ಪಂಚಕುಲ: ಮತ್ತು ಯು ಮುಂಬಾ ತಂಡಗಳು ತಮ್ಮ ತಮ್ಮ ಎದುರಾಳಿಗಳನ್ನು ಮಣಿಸಿ ಪ್ರೊ ಕಬಡ್ಡಿ ಲೀಗ್ 7ನೇ ಆವೃತ್ತಿಯಲ್ಲಿ ಫ್ಲೇ ಆಫ್ ಪ್ರವೇಶಿಸಿದೆ. ಇದರೊಂದಿಗೆ ಐದು ತಂಡಗಳು ಪ್ಲೇ ಆಫ್ ತಲುಪಿದಂತಾಗಿದೆ. ತಾವು ದೇವಿಲಾಲ್ ಕ್ರೀಡಾ ಸಂಕೀರ್ಣದಲ್ಲಿ ಬುಧವಾರ ನಡೆದ ದ್ವಿತೀಯ ಪಂದ್ಯದಲ್ಲಿ ಪವನ್ ಕುಮಾರ್ (39 ಅಂಕ) ಏಕಾಂಗಿ ಹೋರಾಟದ ನೆರವಿನಿಂದ ಬುಲ್ಸ್ 59-39 ಅಂಕಗಳಿಂದ ವಿರುದ್ಧ ಗೆದ್ದು ಒಟ್ಟು 63 ಅಂಕಗಳೊಂದಿಗೆ ಪ್ಲೇ ಆಫ್ ತಲುಪಿದೆ. ದಿನದ ಮತ್ತೊಂದು ಪಂದ್ಯದಲ್ಲಿ ಮುಂಬಾ ತಂಡ 30-26 ಅಂಕಗಳಿಂಗ ಪಟನಾ ಪೈರೇಟ್ಸ್ ತಂಡವನ್ನು ಸೋಲಿಸಿ ಒಟ್ಟು 64 ಅಂಕಗಳೊಂದಿಗೆ ಮುಂದಿನ ಹಂತಕ್ಕೆ ತೇರ್ಗಡೆ ಹೊಂದಿದೆ. ಪವನ್ ಮ್ಯಾಜಿಕ್... ಟೂರ್ನಿಯುದ್ಧಕ್ಕೂ ಬೆಂಗಳೂರು ಪರ ನಂಬಲಾರ್ಹ ಪ್ರದರ್ಶನ ನೀಡುತ್ತಲೇ ಸಾಗುತ್ತಿರುವ ಪವನ್ ಮಗದೊಮ್ಮೆ, ತಾವೇಕೆ ಉಳಿದವರಿಗಿಂತ ವಿಭಿನ್ನ ಎಂಬುದನ್ನು ಸಾಬೀತು ಮಾಡಿದ್ದಾರೆ. ಪಂದ್ಯವೊಂದರಲ್ಲೇ 39 ಅಂಕಗಳನ್ನು ಕಲೆ ಹಾಕಿದ ಪವನ್ ಬೆಂಗಳೂರು ಪರ ನೈಜ ಗೆಲುವಿನ ರೂವಾರಿ ಎನಿಸಿಕೊಂಡರು. ಹರಿಯಾಣ ಗಳಿಸಿದ ಒಟ್ಟು ಅಂಕ 39. ಅಷ್ಟೇ ಅಂಕಗಳನ್ನು ಪವನ್ ಏಕಾಂಕಿಯಾಗಿ ಸಂಪಾದಿಸಿರುವುದು ಆತನ ಆಟದ ವೈಖರಿಗೆ ಸಾಕ್ಷಿಯಾಗಿದೆ. ಇದರೊಂದಿಗೆ ಬುಲ್ಸ್ ತಂಡವು ಆಡಿರುವ 20 ಪಂದ್ಯಗಳಲ್ಲಿ 11 ಗೆಲುವುಗಳೊಂದಿಗೆ ಒಟ್ಟು 63 ಅಂಕಗಳನ್ನು ಸಂಪಾದಿಸಿದ್ದು, ಐದನೇ ತಂಡವಾಗಿ ಪ್ಲೇ-ಆಫ್ಗೆ ಲಗ್ಗೆಯಿಟ್ಟಿದೆ. ಇದಕ್ಕೂ ಮೊದಲು ಮುಂಬಯಿ ತಂಡವು ಪಟನಾ ಪೈರೇಟ್ಸ್ ವಿರುದ್ಧ ಮೇಲುಗೈ ಸಾಧಿಸಿತ್ತು. ಮುಂಬೈ 