ಹೈದರಾಬಾದ್: ಬಾಲಕಿಯರು, ಯುವತಿ, ಮಹಿಳೆಯರ ಮೇಲೆ ದಿನ ನಿತ್ಯ ಲೈಂಗಿಕ ಕಿರುಕುಳ, ದೌರ್ಜನ್ಯ ನಡೆಯುತ್ತಿರುತ್ತವೆ ಎನ್ನುವ ವರದಿಗಳು ಕೇಳಿ ಬರುತ್ತಿರುವ ಮಧ್ಯೆಯೇ ಇದೀಗ ಹೈದರಾಬಾದ್ನಲ್ಲಿ ನಿಜಕ್ಕೂ ಶಾಂಕಿಂಗ್ ನ್ಯೂಸ್ವೊಂದು ವರದಿಯಾಗಿದೆ. 25 ವರ್ಷದ ಮಹಿಳೆಯೊಬ್ಬರು ಬರೋಬ್ಬರಿ 143 ಮಂದಿ ವಿರುದ್ಧ ಲೈಂಗಿಕ ಕಿರುಕುಳದಡಿ ದೂರು ದಾಖಲಿಸಿದ್ದಾರೆ. ಹೈದರಾಬಾದ್ನ ಪುಂಜಗುತ್ತ ಪೊಲೀಸ್ ಠಾಣೆಯಲ್ಲಿ ಮಹಿಳೆ ದೂರು ರಿಜಿಸ್ಟರ್ ಮಾಡಿದ್ದಾರೆ. ದೂರಿನಲ್ಲಿ ಎಲ್ಲರ ಹೆಸರು ಹಾಗೂ ವಿಳಾಸ ನೀಡಿರುವ ಮಹಿಳೆ ಇವರೆಲ್ಲಾ ತನಗೆ ಲೈಂಗಿಕ ಕಿರುಕುಳ ನೀಡಿರುವುದಾಗಿ ಆರೋಪಿಸಿದ್ದಾರೆ. ಮಹಿಳೆ ಮಾಡಿರುವ ಆರೋಪ ಏನು, ಕೇಸ್ನ ಸಂಪೂರ್ಣ ವರದಿ ಇಲ್ಲಿದೆ.ಇನ್ನು ಮಹಿಳೆಯ ದೂರಿನಂತೆ ಪೊಲೀಸರು ದೂರು ದಾಖಲಿಸಿಕೊಂಡಿದ್ದಾರೆ. ಬಳಿಕ ಮಹಿಳೆಯನ್ನ ವೈದ್ಯಕೀಯ ತಪಾಸಣೆ ಹಿನ್ನೆಲೆ ಸರಕಾರಿ ಆಸ್ಪತ್ರೆಗೆ ಪೊಲೀಸರು ಕಳುಹಿಸಿಕೊಟ್ಟಿದ್ದಾರೆ. ಸ್ವಾರಸ್ಯಕರ ಸಂಗತಿ ಅಂದರೆ 42 ಪುಟಗಳ ಚಾರ್ಜ್ಶೀಟ್ ಪೈಕಿ 41 ಪುಟಗಳಲ್ಲಿ ಆರೋಪಿಗಳ ಹೆಸರು ಹಾಗೂ ಅವರ ವಿಳಾಸ ಮತ್ತು ಅವರು ಮಾಡಿರುವ ಕೃತ್ಯದ ಬಗ್ಗೆ ಮಹಿಳೆ ಆರೋಪಿರುವುದು ದಾಖಲಾಗಿದೆ ಎಂದು ತಿಳಿದುಬಂದಿದೆ. ಇನ್ನು 143 ಮಂದಿ ಪೈಕಿ ಕೆಲವು ಮಹಿಳೆಯರ ಹೆಸರನ್ನು ಕೂಡ ಸಂತ್ರಸ್ಥೆ ತನ್ನ ದೂರಿನಲ್ಲಿ ಹೆಸರಿಸಿದ್ದಾರೆ. ಅಲ್ಲದೇ ಮಹಿಳೆ ನೀಡಿದ ದೂರಿನಲ್ಲಿ ಸಿನಿಮಾ, ರಾಜಕೀಯ, ಸರಕಾರಿ ಅಧಿಕಾರಿಗಳು ಸೇರಿ ಎಲ್ಲಾ ಸ್ತರದವರ ಹೆಸರಿದೆ ಎಂದು ತಿಳಿದುಬಂದಿದೆ.
ಒಂದೇ ಒಂದು ಇಲಿ ಮಾಡಿದ ಯಡವಟ್ಟಿನಿಂದಾಗಿ ಒಂದು ಕೋಟಿ ಮೌಲ್ಯದ ಆಸ್ತಿ ನಷ್ಟ..!
