ಹೊಸದಿಲ್ಲಿ: ಅಂತಾರಾಷ್ಟ್ರೀಯ ಟಿ20 ಕ್ರಿಕೆಟ್ನಲ್ಲಿ ಪರ ಆರಂಭಿಕ ಬ್ಯಾಟ್ಸ್ಮನ್ ಆಗಿ ತಮ್ಮ ಸ್ಥಾನ ಭದ್ರ ಪಡಿಸಿಕೊಳ್ಳುವ ಕಡೆಗೆ ಶ್ರಮಿಸುತ್ತಿರುವ ಎಡಗೈ ಓಪನ್ , ಪ್ರವಾಸಿ ವಿರುದ್ಧದ ಟಿ20 ಕ್ರಿಕೆಟ್ ಸರಣಿಯ ಮೊದಲ ಹಣಾಹಣಿಯಲ್ಲಿ ವಿಶೇಷ ಬ್ಯಾಟ್ನೊಂದಿಗೆ ಕಣಕ್ಕಿಳಿದರು. ಈವರೆಗೆ ಎಮ್ಆರ್ಎಫ್ ಲೋಗೊ ಹೊಂದಿದ್ದ ಬ್ಯಾಟ್ ಮೂಲಕ ಟೀಮ್ ಇಂಡಿಯಾ ಪರ ರನ್ ಹೊಳೆ ಹರಿಸಿರುವ ಗಬ್ಬರ್ ಖ್ಯಾತಿಯ ಎಡಗೈ ಬ್ಯಾಟ್ಸ್ಮನ್ 33 ವರ್ಷದ ಧವನ್, ಭಾನುವಾರದ ಪಂದ್ಯದಲ್ಲಿ ಬಾಂಗ್ಲಾದೇಶ ವಿರುದ್ಧ ಕೂಕಬುರಾ ಬ್ಯಾಟ್ನೊಂದಿಗೆ ಆಡುವ ಮೂಲಕ ಅಚ್ಚರಿ ಮೂಡಿಸಿದರು. ಆಸ್ಟ್ರೇಲಿಯಾ ಮೂಲದ ಕ್ರಿಕೆಟ್ ಮತ್ತು ಕ್ರೀಡಾ ಸರಕು ಸಾಮಗ್ರಿಗಳ ಉತ್ಪಾದನಾ ಸಂಸ್ಥೆ ಆಗಿರುವ ಕೂಕಾಬುರಾ ಸ್ಪೋರ್ಸ್ಟ್ ಜೊತೆಗೆ ಶಿಖರ್ ಧವನ್ ಒಪ್ಪಂದ ಮಾಡಿಕೊಂಡಿರುವ ಸಾಧ್ಯತೆ ಇದ್ದು, ಟೀಮ್ ಇಂಡಿಯಾದಲ್ಲಿ ಬಳಕೆ ಮಾಡಿ ಆಡಿದ ಮೊತ್ತ ಮೊದಲ ಬ್ಯಾಟ್ಸ್ಮನ್ ಆಗಿರುವ ಸಾಧ್ಯತೆ ಇದೆ. ಇದಕ್ಕೂ ಮುನ್ನ ಸೋಷಿಯಲ್ ಮೀಡಿಯಾದಲ್ಲಿ ರೋಹಿತ್ ಶರ್ಮಾ ಅವರ ಪುತ್ರಿ ಸಮೈರಾ ಜೊತೆಗೆ ಆಟವಾಡುತ್ತಿರುವ ವಿಡಿಯೊ ಒಂದನ್ನು ಶಿಖರ್ ಧವನ್ ಪ್ರಕಟಿಸಿದ್ದರು. ರೋಹಿತ್ ಶರ್ಮಾ ಅವರ ಮುದ್ದಿನ ಮಗಳ ಚೆಂದದ ಆಟ ಕಂಡ ಕ್ರಿಕೆಟ್ ಪ್ರಿಯರು ಮಗುವಿನ ಮುದ್ಧತೆಗೆ ಮನಸೋತಿದ್ದರು. ಸೀಮಿತ ಓವರ್ಗಳ ಕ್ರಿಕೆಟ್ನಲ್ಲಿ ಟೀಮ್ ಇಂಡಿಯಾದ ಆರಂಭಿಕ ಜೋಡಿಯಾಗಿ ಶಿಖರ್ ಧವನ್ ಮತ್ತು ರೋಹಿತ್ ಶರ್ಮಾ ಭಾರತ ತಂಡದ ಪರ ಅದ್ಭುತ ಜೊತೆಯಾಟಗಳನ್ನಾಡಿದ್ದಾರೆ. ಆದರೆ, ಈ ಜೋಡಿಗೆ ಟೆಸ್ಟ್ನಲ್ಲಿ ಆರಂಭಿಕರಾಗಿ ಜೊತೆಯಾಗಿ ಆಡುವ ಅವಕಾಶ ಲಭ್ಯವಾಗಿಲ್ಲ. ಶಿಖರ್ ದೀರ್ಘ ಕಾಲದವರೆಗೆ ಮೂರು ಮಾದರಿಯ ಕ್ರಿಕೆಟ್ನಲ್ಲಿ ಭಾರತ ತಂಡದ ಪರ ಆರಂಭಿಕರಾಗಿ ಆಡಿದ್ದಾರೆ. ಆದರೆ, ರೋಹಿತ್ ಕಳೆದ ತಿಂಗಳು ನಡೆದ ದಕ್ಷಿಣ ಆಫ್ರಿಕಾ ವಿರುದ್ಧದ ಸರಣಿ ಮೂಲಕ ಟೆಸ್ಟ್ ಕ್ರಿಕೆಟ್ನಲ್ಲಿ ಆರಂಭಿಕರಾಗಿ ಆಡುವ ಅವಕಾಶ ಪಡೆದು ಒಂದು ದ್ವಿಶತಕವನ್ನು ಒಳಗೊಂಡ ಮೂರು ಶತಕಗಳನ್ನು ಬಾರಿಸಿ ಒಟ್ಟಾರೆ 4 ಇನಿಂಗ್ಸ್ಗಳಲ್ಲಿ 529 ರನ್ಗಳನ್ನು ಚಚ್ಚಿದ್ದರು. ಆದರೆ, ಈ ಹೊತ್ತಿಗಾಗಲೇ ಕಳಪೆ ಫಾರ್ಮ್ನಿಂದಾಗಿ ಶಿಖರ್ ಧವನ್ ಟಸ್ಟ್ ಕ್ರಿಕೆಟ್ನಲ್ಲಿ ಆರಂಭಿಕನ ಸ್ಥಾನವನ್ನು ಕಳೆದುಕೊಂಡು ತಂಡದಿಂದ ಹೊರಬಿದ್ದಿದ್ದರು. ಇದೀಗ ರೋಹಿತ್ ಮತ್ತು ಶಿಖರ್ ಧವನ್ ಜೋಡಿ ಬಾಂಗ್ಲಾದೇಶ ವಿರುದ್ಧದ ಸರಣಿ ಮೂಲಕ ಮರಳಿ ಭಾರತದ ಪರ ಓಪನಿಂಗ್ ಮಾಡಲಿದೆ. ವಿರಾಟ್ ಕೊಹ್ಲಿ ಅನುಪಸ್ಥಿತಿಯಲ್ಲಿ ಬಾಂಗ್ಲಾದೇಶ ವಿರುದ್ಧದ 3 ಪಂದ್ಯಗಳ ಕ್ರಿಕೆಟ್ ಸರಣಿಯಲ್ಲಿ ರೋಹಿತ್ ಶರ್ಮಾ ನಾಯಕತ್ವ ಪಡೆದುಕೊಂಡಿದ್ದಾರೆ.
from Sports News in Kannada, Latest Kannada Sports News | ಕ್ರೀಡೆ-ಕ್ರಿಕೆಟ್ ಸುದ್ದಿ, - Vijaya Karnataka https://ift.tt/2oMKMVG
