ಮೆಲ್ಬೋರ್ನ್: ಬಾಲ್ ಟ್ಯಾಂಪರಿಂಗ್ ಪ್ರಕರಣದಲ್ಲಿ ಸಿಕ್ಕಿಬಿದ್ದು ಒಂದು ವರ್ಷದ ನಿಷೇಧ ಶಿಕ್ಷೆಯನ್ನು ಎದುರಿಸಿರುವ ಆಸ್ಟ್ರೇಲಿಯಾದ ಮಾಜಿ ನಾಯಕ ಪ್ರಸಕ್ತ ಸಾಲಿನಲ್ಲಷ್ಟೇ ಏಕದಿನ ವಿಶ್ವಕಪ್ ವೇಳೆಯಲ್ಲಿ ತಂಡಕ್ಕೆ ಮರಳಿದ್ದರು. ಆದರೆ ಆಸ್ಟ್ರೇಲಿಯಾದ ಈ ಮಾಜಿ ನಾಯಕ ಸ್ವಲ್ಪರದಲ್ಲೇ ಮಗದೊಂದು ವಿವಾದದ ಸುಳಿಯಿಂದ ಪಾರಾಗಿರುವ ಘಟನೆ ನಡೆದಿದೆ. ಏನಿದು ಘಟನೆ? ನವೆಂಬರ್ 1 ಶುಕ್ರವಾರದಂದು ಹಾಗೂ ನಡುವೆ ಅಂತಿಮ ಟ್ವೆಂಟಿ-20 ಪಂದ್ಯ ಆಯೋಜನೆಯಾಗಿತ್ತು. ಈ ಸಂದರ್ಭದಲ್ಲಿ ಆಸ್ಟ್ರೇಲಿಯಾ ಫೀಲ್ಡಿಂಗ್ ವೇಳೆಯಲ್ಲಿ ಮೈಕ್ರೋಫೋನ್ ಧರಿಸಿ ಕಾಮೆಂಟೇಟರ್ ಜತೆ ಸಂಭಾಷಣೆ ನಡೆಸುತ್ತಿದ್ದ ಸ್ಮಿತ್, ವೀಕ್ಷಣಾ ವಿವರಣೆಗಾರ ನೀಡಿದ ಮಾಹಿತಿಯನ್ನು ಆಸೀಸ್ ನಾಯಕ ಆ್ಯರೋನ್ ಫಿಂಚ್ಗೆ ಹಸ್ತಾಂತರಿಸಲು ಯತ್ನಿಸಿದ್ದರು. ಮಾಹಿತಿ ಏನಾಗಿತ್ತು? ಆಸೀಸ್ ವೇಗಿ ಪ್ಯಾಟ್ ಕಮಿನ್ಸ್ ಹ್ಯಾಟ್ರಿಕ್ ಹೊಸ್ತಿಲಲ್ಲಿದ್ದರು. ಹಿಂದಿನ ಓವರ್ನ ಕೊನೆಯ ಎರಡು ಎಸೆತಗಳಲ್ಲಿ ಕಮಿನ್ಸ್ ಸತತ ವಿಕೆಟ್ಗಳನ್ನು ಪಡೆದಿದ್ದರು. ಆದರೆ ಈ ವಿಷಯ ಸ್ಮಿತ್ಗೆ ಗೊತ್ತಿರಲಿಲ್ಲ. ಮೈಕ್ರೋಫೋನ್ ಸಂಭಾಷಣೆಯ ವೇಳೆಯಲ್ಲಿ ಕಾಮೆಂಟೇಟರ್ ಈ ವಿಷಯವನ್ನು ಪ್ರಸ್ತಾಪಿಸಿದಾಗ ಸ್ಮಿತ್ ತಕ್ಷಣ ತಮ್ಮ ನಾಯಕ ಫಿಂಚ್ ಗಮನಕ್ಕೆ ತರುವ ಪ್ರಯತ್ನ ಮಾಡಿದರು. ಅಲ್ಲದೆ ಸ್ಲಿಪ್ನಲ್ಲಿ ಕ್ಷೇತ್ರರಕ್ಷಕರನ್ನು ಇರಿಸುವಂತೆ ಸೂಚಿಸಿದರು. ಆದರೆ ಅದೃಷ್ಟವಶಾತ್ ಸ್ಮಿತ್ ಸಂದೇಶ ನಾಯಕ ಫಿಂಚ್ರನ್ನು ತಲುಪಲಿಲ್ಲ. ಪರಿಣಾಮ ಫೀಲ್ಡಿಂಗ್ನಲ್ಲಿ ಯಾವುದೇ ಬದಲಾವಣೆ ತರಲಿಲ್ಲ. ಇದರಿಂದಾಗಿ ಸ್ವಲ್ಪದರಲ್ಲೇ ಸ್ಮಿತ್ ವಿವಾದದಿಂದ ಪಾರಾಗಿದ್ದಾರೆ. ಇನ್ನೊಂದೆಡೆ ಪ್ಯಾಟ್ ಕಮಿನ್ಸ್ ಹ್ಯಾಟ್ರಿಕ್ ವಿಕೆಟ್ ಪಡೆಯುವಲ್ಲಿ ವಿಫಲವಾಗಿದ್ದರು. ಏನಿದು ಮೈಕ್ರೋಫೋನ್ ಸಂಭಾಷಣೆ? ಬಿಗ್ ಬಾಷ್ ಲೀಗ್ ಹಾಗೂ ಇಂಡಿಯನ್ ಪ್ರೀಮಿಯರ್ ಲೀಗ್ ಟೂರ್ನಿಗಳಲ್ಲಿ ಲೈವ್ ಪಂದ್ಯ ನಡೆಯುತ್ತಿರುವಾಗಲೇ ಆಟಗಾರರು ಮೈಕ್ರೋಫೋನ್ ಮುಖಾಂತರ ವೀಕ್ಷಕಾ ವಿವರಣೆಗಾರರೊಂದಿಗೆ ನೇರವಾಗಿ ಸಂಭಾಷಣೆ ನಡೆಸುತ್ತಿರುವುದು ಆಧುನಿಕ ಕ್ರಿಕೆಟ್ನ ಭಾಗವಾಗಿದೆ. ಈ ಹೊಸತನವನ್ನು ಕ್ರಿಕೆಟ್ ಆಸ್ಟ್ರೇಲಿಯಾ ಅಂತಾರಾಷ್ಟ್ರೀಯ ಪಂದ್ಯಗಳಲ್ಲೂ ಆಳವಡಿಸಿದೆ. ಆದರೆ ಕಾಮೆಂಟೇಟರ್ ನೀಡುವ ಸಂದೇಶವನ್ನು ಆಟಗಾರರು ಗೇಮ್ ಪ್ಲ್ಯಾನ್ನಲ್ಲಿ ಬಳಕೆ ಮಾಡುತ್ತಿರುವುದು ವಿವಾದಕ್ಕೆ ಕಾರಣವಾಗಿದೆ. 2017ರಲ್ಲಿ ವಿವಾದ... 2017ರ ಬಿಗ್ ಬಾಷ್ನಲ್ಲಿ ಇದಕ್ಕೆ ಸಮಾನವಾದ ವಿವಾದ ಹುಟ್ಟಿಕೊಂಡಿತ್ತು. ಪರಿಣಾಮ ಕ್ರಿಕೆಟ್ ಆಸ್ಟ್ರೇಲಿಯಾ ತನಿಖೆ ನಡೆಸಿತ್ತು. ಆಡಿಲೇಡ್ ತಂಡದ ನಾಯಕರಾದ ಬ್ರಾಡ್ ಹಾಡ್ಜ್ ಜತೆ ಕಾಮೆಂಟೇಟರ್ ಮಾರ್ಕ್ ಹೋವರ್ಡ್ ಮಾಹಿತಿಯನ್ನು ಹಂಚಿಕೊಂಡಿದ್ದರು. ಸಂಭಾಷಣೆಯ ವೇಳೆ ಎದುರಾಳಿ ಸಿಡ್ನಿ ಥಂಡರ್ ತಂಡದ ನಾಯಕ ಶೇನ್ ವಾಟ್ಸನ್ ವಿರುದ್ಧ ವೇಗಿ ಬೆನ್ ಲಾಫಿನ್ ಉತ್ತಮ ದಾಖಲೆಯನ್ನು ಹೊಂದಿದ್ದಾರೆ ಎಂಬುದನ್ನು ವಿವರಿಸಲಾಗಿತ್ತು. ಇದನ್ನರಿತ ಬ್ರಾಡ್ ಹಾಡ್ಜ್ ಮುಂದಿನ ಓವರ್ನಲ್ಲೇ ಬೆನ್ ಲಾಫಿನ್ರನ್ನು ದಾಳಿಸುವುದಾಗಿ ತಿಳಿಸಿದ್ದರು. ಬಳಿಕ ಲಾಫಿನ್ ದಾಳಿ ನಡೆಸಿದರೂ ವಾಟ್ಸನ್ ವಿಕೆಟ್ ಪಡೆಯುವಲ್ಲಿ ಯಶಸ್ವಿಯಾಗಿರಲಿಲ್ಲ. ಆದರೆ ಘಟನೆಯಿಂದ ಕ್ರಿಕೆಟ್ ಆಸ್ಟ್ರೇಲಿಯಾ ಅಸಮಾಧಾನಗೊಂಡು ತನಿಖೆ ನಡೆಸಿತ್ತು.
from Sports News in Kannada, Latest Kannada Sports News | ಕ್ರೀಡೆ-ಕ್ರಿಕೆಟ್ ಸುದ್ದಿ, - Vijaya Karnataka https://ift.tt/2WByo76