ಕಳೆದ ಹಲವು ವರ್ಷಗಳಿಂದ ಮಹಿಳೆ ಲೈಂಗಿಕ ಕಿರುಕುಳ ಎದುರಿಸುತ್ತಿದ್ದರಂತೆ. ಒಂದಲ್ಲ ಒಂದು ರೀತಿಯಲ್ಲಿ ಆರೋಪಿಗಳು ಕಿರುಕುಳ ನೀಡುತ್ತಲು ಬಂದಿದ್ದರಂತೆ. ಆದರೆ ಎಷ್ಟೇ ನೋವಾದರು ದೂರು ನೀಡಿರಲಿಲ್ಲವಂತೆ. ಆದರೆ ಇದದೀಗ ಇದೆ ಮೊದಲ ಬಾರಿಗೆ ಮಹಿಳೆ ದೂರು ದಾಖಲಿಸಿರುವುದಾಗಿ ತಿಳಿಸಿದ್ದಾರೆ. ಅಲ್ಲದೆ ಮದುವೆಯಾಗಿದ್ದ ಮಹಿಳೆ ನಂತರ ವಿಚ್ಛೇದನ ಪಡೆದಿದ್ದರಂತೆ. ಹೀಗಾಗಿ ಮದುವೆಯಾಗಿದ್ದ ಸಮಯದಲ್ಲಿ ತನ್ನ ಕುಟುಂಬದ ಕೆಲ ಸದಸ್ಯರು ಕೀಳಾಗಿ ನಿಂದಿಸಿರುವುದಾಗಿ ಹೇಳಿರುವ ಮಹಿಳೆ, ತನ್ನ ಕುಟುಂಬದ ಕೆಲವರನ್ನು ಕೂಡ ಈ ಕೇಸ್ನಲ್ಲಿ ಸೇರಿಸಿದ್ದಾರೆ. ಇನ್ನು ದೂರು ದಾಖಲಿಸಿಕೊಂಡಿರುವ ಪೊಲೀಸರು ಒಬ್ಬೊಬ್ಬರನ್ನೆ ಪೊಲೀಸ್ ಠಾಣೆಗೆ ಕರೆದು ವಿಚಾರಣೆ ನಡೆಸಿರುವುದಾಗಿ ಪೊಲೀಸ್ ಮೂಲಗಳ ತಿಳಿಸಿವೆ.
ಕೊರೊನಾ ಅಪ್ಡೇಟ್ಸ್: ಒಂದೇ ದಿನ 10 ಲಕ್ಷ ಮಂದಿಗೆ ಪರೀಕ್ಷೆ, ಮತ್ತೆ 69 ಸಾವಿರ ಹೊಸ ಕೇಸ್ ದಾಖಲು!
ಇನ್ನು ಮಹಿಳೆಯ ದೂರನ್ನ ಸ್ವೀಕರಿಸಿರುವ ಪುಂಜಗುತ್ತ ಪೊಲೀಸರು ತನಿಖೆ ನಡೆಸುವ ಭರವಸೆ ನೀಡಿದ್ದಾರೆ. ಅಲ್ಲದೆ ಅತ್ಯಚಾರ, ಮಹಿಳೆಯ ಕೆಟ್ಟದಾಗಿ ಅವಮಾನಿಸುವುದು, ಮಹಿಳೆಯ ತೇಜೋವಧೆ ಸೇರಿ ವಿವಿಧ ಭಾರತೀಯ ದಂಡ ಸಂಹಿತೆಯಡಿ ದೂರು ದಾಖಲಿಸಿಕೊಂಡಿದ್ದಾರೆ. ದೇಶದಲ್ಲಿ ಮಹಿಳೆಯ ಮೇಲೆ ದೌರ್ಜನ್ಯಗಳು ನಡೆಯುತ್ತಲೆ ಇದೆ ಎನ್ನುವ ವರದಿಗಳು ಬರುತ್ತಿರುವಾಗಲೇ ಈ ಶಾಕಿಂಗ್ ನ್ಯೂಸ್ ಹೊರಬಿದ್ದಿದೆ. ಹಲವು ವರ್ಷಗಳ ಹಿಂದೆ ಇಡೀ ದೇಶವನ್ನೇ ಬೆಚ್ಚಿಬೀಳಿಸಿದ್ದ ನಿರ್ಭಯಾ ಅತ್ಯಚಾರ ಪ್ರಕರಣದ ಅಪರಾಧಿಗಳಿಗೆ ಇತ್ತೀಚೆಗೆ ಗಲ್ಲು ಶಿಕ್ಷೆಯಾಗಿತ್ತು. ಇನ್ನು ಈ ಮಹಿಳೆಯ ಯಾರು ಎನ್ನುವುದು ತಿಳಿದುಬಂದಿಲ್ಲ. ಅಲ್ಲದೆ ಸುಪ್ರೀಂಕೋರ್ಟ್ನ ನಿಯಮದಂತೆ ಸಂತ್ರಸ್ಥೆ ಮಹಿಳೆಯ ಪರಿಚಯ ಗೌಪ್ಯವಾಗಿ ಇಡಬೇಕೆಂದಿದೆ.
from India & World News in Kannada | VK Polls https://ift.tt/3l9VrBW
