ಬೆಂಗಳೂರು: ಇಂಡಿಯನ್ ಪ್ರೀಮಿಯರ್ ಲೀಗ್ನಲ್ಲಿ ಪರ ಆಡುವ ಮತ್ತು ನಡುವೆ ವೈಮನಸ್ಸು ಎದುರಾಗಿದೆ ಎಂಬ ಸುದ್ದಿ ವರದಿಯಾಗಿತ್ತು. ಇದಕ್ಕೆ ಟ್ವಿಟರ್ನಲ್ಲಿ ವೆಸ್ಟ್ ಇಂಡೀಸ್ ಆಲ್ರೌಂಡರ್ ಮುಂಬೈ ಇಂಡಿಯನ್ಸ್ ತಂಡದ ಕ್ಯಾಪ್ಟನ್ ರೋಹಿತ್ ಅವರನ್ನು ಅನ್ಫಾಲೋ ಮಾಡಿದ್ದೇ ಕಾರಣ. ಇದಾದ ಬಳಿಕ ವೆಸ್ಟ್ ಇಂಡೀಸ್ ತಂಡದ ನಾಯಕ ಪೊಲಾರ್ಡ್ ತಮ್ಮ ಅತ್ಯುತ್ತಮ ಗೆಳೆಯ ರೋಹಿತ್ ಮೇಲೆ ಮುನಿಸಿಕೊಂಡಿರುವುದಾದರೂ ಏಕೆ? ಎಂದು ನೆಟ್ಟಿಗರು ಮತ್ತು ಕ್ರಿಕೆಟ್ ಅಭಿಮಾನಿಗಳು ತಲೆ ಕೆಡಿಸಿಕೊಂಡಿದ್ದಾರೆ. ಕೊನೆಗೂ ಈ ಗೊಂದಲ ಬಗೆ ಹರಿದಿದೆ. ವೆಸ್ಟ್ ಇಂಡೀಸ್ ತಂಡ ಡಿಸೆಂಬರ್ನಲ್ಲಿ ಆತಿಥೇಯರ ಎದುರು 3 ಪಂದ್ಯಗಳ ಏಕದಿನ ಮತ್ತು ಟಿ20 ಕ್ರಿಕೆಟ್ ಸರಣಿಗಳನ್ನಾಡಲಿದೆ. ಈ ಸರಣಿಯ ಪ್ರಚಾರ ಉದ್ದೇಶವಾಗಿದೆ ಪಂದ್ಯಾಟದ ಟೆಲಿವಿಷನ್ ಪ್ರಸಾರದ ಹಕ್ಕನ್ನು ಹೊಂದಿರುವ ಸ್ಟಾರ್ ಸ್ಪೋರ್ಟ್ಸ್ ಸಂಸ್ಥೆಯು ಗಿಮಿಕ್ ಮಾಡಿದ್ದು, ಉದ್ದೇಶ ಪೂರ್ವಕವಾಗಿ ಪೊಲಾರ್ಡ್ ಅವರಿಂದ ರೋಹಿತ್ ಅವರನ್ನು ಅನ್ಫಾಲೋ ಮಾಡಿಸಲಾಗಿದೆ. ಸರಣಿ ಡಿ.6ರಿಂದ ಆರಂಭವಾಗಲಿದ್ದು, ಟಿ20 ಪಂದ್ಯಗಳು ಮುಂಬೈ, ತಿರುವನಂತಪುರ ಮತ್ತು ಹೈದರಾಬಾದ್ನಲ್ಲಿ ನಡೆಯಲಿದ್ದು, ಏಕದಿನ ಪಂದ್ಯಗಳು ಚೆನ್ನೈ , ವಿಶಾಖಪಟ್ಟಣ ಮತ್ತು ಕಟಕ್ನಲ್ಲಿ ನಡೆಯಲಿದೆ. ಸ್ಟಾರ್ ಸ್ಪೋರ್ಟ್ಸ್ನ ಈ ಪ್ರಚಾರ ಗಿಮಿಕ್ನಿಂದಾಗಿ ಕ್ರಿಕೆಟ್ ಅಭಿಮಾನಿಗಳು ಈ ಇಬ್ಬರು ಆಟಗಾರರ ಮಧ್ಯ ಒಡಕುಂಟಾಯಿತೇ ಎಂದೆಲ್ಲಾ ತಲೆ ಕೆಡಿಸಿಕೊಂಡಿದ್ದರು. ಅಭಿಮಾನಿಗಳ ಈ ಗೊಂದಲ ನಿವಾರಣೆಗೆ ಸ್ಟಾರ್ ಸ್ಪೋಟ್ಸ್ ಗುರುವಾರ ಜಾಹೀರಾತೊಂದನ್ನು ಪ್ರಕಟ ಮಾಡಿದ್ದು, ಇದರಲ್ಲಿ ರೋಹಿತ್ ಮತ್ತು ಪೊಲಾರ್ಡ್ ಇಬ್ಬರನ್ನೂ ತೋರಿಸಲಾಗಿದೆ. ವಿಡಿಯೋದಲ್ಲಿ ಪೊಲಾರ್ಡ್ ಅವರನ್ನು ರೋಹಿತ್ ಏರ್ಪೋರ್ಟ್ನಿಂದ ತಮ್ಮ ಕಾರ್ನಲ್ಲಿ ಪಿಕ್ ಮಾಡಿ ಕರೆದುಕೊಂಡು