ಕೋಲ್ಕತಾ: ಕ್ರಿಕೆಟ್ ಆಡುವ ದೈತ್ಯ ತಂಡಗಳ ಪೈಕಿ ಆಡಲು ಮುಂದಾಗುತ್ತಿರುವ ಕೊನೆಯ ತಂಡ ಭಾರತ. ವಿರುದ್ಧದ 2 ಪಂದ್ಯಗಳ ಟೆಸ್ಟ್ ಕ್ರಿಕೆಟ್ ಸರಣಿಯ ಎರಡನೇ ಹಾಗೂ ಅಂತಿಮ ಪಂದ್ಯ ಕೋಲ್ಕತಾದ ಈಡನ್ ಗಾರ್ಡನ್ಸ್ನಲ್ಲಿ ನಡೆಯಲಿದ್ದು, ಈ ಪಂದ್ಯ ಇತ್ತಂಡಗಳ ಪಾಲಿಗೆ ಮೊತ್ತ ಮೊದಲ ಹೊನಲು ಬೆಳಕಿನ ಟೆಸ್ಟ್ ಆಗಲಿದೆ. ಭಾರತ ತಂಡದ ಈ ಐತಿಹಾಸಿಕ ಟೆಸ್ಟ್ ಪಂದ್ಯ ಆರಂಭಕ್ಕೆ ಇನ್ನು ಎರಡು ದಿನಗಳು ಮಾತ್ರ ಬಾಕಿ ಉಳಿದಿದ್ದು, ರೆಡ್ ಬಾಲ್ ಮರೆತು ಪಿಂಕ್ ಬಾಲ್ ಪಂದ್ಯ ವೀಕ್ಷಿಸುವ ಕಡೆಗೆ ಎಲ್ಲರ ಗಮನ ನೆಲೆಸಿದೆ. ಟೆಸ್ಟ್ ಕ್ರಿಕೆಟ್ಗೆ ಮರಳಿ ಜೀವ ತುಂಬುವ ಉದ್ದೇಶದಿಂದ ಪಂದ್ಯ ಆರಂಭಿಸಲಾಗುತ್ತಿದೆ. 2015ರಲ್ಲೇ ಡೇ-ನೈಟ್ ಟೆಸ್ಟ್ ಯಶಸ್ವಿಯಾಗಿ ಪರಿಚಯಿಸಲಾಗಿತ್ತಾದರೂ ಭಾರತ ತಂಡ ಈವರೆಗೆ ಪಿಂಕ್ ಬಾಲ್ನಲ್ಲಿ ಆಡಲು ಮನಸು ಮಾಡಿರಲಿಲ್ಲ. ಆದರೀಗ ಬಿಸಿಸಿಐನ ನೂತನ ಅಧ್ಯಕ್ಷ ಹಾಗೂ ಮಾಜಿ ನಾಯಕ ಸೌರವ್ ಗಂಗೂಲಿ ಸಾರಥ್ಯದಲ್ಲಿ ಈ ಐತಿಹಾಸಿಕ ಪಂದ್ಯ ನಡೆಯಲು ಸಜ್ಜಾಗಿದೆ. ಇಂಗ್ಲೆಂಡ್, ಆಸ್ಟ್ರೇಲಿಯಾ, ದಕ್ಷಿಣ ಆಫ್ರಿಕಾ, ಶ್ರೀಲಂಕಾ, ಮತ್ತು ವೆಸ್ಟ್ ಇಂಡೀಸ್ ತಂಡಗಳು ಈಗಾಗಲೇ ಡೇ-ನೈಟ್ ಟೆಸ್ಟ್ ಪಂದ್ಯವನ್ನು ಆಡಿ ಆಗಿದೆ. ಗವಾಸ್ಕರ್ ಅಪಸ್ವರ! ತಡವಾಗಿಯಾದರೂ ಭಾರತ ತಂಡ ಪಿಂಕ್ ಬಾಲ್ ಟೆಸ್ಟ್ ಆಡಲು ಮುಂದಾಗಿದೆ. ಈ ಸಂದರ್ಭದಲ್ಲಿ ಮಾತಿಗಿಳಿದಿರುವ ಮಾಜಿ ನಾಯಕ , ಕೊಂಚ ಅಪಸ್ವರ ನುಡಿದ್ದಾರೆ. "ಡೇ-ನೈಟ್ ಟೆಸ್ಟ್ ಆರಂಭವಾದಾಗ ಯಶಸ್ಸು ಗಳಿಸುತ್ತದೆ ಎಂದು ಯಾರೂ ಅಂದಾಜಿಸಿರಲಿಲ್ಲ. ಆದರೀಗ ಇದರ ಜನಪ್ರಿಯತೆ ಹೆಚ್ಚಾಗುತ್ತದೆ. ಅಂದಹಾಗೆ ಒಂದು ಅಂಶದ ಬದಲಾವಣೆ ಇಲ್ಲಿ ಆಗಬೇಕಿದೆ. ಅದೇನೆಂದರೆ ಪಿಂಕ್ ಬಾಲ್ ಟೆಸ್ಟ್ನ ದಾಖಲೆಗಳು ಮತ್ತು ರೆಡ್ ಬಾಲ್ ಟೆಸ್ಟ್ನ ದಾಖಲೆಗಳನ್ನು ಪ್ರತ್ಯೇಕವಾಗಿ ಪರಿಗಣಿಸಬೇಕು," ಎಂದು ಹೇಳಿದ್ದಾರೆ. "ಸೀಮಿತ ಓವರ್ಗಳ ಕ್ರಿಕೆಟ್ನಲ್ಲೂ ರೆಡ್ ಬಾಲ್ ಮತ್ತಯ ವೈಟ್ ಬಾಲ್ ದಾಖಲೆಗಳನ್ನು ಪ್ರತ್ಯೇಕವನ್ನಾಗಿಸಬಕು. ಈ ಮೂಲಕ ಮುಂದಿನ ತಲೆಮಾರಿಗೆ ಯಾವುದನ್ನು ಯಾವ ರೀತಿಯಲ್ಲಿ ಆಡಲಾಗಿದೆ ಎಂಬುದರ ಮಾಹಿತಿ ಲಭ್ಯವಾಗುತ್ತದೆ," ಎಂದು ಗವಾಸ್ಕರ್ ಕೊಂಚ ಅಪಸ್ವರದ ಮಾತುಗಳನ್ನಾಡಿದ್ದಾರೆ. ಬಾಂಗ್ಲಾದೇಶ ತಂಡದ ಪ್ರಧಾನಮಂತ್ರಿ ಶೇಕ್ ಹಸೀನ್ ಮತ್ತು ಪಶ್ಚಿಮ ಬಂಗಾಳದ ಮುಖ್ಯಮಂತ್ರಿ ಮಮತಾ ಬ್ಯಾನರ್ಜಿ, ಕೋಲ್ಕತಾದ ಈಡನ್ ಗಾರ್ಡನ್ಸ್ನಲ್ಲಿ ಶುಕ್ರವಾರ ಬೆಲ್ ಬಾರಿಸುವ ಮೂಲಕ ಡೇ-ನೈಟ್ ಟೆಸ್ಟ್ಗೆ ಚಾಲನೆ ನೀಡಲಿದ್ದಾರೆ. ಮಧ್ಯಾಹ್ನ 1ಕ್ಕೆ ಪಂದ್ಯ ಶುರುವಾಗಿ, ರಾತ್ರಿ 8ಕ್ಕೆ ಅಂತ್ಯಗೊಳ್ಳಲಿದೆ. ಬ್ಯಾಟ್ಸ್ಮನ್ ಮತ್ತು ಬೌಲರ್ಗಳಿಗೂ ಸವಾಲು ಇದೇ ವೇಳೆ ಪಿಂಕ್ ಬಾಲ್ ಟೆಸ್ಟ್ ಕುರಿತಾಗಿ ಮಾತನಾಡಿರುವ ಭಾರತ ತಂಡದ ನಾಯಕ ವಿರಾಟ್ ಕೊಹ್ಲಿ, ಈ ಮಾದರಿಯ ಟೆಸ್ಟ್ನಲ್ಲಿ ಬ್ಯಾಟ್ಸ್ಮನ್ ಮತ್ತು ಬೌಲರ್ಗಳಿಬ್ಬರಿಗೂ ಸಬಾಲು ಎದುರಾಗಲಿದೆ ಎಂದಿದ್ದಾರೆ. "ಪಿಂಕ್ ಬಾಲ್ ಟೆಸ್ಟ್ ರೋಚಕವಾಗಿರಲಿದೆ. ಕೆಂಪು ಚೆಂಡಿಗಿಂತಲೂ ಗುಲಾಬಿ ಬಣ್ಣದ ಹೊಸ ಚೆಂಡು ಆರಂಭದಲ್ಲಿ ಹೆಚ್ಚು ಸ್ವಿಂಗ್ ಆಗುವುದರಿಂದ ಬ್ಯಾಟ್ಸ್ಮನ್ಗಳು ಕಠಿಣ ಸವಾಲೆದುರಿಸಲಿದ್ದಾರೆ. ಚೆಂಡು ಹಳೆಯದಾದಂತೆ ಸ್ವಿಂಗ್ ಸಂಪೂರ್ಣವಾಗಿ ನಿಲ್ಲುವುದರಿಂದ ಬೌಲರ್ಗಳಿಗೂ ಇಲ್ಲಿ ಕಷ್ಟವಾಗುತ್ತದೆ. ಆದರೂ ನಾವು ಭಾರತದ ಪರ ಮೊತ್ತ ಮೊದಲ ಪಿಂಕ್ ಬಾಲ್ ಟೆಸ್ಟ್ ಆಡುತ್ತಿರುವುದಕ್ಕೆ ಸಂತಸವಿದೆ," ಎಂದು ಕೊಹ್ಲಿ ಹೇಳಿದ್ದಾರೆ. ಈ ಪಂದ್ಯದಲ್ಲಿ ಕೊಹ್ಲಿ ಬಳಗಕ್ಕೆ ಗೆಲುವು ಅಥವಾ ಡ್ರಾ ಫಲಿತಾಂಶ ಸಿಕ್ಕರೂ ತವರು ನೆಲದಲ್ಲಿ ಸತತ 12ನೇ ಟೆಸ್ಟ್ ಸರಣಿ ಗೆದ್ದ ಸಾಧನೆ ಮಾಡಲಿದೆ.
from Sports News in Kannada, Latest Kannada Sports News | ಕ್ರೀಡೆ-ಕ್ರಿಕೆಟ್ ಸುದ್ದಿ, - Vijaya Karnataka https://ift.tt/3330sC3
