ಸುಡ್ನಿ: ಮಳೆ ರಾಯನ ಕೃಪೆಯಿಂದಾಗಿ ಇಲ್ಲಿ ನಡೆದ ಆತಿಥೇಯ ವಿರುದ್ಧದ ಸರಣಿಯ ಮೊದಲ ಪಂದ್ಯದಲ್ಲಿ ತಂಡ ಸೋಲಿನ ಮುಖಭಂಗದಿಂದ ಪಾರಾಯಿತು. ಇದೇ ಪಂದ್ಯದಲ್ಲಿ ಪಾಕಿಸ್ತಾನದ ವೇಗದ ಬೌಲರ್ ಮೊಹಮ್ಮದ್ ಇರ್ಫಾನ್ ಅಪರೂಪದ ದಾಖಲೆ ಒಂದನ್ನು ಬರೆದಿದ್ದಾರೆ. ಬರೋಬ್ಬರಿ 3 ವರ್ಷಗಳ ಬಳಿಕ ಪಾಕಿಸ್ತಾನ ತಂಡದಲ್ಲಿ ಮರಳಿ ಸ್ಥಾನ ಪಡೆದ 37 ವರ್ಷದ ಅನುಭವಿ ಎಡಗೈ ವೇಗಿ ಮೊಹಮ್ಮದ್ ಇರ್ಫಾನ್, 1992ರ ಬಳಿಕ ಪಾಕಿಸ್ತಾನದ ಪರ ಆಡಿದ ಅತ್ಯಂತ ಹಿರಿಯ ವೇಗದ ಬೌಲರ್ ಎಂಬ ದಾಖಲೆ ಬರೆದಿದ್ದಾರೆ. ಪಾಕ್ ಪ್ರಧಾನಿ ಮತ್ತು ಮಾಜಿ ನಾಯಕ ಇಮ್ರಾನ್ ಖಾನ್ 1992ರ ವಿಶ್ವಕಪ್ನಲ್ಲಿ ಆಡುವ ಮೂಲಕ ಈ ದಾಖಲೆ ಬರೆದ ಅತ್ಯಂತ ಹಿರಿಯ ವೇಗದ ಬೌಲರ್ ಎನಿಸಿದ್ದರು. ಅವರಿಗಾಗ 39 ವರ್ಷ ವಯಸ್ಸಾಗಿತ್ತು. ಸಮಗ್ರವಾಗಿ ಆಫ್ ಸ್ಪಿನ್ನರ್ ಮಿರಾನ್ ಭಕ್ಷ್, 1995ರಲ್ಲಿ ತಮ್ಮ 47ನೇ ವಯಸ್ಸಿನಲ್ಲಿ ಪಾಕಿಸ್ತಾನ ಪರ ಆಡುವ ಮೂಲಕ ಪಾಕ್ ತಂಡವನ್ನು ಪ್ರತಿನಿಧಿಸಿದ ಅತ್ಯಂತ ಹಿರಿಯ ಆಟಗಾರ ಎನಿಸಿದ್ದಾರೆ. ಇನ್ನು ಭಾನುವಾರ ಇಲ್ಲಿನ ಸಿಡ್ನಿ ಕ್ರೀಡಾಂಗಣದಲ್ಲಿ ನಡೆದ ಮಳೆ ಭಾದಿತ ಪಂದ್ಯದಲ್ಲಿ ಮೊದಲು ಬ್ಯಾಟ್ ಮಾಡಿದ ಪಾಕಿಸ್ತಾ 15 ಓವರ್ಗಳಲ್ಲಿ 5 ವಿಕೆಟ್ಗೆ 107 ರನ್ಗಳ ಸಾಧಾರಣ ಮೊತ್ತವನ್ನಷ್ಟೇ ದಾಖಲಿಸಿತು. ಬಳಿಕ ಗುರಿ ಬೆನ್ನತ್ತಿದ ಆಸ್ಟ್ರೇಲಿಯಾ ತಂಡ 3.1 ಓವರ್ಗಳಲ್ಲಿ ವಿಕೆಟ್ ನಷ್ಟವಿಲ್ಲದೆ 41 ರನ್ಗಳನ್ನು ಗಳಿಸಿದ್ದಾಗ ಸುರಿದ ಭಾರಿ ಮಳೆಯಿಂದಾಗಿ ಪಂದ್ಯವನ್ನು ರದ್ದು ಪಡಿಸಲಾಯಿತು. ಮೊಹಮ್ಮದ್ ಇರ್ಫಾನ್ ಎಸೆದ 2ನೇ ಓವರ್ನಲ್ಲಿ ಆಸ್ಟ್ರೇಲಿಯಾ ತಂಡದ ನಾಯಕ ಆರೊನ್ ಫಿಂಚ್ ಬರೋಬ್ಬರಿ 26 ರನ್ಗಳನ್ನು ಬಾರಿಸಿ ಅಬ್ಬರಿಸಿದರು. ಇದರೊಂದಿಗೆ ಭರ್ಜರಿ ಕಮ್ಬ್ಯಾಕ್ ಕನಸು ಕಟ್ಟಿದ ಇರ್ಫಾನ್ ಕನಸು ಭಗ್ನವಾಯಿತು. ಸಂಕ್ಷಿಪ್ತ ಸ್ಕೋರ್ ಪಾಕಿಸ್ತಾನ: 15 ಓವರ್ಗಳಲ್ಲಿ 5 ವಿಕೆಟ್ಗೆ 107 (ಬಾಬರ್ ಆಝಾಮ್ ಔಟಾಗದೆ 59, ಮೊಹಮ್ಮದ್ ರಿಝ್ವಾನ್ 31; ಮಿಚೆಲ್ ಸ್ಟಾರ್ಕ್ 22ಕ್ಕೆ 2, ಕೇನ್ ರಿಚರ್ಡ್ಸನ್ 16ಕ್ಕೆ 2, ಆಷ್ಟನ್ ಅಗರ್ 23ಕ್ಕೆ 1). ಆಸ್ಟ್ರೇಲಿಯಾ: 3.1 ಓವರ್ಗಳಲ್ಲಿ ವಿಕೆಟ್ ನಷ್ಟವಿಲ್ಲದೆ 41 (ಆರೊನ್ ಫಿಂಚ್ ಅಜೇಯ 37, ಡೇವಿಡ್ ವಾರ್ನರ್ ಅಜೇಯ 2).
from Sports News in Kannada, Latest Kannada Sports News | ಕ್ರೀಡೆ-ಕ್ರಿಕೆಟ್ ಸುದ್ದಿ, - Vijaya Karnataka https://ift.tt/32cMmOe