ಹೋಗುತ್ತಿರುತ್ತಾರೆ. ಇಬ್ಬರು ಗೆಳೆಯರು ಸಂತೋಷದಿಂದ ಹರಟೆ ಹೊಡೆಯುತ್ತಿರುವ ಹೊತ್ತಿಗೆ ರೇಡಿಯೊದಲ್ಲಿ ಭಾರತ ತಂಡವನ್ನು ಅವರದ್ದೇ ನೆಲದಲ್ಲಿ ಸೋಲಿಸೋದು ಮಜಾ ತಂದುಕೊಡುತ್ತದೆ ಎಂದು ಪೊಲಾರ್ಡ್ ಹೇಳಿರುವುದಾಗಿ ಸುದ್ದಿ ಪ್ರಸಾರವಾಗುತ್ತದೆ. ಇದನ್ನು ಕೇಳಿಸಿಕೊಂಡ ರೋಹಿತ್ ಕಾರ್ ಕೆಟ್ಟಿತೆಂದು ನಾಟಕವಾಡಿ ಪೊಲಾರ್ಡ್ ಅವರನ್ನು ಕೆಳಗಿಳಿದು ಕಾರ್ ದೂಡುವಂತೆ ಹೇಳುತ್ತಾರೆ. ಬಳಿಕ ಕಾರ್ ಸ್ಟಾರ್ಟ್ ಮಾಡಿ ಮುಂದೆ ಸಾಗುವ ಮೂಲಕ ವೆಸ್ಟ್ ಇಂಡೀಸ್ ಆಟಗಾರನ ಬ್ಯಾಗ್ಗಳೆಲ್ಲವನ್ನೂ ಕಾರ್ನಿಂದ ಹೊರಗೆಸೆಯುತ್ತಾರೆ. ಆದ್ದರಿಂದಲೇ ಪೊಲಾರ್ಡ್ ಟ್ವಿಟರ್ನಲ್ಲಿ ರೋಹಿತ್ ಅವರನ್ನು ಅನ್ಫಾಲೋ ಮಾಡಿರುವುದು ಎಂದು ಈ ಜಾಹೀರಾತಿನ ಹಿಂದಿರುವ ಉದ್ದೇಶ. ಇದನ್ನು ಟ್ವಿಟರ್ನಲ್ಲಿ ಶೇರ್ ಮಾಡಿರುವ ರೋಹಿತ್ ಶರ್ಮಾ, ಪೊಲಾರ್ಡ್ಗೆ ಹ್ಯಾಪಿ ಅನ್ ಫ್ರೆಂಡ್ಶಿಪ್ ಡೇ ಎಂದು ಕಾಲೆಳೆದಿದ್ದಾರೆ ಕೂಡ. ಇನ್ನು ಭಾರತ ಮತ್ತು ವೆಸ್ಟ್ ಇಂಡೀಸ್ ತಂಡಗಳ ಜಟಾಪಟಿ ಕುರಿತಾಗಿ ಮಾತನಾಡುವುದಾದರೆ, 2018ರ ನವೆಂಬರ್ ಬಳಿಕ ಭಾರತ ತಂಡ ಹಾಲಿ ಟಿ20 ವಿಶ್ವ ಚಾಂಪಿಯನ್ಸ್ ಎದುರು ವೆಸ್ಟ್ ಇಂಡೀಸ್ ಎದುರು 6 ಟಿ20 ಪಂದ್ಯಗಳನ್ನು ಆಡಿದ್ದು ಎಲ್ಲದರಲ್ಲೂ ಗೆದ್ದಿದೆ. ಕಳೆದ 9 ಪಂದ್ಯಗಳಲ್ಲಿ ವಿಂಡೀಸ್ ವಿರುದ್ಧ ಭಾರತ ಸೋತಿರುವುದು ಕೇವಲ 1 ಪಂದ್ಯ ಎಂಬುದು ವಿಶೇಷ. ವೆಸ್ಟ್ ಇಂಡೀಸ್ ತಂಡ ಅಫಘಾನಿಸ್ತಾನ ಸರಣಿ ಸಲುವಾಗಿ ಈಗಾಗಾಲೇ ಭಾರತದಲ್ಲಿದ್ದು ಮೊದಲಿಗೆ ಏಕದಿನ ಕ್ರಿಕೆಟ್ ಸರಣಿಯನ್ನು 3-0 ಅಂತರದಲ್ಲಿ ಕ್ಲೀನ್ ಸ್ವೀಪ್ ಮಾಡಿತ್ತು, ಆದರೆ ಟಿ20 ಕ್ರಿಕೆಟ್ ಸರಣಿಯಲ್ಲಿ 0-2 ಹೀನಾಯ ಸೋಲುಂಡಿದೆ.
from Sports News in Kannada, Latest Kannada Sports News | ಕ್ರೀಡೆ-ಕ್ರಿಕೆಟ್ ಸುದ್ದಿ, - Vijaya Karnataka https://ift.tt/2D5yvPC
