ಭುವನೇಶ್ವರ: ಭಾರತದ ಪುರುಷರು ಮತ್ತು ಮಹಿಳೆಯರ ಹಾಕಿ ತಂಡಗಳು ಶುಕ್ರವಾರ ಇಲ್ಲಿ ಆರಂಭವಾಗುವ ಎಫ್‌ಐಎಚ್ ಒಲಿಂಪಿಕ್ ಕ್ವಾಲಿಫೈಯರ್ಸ್‌ನ ಅಂತಿಮ ಸುತ್ತಿನಲ್ಲಿ ಕ್ರಮವಾಗಿ ರಷ್ಯಾ ಮತ್ತು ಅಮೆರಿಕ ತಂಡಗಳ ವಿರುದ್ಧ ಸೆಣಸಲಿದೆ. ಇದು ಎರಡು ಚರಣಗಳ ಟೂರ್ನಿಯಾಗಿದ್ದು, ಮನ್‌ಪ್ರೀತ್ ಸಿಂಗ್ ಮತ್ತು ರಾಣಿ ರಾಮ್‌ಪಾಲ್ ಸಾರಥ್ಯದ ಭಾರತ ತಂಡಗಳು ಶುಕ್ರವಾರ ಮತ್ತು ಶನಿವಾರ ಬೆನ್ನು ಬೆನ್ನಿಗೆ ರಷ್ಯಾ ಮತ್ತು ಅಮೆರಿಕ ತಂಡಗಳ ವಿರುದ್ಧ ಸೆಣಸಲಿದೆ. ಟೋಕಿಯೋ ಒಲಿಂಪಿಕ್ಸ್‌ಗೆ ಅರ್ಹತೆ ಗಳಿಸುವ ಹಾದಿಯಲ್ಲಿ ಉಭಯ ತಂಡಗಳ ಪಾಲಿಗೆ ಈ ಪಂದ್ಯಗಳು ನಿರ್ಣಾಯಕ ಪಾತ್ರ ವಹಿಸಲಿದೆ. ಎರಡು ಪಂದ್ಯಗಳ ಬಲಿಕ ಸರಾಸರಿ ಗೆಲುವಿನ ಆಧಾರದ ಮೇಲೆ ತಲಾ ಒಂದು ತಂಡ 2020ರ ಟೋಕಿಯೋ ಒಲಿಪಿಂಕ್ಸ್‌ಗೆ ಅರ್ಹತೆ ಪಡೆಯಲಿದೆ. ಪುರುಷ ಹಾಗೂ ಮಹಿಳಾ ವಿಭಾಗದಲ್ಲಿ ತಲಾ 12 ತಂಡಗಳು ಟೋಕಿಯೋ ಒಲಿಂಪಿಕ್ಸ್‌ನಲ್ಲಿ ಚಿನ್ನದ ಪದಕಕ್ಕಾಗಿ ಹೋರಾಡಲಾಗಿದೆ. ಈ ಪೈಕಿ ಎಂಟು ತಂಡಗಳು ಈಗಾಗಲೇ ತನ್ನ ಸ್ಥಾನಗಳನ್ನು ಖಚಿತಪಡಿಸಿದ್ದು, ಉಳಿದ ನಾಲ್ಕು ಸ್ಥಾನಗಳಿಗಾಗಿ ಅರ್ಹತಾ ಸುತ್ತಿನ ಕದನ ಏರ್ಪಟ್ಟಿದೆ. 2008ರ ಬೀಜಿಂಗ್ ಒಲಿಂಪಿಕ್ಸ್‌ಗೆ ಅರ್ಹತೆ ಪಡೆಯಲು ವಿಫಲವಾಗಿರುವ ಭಾರತೀಯ ಪುರುಷ ಹಾಕಿ ತಂಡವು 2012 ಹಾಗೂ 2016ನೇ ಇಸವಿಯಲ್ಲಿ ಅನುಕ್ರಮವಾಗಿ 12 ಹಾಗೂ ಎಂಟನೇ ಸ್ಥಾನಗಳಿಗೆ ತೃಪ್ತಿಪಟ್ಟುಕೊಂಡಿತ್ತು. 2020 ಟೋಕಿಯೋ ಒಲಿಂಪಿಕ್ಸ್‌ಗೆ ಅರ್ಹತೆ ಪಡೆದ ತಂಡಗಳು: ಪುರುಷ ವಿಭಾಗ: ಮಹಿಳಾ ವಿಭಾಗ: ಜಪಾನ್ (ಆತಿಥೇಯ) ಅರ್ಜೇಂಟೀನಾ ಆಸ್ಟ್ರೇಲಿಯಾ ಚೀನಾ ಹಾಲೆಂಡ್ ನ್ಯೂಜಿಲೆಂಡ್ ದಕ್ಷಿಣ ಆಫ್ರಿಕಾ ಸ್ಪೇನ್ ಪುರುಷ ವಿಭಾಗ: ಜಪಾನ್ (ಆತಿಥೇಯ) ಅರ್ಜೇಂಟೀನಾ ಆಸ್ಟ್ರೇಲಿಯಾ ಬೆಲ್ಜಿಯಂ ಕೆನಡಾ ಹಾಲೆಂಡ್ ದಕ್ಷಿಣ ಆಫ್ರಿಕಾ ಸ್ಪೇನ್
from Sports News in Kannada, Latest Kannada Sports News | ಕ್ರೀಡೆ-ಕ್ರಿಕೆಟ್ ಸುದ್ದಿ, - Vijaya Karnataka https://ift.tt/34lfnIQ
