಸ್ಮನ್ನ ಕೊರತೆ ಅನುಭವಿಸಿತು. ಅಂತೆಯೇ ಅಲ್ ಅಮಿನ್ ಹುಸೇನ್ (21 ರನ್) ವಿಕೆಟ್ ಪತನದೊಂದಿಗೆ ಬಾಂಗ್ಲಾ ತನ್ನ 9ನೇ ವಿಕೆಟ್ ಕಳೆದುಕೊಳ್ಳುತ್ತಿದ್ದಂತೆಯೇ ಭಾರತಕ್ಕೆ ಜಯ ಪ್ರಾಪ್ತಿಯಾಗಿತ್ತು. ಪಂದ್ಯದ ಎರಡನೇ ದಿನ 9 ವಿಕೆಟ್ಗೆ 347 ರನ್ಗಳನ್ನು ಗಳಿಸಿ ಇನಿಂಗ್ಸ್ ಡಿಕ್ಲೇರ್ ಮಾಡಿದ್ದ ಭಾರತ ತಂಡದ 241 ರನ್ಗಳ ಭರ್ಜರಿ ಮುನ್ನಡೆ ಗಳಿಸಿತ್ತು. ಮೊದಲ ಇನಿಂಗ್ಸ್ನಲ್ಲಿ 106 ರನ್ಗಳಿಗೆ ಆಲ್ಔಟ್ ಆಗಿದ್ದ ಬಾಂಗ್ಲಾದೇಶ, 2ನೇ ಇನಿಂಗ್ಸ್ನಲ್ಲಿಕೊಂಚ ಪ್ರತಿರೋಧವೊಡ್ಡಿತ್ತು ಭಾರತದ ಪರ ಮೊದಲ ದಿನದಟದಲ್ಲಿ 5 ವಿಕೆಟ್ ಕಿತ್ತು ಬಾಂಗ್ಲಾ ಪತನಕ್ಕೆ ಕಾರಣರಾಗಿದ್ದ ಅನುಭವಿ ವೇಗದ ಬೌಲರ್ ಇಶಾಂತ್ ಶರ್ಮಾ, ಎರಡನೇ ದಿನದಾಟದಲ್ಲೂ ಭರ್ಜರಿ ಬೌಲಿಂಗ್ ಪ್ರದರ್ಶಿಸಿ 4 ವಿಕೆಟ್ ಪಡೆಯುವ ಮೂಲಕ 2ನೇ ದಿನದಂತ್ಯಕ್ಕೆ ಬಾಂಗ್ಲಾ ತಂಡ ಒಟ್ಟ 6 ವಿಕೆಟ್ ಕಳೆದುಕೊಂಡು ಇನಿಂಗ್ಸ್ ಸೋಲಿನ ಸುಳಿಗೆ ಸಿಲುಕುವಂತೆ ಮಾಡಿದ್ದರು. ಅವರಿಗೆ ಉಮೇಶ್ ಯಾದವ್ ಮೊದಲ ಇನಿಂಗ್ಸ್ಗಳಲ್ಲಿ ಮೂರು ಮ್ತು 2ನೇ ಇನಿಂಗ್ಸ್ನಲ್ಲಿ 5 ವಿಕೆಟ್ಗಳಿಂದಿಗೆ ಉತ್ತಮ ಸಾಥ್ ನೀಡಿದರು. ಪಂದ್ಯದಲ್ಲಿ ಭಾರತೀಯ ವೇಗಿಗಳ ದಾಖಲೆ ಭಾರತ ಆತಿಥ್ಯದಲ್ಲಿ ನಡೆದ ಟೆಸ್ಟ್ ಪಂದ್ಯವೊಂದರಲ್ಲಿ ವೇಗಿಗಳು ಅತಿ ಹೆಚ್ಚು ವಿಕೆಟ್ ಪಡೆದ ದಾಖಲೆಯನ್ನು ಬಾಂಗ್ಲಾ ವಿರುದ್ಧದ ಪಂದ್ಯದಲ್ಲಿ ಇಶಾಂತ್ ಶರ್ಮಾ, ಉಮೇಶ್ ಯಾದವ್ ಮತ್ತು ಮೊಹಮ್ಮದ್ ಶಮಿ ಪಡೆದುಕೊಂಡಿದ್ದಾರೆ. ಪಂದ್ಯದಲ್ಲಿ ಒಟ್ಟು 19 ವಿಕೆಟ್ಗಳನ್ನು ಭಾರತದ ತ್ರಿವಳಿ ವೇಗಿಗಳು ಉರುಳಿಸಿದ್ದಾರೆ. ಇದರಲ್ಲಿ ಇಶಾಂತ್ 9, ಉಮೇಶ್ 8 ಮತ್ತು ಶಮಿ 2 ವಿಕೆಟ್ ಪಡೆದಿದ್ದಾರೆ.
from Sports News in Kannada, Latest Kannada Sports News | ಕ್ರೀಡೆ-ಕ್ರಿಕೆಟ್ ಸುದ್ದಿ, - Vijaya Karnataka https://ift.tt/2rojKVC
