ಕೋಲ್ಕತಾ: 'ಕ್ರಿಕೆಟ್ ದೇವರು' ಅಂತಾರಾಷ್ಟ್ರೀಯ ಕ್ರಿಕೆಟ್ನಲ್ಲಿ ಅನೇಕ ದಾಖಲೆಗಳನ್ನು ಬರೆದಿದ್ದು, ಸಾರ್ವಕಾಲಿಕ ಶ್ರೇಷ್ಠ ಬ್ಯಾಟ್ಸ್ಮನ್ ಎಂದೆನಿಸಿದ್ದಾರೆ. ಮಾಸ್ಟರ್ ಬ್ಲಾಸ್ಟರ್ ಖ್ಯಾತಿಯ ಸಚಿನ್ ತೆಂಡೂಲ್ಕರ್ ಒಂದೇ ಒಂದು ಪಿಂಕ್ ಬಾಲ್ ಟೆಸ್ಟ್ ಪಂದ್ಯವನ್ನು ಆಡದೇ ಇರಬಹುದು. ಆದರೂ ಕ್ರಿಕೆಟ್ ಬಗ್ಗೆ ಅಪಾರ ಜ್ಞಾನವನ್ನು ಹೊಂದಿದ್ದಾರೆ ಎಂಬುದನ್ನು ಮಗದೊಮ್ಮೆ ಸಾಬೀತು ಮಾಡಿದ್ದಾರೆ. ಚೊಚ್ಚಲ ಹಗಲು ರಾತ್ರಿ ಟೆಸ್ಟ್ ಪಂದ್ಯವನ್ನಾಡಿರುವ ಟೀಮ್ ಇಂಡಿಯಾಗೆ ಮಹತ್ವದ ಟಿಪ್ಸ್ವೊಂದನ್ನು ನೀಡುವ ಮೂಲಕ ತಾವೇಕೆ ಬೆಸ್ಟ್ ಎಂಬುದನ್ನು ಸಾರಿದ್ದಾರೆ. ಈ ಮೂಲಕ ಭಾರತದ ಗೆಲುವಿನಲ್ಲಿ ಪರೋಕ್ಷವಾಗಿ ನೆರವಾಗಿದ್ದಾರೆ. ಬಾಂಗ್ಲಾದೇಶ ವಿರುದ್ಧ ಕೋಲ್ಕತಾದ ಈಡನ್ ಗಾರ್ಡನ್ ಮೈದಾನದಲ್ಲಿ ನಡೆದ ಐತಿಹಾಸಿಕ ಗುಲಾಬಿ ಚೆಂಡಿನಾಟಕ್ಕೆ ಹೇಗೆ ಸಿದ್ಧತೆ ನಡೆಸಬೇಕು ಎಂಬುದರ ಬಗ್ಗೆ ಟೀಮ್ ಇಂಡಿಯಾಗೆ ಕಲ್ಪನೆ ಇರಲಿಲ್ಲ. ಈ ಹಂತದಲ್ಲಿ ಮಾಜಿ ಕ್ರಿಕೆಟ್ ಐಕಾನ್ ಸಚಿನ್ ತೆಂಡೂಲ್ಕರ್ ಟೀಮ್ ಇಂಡಿಯಾಗೆ ನೆರವಾಗಿದ್ದಾರೆ. ಕತ್ತಲು ಆವರಿಸುತ್ತಿದ್ದಂತೆಯೇ ಚೆಂಡು ಹೆಚ್ಚೆಚ್ಚು ಸ್ವಿಂಗ್ ಆಗಲು ಪ್ರಾರಂಭಿಸುತ್ತದೆ. ಹಾಗಾಗಿ ಪಿಂಕ್ ಚೆಂಡಿನಾಟದಲ್ಲಿ ದಿನದ ಎರಡನೇ ಅವಧಿಯನ್ನು ಸಾಮಾನ್ಯ ಟೆಸ್ಟ್ ಪಂದ್ಯಗಳ ಮೊದಲ ಅವಧಿಯನ್ನಾಗಿ ಪರಿಗಣಿಸುವಂತೆ ಸಚಿನ್ ಸಲಹೆ ಮಾಡಿದ್ದರು. ಸಚಿನ್ ಸಲಹೆಯನ್ನು ಪಾಲಿಸಿದ್ದರಿಂದ ಟೀಮ್ ಇಂಡಿಯಾಗೆ ಹೆಚ್ಚಿನ ಯಶಸ್ಸು ದೊರಕಿತ್ತು. ಇದನ್ನು ನಾಯಕ ಸಹ ಉಲ್ಲೇಖಿಸಿದ್ದಾರೆ. ಪಿಂಕ್ ಬಾಲ್ ಟೆಸ್ಟ್ನಲ್ಲಿ ಮೊದಲ ಅವಧಿಯನ್ನು ಸಾಮಾನ್ಯ ಟೆಸ್ಟ್ಗಳಲ್ಲಿ ಲಂಚ್ನಿಂದ ಟೀ ವಿರಾಮದ ವರೆಗಿನ ಅವಧಿಯಾಗಿ ಪರಿಗಣಿಸಲಾಯಿತು. ಎರಡನೇ ಅವಧಿಯನ್ನು ಸಾಮಾನ್ಯ ಟೆಸ್ಟ್ಗಳಲ್ಲಿನ ಮೊದಲ ಅವಧಿಯನ್ನಾಗಿ ಪರಿಗಣಿಸಲಾಯಿತು. ಈ ಅವಧಿಯಲ್ಲಿ ಚೆಂಡು ಹೆಚ್ಚು ಸ್ವಿಂಗ್ ಆಗುತ್ತಿದ್ದವು. ಕತ್ತಲು ಆವರಿಸುತ್ತಿದ್ದಂತೆಯೇ ಬ್ಯಾಟ್ಸ್ಮನ್ಗಳನ್ನು ಹೆಚ್ಚೆಚ್ಚು ಕಾಡುತ್ತಿತ್ತು ಎಂದು ವಿವರಿಸಿದರು. ಅಕ್ಷರಶ: ಸಚಿನ್ ಸಲಹೆಯನ್ನು ಪಾಲಿಸಿರುವುದು ವಿರಾಟ್ ಕೊಹ್ಲಿಗೆ ಶತಕ ಬಾರಿಸಲು ಸಾಧ್ಯವಾಗಿತ್ತು. ಆದರೂ ಮುಂದಿನ ದಿನಗಳಲ್ಲಿ ಹೇಗೆ ಒಗ್ಗಿಕೊಳ್ಳುತ್ತೇವೆ ಎಂಬುದರಲ್ಲಿ ಯಶಸ್ಸು ಅಡಗಿರಲಿದೆ ಎಂದು ಉಲ್ಲೇಖಿಸಿದರು.
from Sports News in Kannada, Latest Kannada Sports News | ಕ್ರೀಡೆ-ಕ್ರಿಕೆಟ್ ಸುದ್ದಿ, - Vijaya Karnataka https://ift.tt/2DceRBF
