ಸೂರತ್: ಕೆಎಲ್ ರಾಹುಲ್ (69* ರನ್, 46 ಎಸೆತ) ಮತ್ತು ಮನೀಶ್ ಪಾಂಡೆ (52* ರನ್, 33 ಎಸೆತ) ಅವರ ಸಿಡಿಲಬ್ಬರದ ಬ್ಯಾಟಿಂಗ್ ಬಲದಿಂದ ಮಿಂಚಿದ ತಂಡ ಸೈಯದ್ ಮುಷ್ತಾಕ್ ಅಲಿ ಟ್ರೋಫಿ ಟ್ವೆಂಟಿ 20 ಟೂರ್ನಿಯ ಸೂಪರ್ ಲೀಗ್ನ ತನ್ನ ಮೊದಲ ಪಂದ್ಯದಲ್ಲಿ ವಿರುದ್ಧ 9 ವಿಕೆಟ್ಗಳ ಜಯ ದಾಖಲಿಸಿದೆ. ಇಲ್ಲಿನ ಲಾಲಾಭಾಯಿ ಕಂಟ್ರ್ಯಾಕ್ಟರ್ ಕ್ರೀಡಾಂಗಣದಲ್ಲಿಗುರುವಾರ ನಡೆದ ಹಣಾಹಣಿಯಲ್ಲಿ ಮೊದಲು ಬ್ಯಾಟ್ ಮಾಡಿದ ತಮಿಳುನಾಡು 7 ವಿಕೆಟ್ಗೆ 158 ರನ್ ಗಳಿಸಿದರೆ. ಬಳಿಕ ಗುರಿ ಬೆನ್ನಟ್ಟಿದ ಕರ್ನಾಟಕ ಒಂದು ವಿಕೆಟ್ಗೆ 22 ಎಸೆತಗಳು ಬಾಕಿ ಇರುವಂತೆಯೇ ಗೆಲುವನ್ನು ತನ್ನದಾಗಿಸಿಕೊಂಡಿತು. ಇದಕ್ಕೂ ಮುನ್ನ ದಿನೇಶ್ ಕಾರ್ತಿಕ್ ಮತ್ತು ವಾಷಿಂಗ್ಟನ್ ಸುಂದರ್ ಅವರ ಜವಾಬ್ದಾರಿಯುತ ಬ್ಯಾಟಿಂಗ್ನಿಂದ ತಮಿಳುನಾಡು ಸ್ಪರ್ಧಾತ್ಮಕ ಮೊತ್ತ ಕಲೆಹಾಕಿತು. ಕರ್ನಾಟಕ ಮುಂದಿನ ಪಂದ್ಯದಲ್ಲಿ ಶುಕ್ರವಾರ ಜಾರ್ಖಂಡ್ ತಂಡವನ್ನು ಎದುರಿಸಲಿದೆ. ಕರ್ನಾಟಕದ ಅನುಭವಿ ಆಟಗಾರರಾದ ಕೆಎಲ್ ರಾಹುಲ್ ಹಾಗೂ ಮನೀಶ್ ಪಾಂಡೆ ಅಬ್ಬರಿಸುವ ಮೂಲಕ ಟೀಮ್ ಇಂಡಿಯಾದಲ್ಲಿ ತಮ್ಮ ಸ್ಥಾನವನ್ನು ಸಮರ್ಥಿಸಿಕೊಂಡಿದ್ದಾರೆ. ಇತ್ತೀಚೆಗಷ್ಟೇ ಬಾಂಗ್ಲಾದೇಶ ವಿರುದ್ಧ ನಡೆದ ಕೊನೆಯ ಟ್ವೆಂಟಿ-20 ಪಂದ್ಯದಲ್ಲಿ ರಾಹುಲ್ ಗಮನಾರ್ಹ ಇನ್ನಿಂಗ್ಸ್ ಕಟ್ಟಿದ್ದರು. ಸಂಕ್ಷಿಪ್ತ ಸ್ಕೋರ್ ತಮಿಳುನಾಡು: 20 ಓವರ್ಗಳಲ್ಲಿ7 ವಿಕೆಟ್ಗೆ 158 (ದಿನೇಶ್ ಕಾರ್ತಿಕ್ 43, ವಾಷಿಂಗ್ಟನ್ ಸುಂದರ್ 39 ವಿ.ಕೌಶಿಕ್ 23ಕ್ಕೆ 2, ರೋನಿತ್ ಮೋರೆ 25ಕ್ಕೆ 2). ಕರ್ನಾಟಕ: 16.1 ಓವರ್ಗಳಲ್ಲಿ1 ವಿಕೆಟ್ಗೆ 161 (ಕೆ.ಎಲ್. ರಾಹುಲ್ 69*, ಮನೀಶ್ ಪಾಂಡೆ 52*, ಪಡಿಕ್ಕಲ್ 36; ಎಂ. ಅಶ್ವಿನ್ 27ಕ್ಕೆ 1).
from Sports News in Kannada, Latest Kannada Sports News | ಕ್ರೀಡೆ-ಕ್ರಿಕೆಟ್ ಸುದ್ದಿ, - Vijaya Karnataka https://ift.tt/2QFNbgd