20 ಪಂದ್ಯಗಳಲ್ಲಿ 11 ಗೆಲುವುಗಳೊಂದಿಗೆ 64 ಅಂಕಗಳನ್ನು ಸಂಪಾದಿಸಿದ್ದು ಮೂರನೇ ತಂಡವಾಗಿ ಪ್ಲೇ-ಆಫ್ಗೆ ಲಗ್ಗೆಯಿಟ್ಟಿದೆ. ತಾಜಾ ಅಂಕಪಟ್ಟಿ ಇಂತಿದೆ: (ಪಂದ್ಯ ಸಂಖ್ಯೆ 1118ರ ಅಂತ್ಯಕ್ಕೆ) ಪ್ಲೇ-ಆಫ್ಗೆ ತೇರ್ಗಡೆ ಹೊಂದಿದ ತಂಡಗಳು: 1. ದಬಾಂಗ್ ಡೆಲ್ಲಿ: ಪಂದ್ಯ: 20, ಗೆಲುವು: 15, ಒಟ್ಟು ಅಂಕ: 82 2. ಬೆಂಗಾಲ್ ವಾರಿಯರ್ಸ್: ಪಂದ್ಯ: 20, ಗೆಲುವು: 13, ಒಟ್ಟು ಅಂಕ: 78 3. ಹರಿಯಾಣ ಸ್ಟೀಲರ್ಸ್: ಪಂದ್ಯ: 20, ಗೆಲುವು: 12, ಒಟ್ಟು ಅಂಕ: 65 4. ಯು ಮುಂಬಾ: ಪಂದ್ಯ: 20, ಗೆಲುವು: 11, ಒಟ್ಟು ಅಂಕ: 64 5. ಬೆಂಗಳೂರು ಬುಲ್ಸ್: ಪಂದ್ಯ: 20, ಗೆಲುವು: 11, ಒಟ್ಟು ಅಂಕ: 63 ಪ್ಲೇ ಆಫ್ಗೆ ಪೈಪೋಟಿ ನಡೆಸುತ್ತಿರುವ ತಂಡಗಳು: 6. ಯುಪಿ ಯೋಧಾ: ಪಂದ್ಯ: 18, ಗೆಲುವು: 10, ಒಟ್ಟು ಅಂಕ: 58 7. ಜೈಪುರ ಪಿಂಕ್ ಪ್ಯಾಂಥರ್ಸ್: ಪಂದ್ಯ: 20, ಗೆಲುವು: 8, ಒಟ್ಟು ಅಂಕ: 52 8. ಗುಜರಾತ್ ಫಾರ್ಚೂನ್ ಜಯಂಟ್ಸ್: ಪಂದ್ಯ: 20, ಗೆಲುವು: 6, ಒಟ್ಟು ಅಂಕ: 45 9. ಪುಣೇರಿ ಪಲ್ಟನ್: ಪಂದ್ಯ: 20, ಗೆಲುವು: 6, ಒಟ್ಟು ಅಂಕ: 42 10. ಪಟನಾ ಪೈರೇಟ್ಸ್: ಪಂದ್ಯ: 20, ಗೆಲುವು: 6, ಒಟ್ಟು ಅಂಕ: 41 11. ತೆಲುಗು ಟೈಟನ್ಸ್: ಪಂದ್ಯ: 18, ಗೆಲುವು: 5, ಒಟ್ಟು ಅಂಕ: 39 12. ತಮಿಳ್ ತಲೈವಾಸ್: ಪಂದ್ಯ: 20, ಗೆಲುವು: 3, ಒಟ್ಟು ಅಂಕ: 31
from Sports News in Kannada, Latest Kannada Sports News | ಕ್ರೀಡೆ-ಕ್ರಿಕೆಟ್ ಸುದ್ದಿ, - Vijaya Karnataka https://ift.tt/2o2azbN
