ಸೂರತ್: ಪ್ರಶಸ್ತಿ ಗೆಲುವಿನ ಆತ್ಮ ವಿಶ್ವಾಸದ ಅಲೆಯಲ್ಲಿರುವ ಕ್ರಿಕೆಟ್ ತಂಡ, ಟಿ20 ಟೂರ್ನಿಯ ಹಂತದಲ್ಲಿ ಅಪಾಯಕಾರಿ ಪಂಜಾಬ್ ತಂಡವನ್ನು 7 ವಿಕೆಟ್ಗಳಿಂದ ಬಗ್ಗುಬಡಿದು ಹ್ಯಾಟ್ರಿಕ್ ಗೆಲುವಿನ ಸಿಹಿಯುಂಡಿದೆ. ಇಲ್ಲಿನ ಸಿಬಿ ಪಟೇಲ್ ಅಂತಾರಾಷ್ಟ್ರೀಯ ಕ್ರೀಡಾಂಗಣದಲ್ಲಿ ಭಾನುವಾರ ನಡೆದ ರೋಚಕ ಪಂದ್ಯದಲ್ಲಿ ಟಾಸ್ ಸೋತು ಮೊದಲು ಬ್ಯಾಟ್ ಮಾಡಿದ ಪಂಜಾಬ್ ತಂಡ, ಆರಂಭಿಕ ಆಘಾತದ ಹೊರತಾಗಿಯೂ ಮಧ್ಯಮ ಕ್ರಮಾಂದಕ ಹೋರಾಟದ ಬಲದಿಂದ ತನ್ನ ಪಾಲಿನ 20 ಓವರ್ಗಳಲ್ಲಿ 6 ವಿಕೆಟ್ಗೆ 163 ರನ್ಗಳ ಸವಾಲಿನ ಮೊತ್ತ ದಾಖಲಿಸಿತು. ಸೂಪರ್ ಲೀಗ್ ಹಂತದಲ್ಲಿ ಕರ್ನಾಟಕ ಇನ್ನೊಂದು ಪಂದ್ಯ ಗೆದ್ದರೆ ಸೆಮಿಫೈನಲ್ಗೆ ದಾಪುಗಾಲಿಡಲಿದೆ. ಬಳಿಕ ಗುರಿ ಬೆನ್ನತ್ತಿದ ಕರ್ನಾಟಕ ತಂಡ, ಆರಂಭಿಕ ಬ್ಯಾಟ್ಸ್ಮನ್ ಅವರ ಅಜೇಯ 84 ರನ್ಗಳ ಬಲದಿಂದ ಇನ್ನು 2 ಓವರ್ಗಳು ಬಾಕಿ ಇರುವಾಗಲೇ ಕೇವಲ 3 ವಿಕೆಟ್ ನಷ್ಟದಲ್ಲಿ 167 ರನ್ಗಳನ್ನು ಚಚ್ಚಿ ಭರ್ಜರಿ ಗೆಲುವಿನ ಸಿಹಿಯುಂಡಿತು. ಪಂಜಾಬ್ ಬೌಲರ್ಗಳನ್ನು ಮನಬಂದಂತೆ ದಂಡಿಸಿದ ರಾಹುಲ್, 48 ಎಸೆತಗಳಲ್ಲಿ 7 ಫೋರ್ ಮತ್ತು 4 ಭರ್ಜರಿಯ ಸಿಕ್ಸರ್ಗಳೊಂದಿಗೆ 84 ರನ್ ಚಚ್ಚಿ ತಂಡವನ್ನು ಸುಲಭವಾಗಿ ಗುರಿಮುಟ್ಟಿಸಿದರು. ಅವಡಿಗೆ ಉತ್ತಮ ಸಾಥ್ ನೀಡಿದ ನಾಯಕ ಮನೀಶ್ ಪಾಂಡೆ, 29 ಎಸೆತಗಳಲ್ಲಿ 33 ರನ್ಗಳಿಸಿ ಔಟ್ಆದರೆ, ಇದಕ್ಕೂ ಮುನ್ನ ರೋಹನ್ ಕದಮ್ 17 ಎಸೆತಗಳಲ್ಲಿ 23 ರನ್ ಬಾರಿಸಿದ್ದರು. ಬಳಿಕ ಕಣಕ್ಕಿಳಿದ ಮಾಜಿ ನಾಯಕ ಕರುಣ್ ನಾಯರ್ 11 ಎಸೆತಗಳಲ್ಲಿ ತಲಾ 2 ಫೋರ್ ಮತ್ತು ಸಿಕ್ಸರ್ಗಳೊಂದಿದೆ ಅಜೇ 22 ರನ್ ಗಳಿಸಿದರು. ಇದಕ್ಕೂ ಮುನ್ನ ಟೀಮ್ ಇಂಡಿಯಾದಿಂದ ಬಿಡುಗಡೆಗೊಂಡ ಪಂಜಾಬ್ ತಂಡ ಸೇರಿದ್ದ ಸ್ಟಾರ್ ಬ್ಯಾಟ್ಸ್ಮನ್ ಶುಭಮನ್ ಗಿಲ್ ಕೇವಲ 11 ರನ್ ಗಳಿಸಲಷ್ಟೆ ಶಕ್ತರಾದರು. ಆದರೆ ನಾಯಕ ಮನ್ದೀಪ್ ಸಿಂಗ್ 50 ಎಸೆತಗಳಲ್ಲಿ 76 ರನ್ಗಳನ್ನು ಬಾರಿಸಿ (9 ಫೋರ್, 2 ಸಿಕ್ಸರ್) ತಂಡಕ್ಕೆ ಸವಾಲಿನ ಮೊತ್ತ ತಂದುಕೊಟ್ಟರು. ಕರ್ನಾಟಕದ ಪರ ಮಿಂಚಿನ ಬೌಲಿಂಗ್ ದಾಳಿ ಸಂಘಟಿಸಿದ ವೇಗಿ ರೋನಿತ್ ಮೋರೆ, ತಮ್ಮ 4 ಓವರ್ಗಳ ಸ್ಪೆಲ್ನಲ್ಲಿ 27 ರನ್ ನೀಡಿ 4 ವಿಕೆಟ್ ಪಡೆದರು. ಸಂಕ್ಷಿಪ್ತ ಸ್ಕೋರ್ ಪಂಜಾಬ್: 20 ಓವರ್ಗಳಲ್ಲಿ 6 ವಿಕೆಟ್ಗೆ 163 (ಮನ್ದೀಪ್ ಸಿಂಗ್ 76, ಗುರುಕೀರತ್ ಸಿಂಗ್ 44; ರೋನಿತ್ ಮೋರೆ 27ಕ್ಕೆ 4). ಕರ್ನಾಟಕ: 18 ಓವರ್ಗಳಲ್ಲಿ 3 ವಿಕೆಟ್ಗೆ 167 (ಕೆಎಲ್ ರಾಹುಲ್ ಅಜೇಯ 84, ಮನೀಶ್ ಪಾಂಡೆ 33; ಮಯಾಂಕ್ ಮಾರ್ಕಂಡೆ 33ಕ್ಕೆ 1).
from Sports News in Kannada, Latest Kannada Sports News | ಕ್ರೀಡೆ-ಕ್ರಿಕೆಟ್ ಸುದ್ದಿ, - Vijaya Karnataka https://ift.tt/34iqF0V
