ನ್ಯಾಯಾಂಗ ನಿಂದನೆ ಪ್ರಕರಣವೊಂದರಲ್ಲಿ ದೋಷಿ ಎಂದು ಸಾಬೀತಾಗಿರುವ ಹಿರಿಯ ವಕೀಲ ಪ್ರಶಾಂತ್ ಭೂಷಣ್, ಶಿಕ್ಷೆಯಿಂದ ಪಾರಾಗಲು ಕ್ಷಮೆ ಕೇಳೋದಿಲ್ಲ ಎಂದು ಈಗಾಗಲೇ ಸುಪ್ರೀಂ ಕೋರ್ಟ್ಗೆ ಸ್ಪಷ್ಟಪಡಿಸಿದ್ದಾರೆ. ಈ ನಡುವೆ ಮಾಡಿದ್ದಾರೆ ಎನ್ನಲಾದ ವಿವಾದಾತ್ಮಕ ಟ್ವೀಟ್ ಒಂದು ಸಾಮಾಜಿಕ ಜಾಲತಾಣದಲ್ಲಿ ಹರಿದಾಡುತ್ತಿದೆ. ಹಿಂದಿಯಲ್ಲಿ ಇರುವ ಆ ಟ್ವೀಟ್ನ ಪ್ರಕಾರ, ‘ನನ್ನ ಹೋರಾಟ ಸುಪ್ರೀಂ ಕೋರ್ಟ್ ವಿರುದ್ಧ ಅಲ್ಲ, ಕೋರ್ಟ್ ಒಳಗೆ ಇರುವ ಬಿಜೆಪಿ ಏಜೆಂಟರ ವಿರುದ್ಧ. ಈ ಹೋರಾಟಕ್ಕೆ ನಿಮ್ಮ ಬೆಂಬಲ ಬೇಕು, ನೀವು ನನ್ನ ಜೊತೆಗೆ ಇದ್ದೀರಾ?’ ಎಂದು ಪ್ರಶಾಂತ್ ಭೂಷಣ್ ಕೇಳಿಕೊಂಡಿದ್ದಾರೆ. @p_bhushan11 ಎಂಬ ಈ ಟ್ವಿಟ್ಟರ್ ಖಾತೆಯನ್ನು ಹಲವು ಕಾಂಗ್ರೆಸ್ ನಾಯಕರು ಅನುಸರಿಸುತ್ತಿದ್ದಾರೆ. ಇದು ಪ್ರಶಾಂತ್ ಭೂಷಣ್ ಅವರ ಅಸಲಿ ಖಾತೆ ಎಂದೇ ಹಲವರು ಭಾವಿಸಿದ್ದಾರೆ. ಸತ್ಯಾಂಶವೇನು..? ಇದು ಪ್ರಶಾಂತ್ ಭೂಷಣ್ ಅವರ ಹೆಸರಿನಲ್ಲಿ ಇರುವ ನಕಲಿ ಟ್ವಿಟರ್ ಖಾತೆ. ಮೇ 2020ರಲ್ಲಿ ಈ ಖಾತೆ ಆರಂಭವಾಯ್ತು. ಪ್ರಶಾಂತ್ ಭೂಷಣ್ ಅವರ ಪರಿಶೀಲಿಸಿದ ಟ್ವಿಟರ್ ಖಾತೆ @pbhushan1 ಎಂಬ ಹೆಸರಲ್ಲಿದೆ. ಇದಕ್ಕೆ 1.7 ದಶಲಕ್ಷ ಹಿಂಬಾಲಕರಿದ್ದಾರೆ. ಈ ಖಾತೆ ಜನವರಿ 2014ರಲ್ಲಿ ಆರಂಭವಾಯ್ತು. ಇನ್ನು ಪ್ರಶಾಂತ್ ಭೂಷಣ್ ಹೆಸರಲ್ಲಿ ಇರುವ ನಕಲಿ ಖಾತೆಯ ಬಯೋನಲ್ಲಿ ಇದು ವಿಡಂಬನಾತ್ಮಕ ಖಾತೆ ಎಂದು ಹೆಸರಿಸದ ಕಾರಣ, ಬಹಳಷ್ಟು ಟ್ವಿಟರ್ ಬಳಕೆದಾರರು ಭೂಷಣ್ ಅವರ ಅಸಲಿ ಖಾತೆ ಯಾವುದು ಎಂದು ಗೊಂದಲಕ್ಕೆ ಒಳಗಾಗಿದ್ದಾರೆ. ಹಾಗೆ ನೋಡಿದ್ರೆ ಪ್ರಶಾಂತ್ ಭೂಷಣ್ ತಮ್ಮ ಪರಿಶೀಲಿಸಿದ ಖಾತೆಯಿಂದ ಈ ರೀತಿಯ ಯಾವುದೇ ಟ್ವೀಟ್ ಮಾಡಿಲ್ಲ. ಎಲ್ಲಕ್ಕಿಂತಾ ಹೆಚ್ಚಾಗಿ ತಮ್ಮ ವಿರುದ್ಧದ ನ್ಯಾಯಾಂಗ ನಿಂದನೆ ಪ್ರಕರಣಕ್ಕೆ ಸಂಬಂಧಿಸಿದ ಹಲವು ಟ್ವೀಟ್ಗಳನ್ನು ಹಾಗೂ ಸುದ್ದಿಗಳ ಲಿಂಕ್ಗಳನ್ನು ತೆಗೆದು ಹಾಕಿದ್ದಾರೆ. ಟೈಮ್ಸ್ ಫ್ಯಾಕ್ಟ್ ಚೆಕ್ನ ಸಮಗ್ರ ಅಧ್ಯಯನದ ಬಳಿಕ ಹೇಳೋದಾದ್ರೆ, ಪ್ರಶಾಂತ್ ಭೂಷಣ್ ಅವರ ಹೆಸರಿನಲ್ಲಿ ಸೃಷ್ಟಿಸಿ ಸುಪ್ರೀಂ ಕೋರ್ಟ್ ಹಾಗೂ ಬಿಜೆಪಿ ವಿರುದ್ಧ ಸಂದೇಶಗಳನ್ನು ಬರೆಯಲಾಗಿತ್ತು. ನೆಟ್ಟಿಗರು ಈ ಸಂದೇಶವನ್ನು ಭೂಷಣ್ ಅವರ ಅಸಲಿ ಖಾತೆಯ ಸಂದೇಶ ಎಂದು ಭಾವಿಸಿ ಮಾಡಿದ್ದರು.
from India & World News in Kannada | VK Polls https://ift.tt/34CyXUD
