ಹೊಸದಿಲ್ಲಿ: ಕೆಲ ದಿನಗಳ ಹಿಂದಷ್ಟೇ ಮುಂಬರುವ ಟಿ20 ವಿಶ್ವಕಪ್ ಟೂರ್ನಿಗೆ ಸಂಭಾವ್ಯ ಟೀಮ್ ಇಂಡಿಯಾ ಆಯ್ಕೆ ಮಾಡಿ ಧೋನಿಯನ್ನು ಹೊರಗಿಡುವ ಮೂಲಕ ಅಭಿಮಾನಿಗಳ ಕೆಂಗಣ್ಣಿಗೆ ಗುರಿಯಾಗಿದ್ದ ಭಾರತ ಟೆಸ್ಟ್ ತಂಡದ ಮಾಜಿ ಓಪನರ್ , ಇದೀಗ ಏಕದಿನ ಕ್ರಿಕೆಟ್ನಲ್ಲಿ ಸದ್ಯದ ಬೆಸ್ಟ್ ಇಲೆವೆನ್ ಆಯ್ಕೆ ಮಾಡಿದ್ದಾರೆ. ತಮ್ಮ ಅತ್ಯುತ್ತಮ ಒಡಿಐ ತಂಡದಲ್ಲಿ ಭಾರತದ ನಾಲ್ವರು, ಇಂಗ್ಲೆಂಡ್ ಮತ್ತು ನ್ಯೂಜಿಲೆಂಡ್ನಿಂದ ತಲಾ ಇಬ್ಬರು, ಆಸ್ಟ್ರೇಲಿಯಾ, ವೆಸ್ಟ್ ಇಂಡೀಸ್ ಮತ್ತು ಬಾಂಗ್ಲಾದೇಶದಿಂದ ಒಬ್ಬರನ್ನು ಆಯ್ಕೆ ಮಾಡಿಕೊಂಡಿರುವ ಆಕಾಶ್, ದಕ್ಷಿಣ ಆಫ್ರಿಕಾ, ಶ್ರೀಲಂಕಾ ಮತ್ತು ಅಫಘಾನಿಸ್ತಾನದಿಂದ ಯಾರೊಬ್ಬರನ್ನೂ ಆಯ್ಕೆ ಮಾಡಿಲ್ಲ. 12ನೇ ಆಟಗಾರನಾಗಿ ಪಾಕಿಸ್ತಾನದ ಯುವ ಬ್ಯಾಟ್ಸ್ಮನ್ಗೆ ಅವಕಾಶ ನೀಡಿದ್ದಾರೆ. ತಂಡದ ಆರಂಭಿಕ ಬ್ಯಾಟ್ಸ್ಮನ್ ಆಗಿ ಮತ್ತು ವೆಸ್ಟ್ ಇಂಡೀಸ್ನ ಶೇಯ್ ಹೋಪ್ ಅವರನ್ನು ಆಯ್ಕೆ ಮಾಡಿಕೊಂಡಿರುವ ಆಕಾಶ್, ವಿಂಡೀಸ್ ಆಟಗಾರನಿಗೆ ವಿಕೆಟ್ಕೀಪಿಂಗ್ ಜವಾಬ್ದಾರಿಯನ್ನೂ ನೀಡಿದ್ದಾರೆ. ಆರಂಭದಲ್ಲಿ ಈ ಸ್ಥಾನಕ್ಕೆ ಆರೊನ್ ಫಿಂಚ್ ಆಯ್ಕೆ ಮಾಡಬೇಕೆಂದಿದ್ದರಾದರೂ, ಬಳಿಕ ವಿಕೆಟ್ಕೀಪರ್ ಅಗತ್ಯತೆ ಇರುವುದನ್ನು ಮನಗಂಡು ಹೋಪ್ ಮೊರೆಹೋಗಿದ್ದಾರೆ. ಇನ್ನು 3ನೇ ಕ್ರಮಾಂಕದ ಬ್ಯಾಟಿಂಗ್ಗೆ ಟೀಮ್ ಇಂಡಿಯಾ ನಾಯಕ ವಿರಾಟ್ ಕೊಹ್ಲಿಯನ್ನು ಆಯ್ಕೆ ಮಾಡಿದ್ದಾರೆ ಆದರೂ ನಾಯಕತ್ವ ನೀಡಿಲ್ಲ. 4ನೇ ಕ್ರಮಾಂಕವನ್ನು ನ್ಯೂಜಿಲೆಂಡ್ನ ಅನುಭವಿ ಬ್ಯಾಟ್ಸ್ಮನ್ ರಾಸ್ ಟೇಲರ್ಗೆ ಕೊಟ್ಟಿದ್ದಾರೆ. 5ನೇ ಕ್ರಮಾಂಕದಲ್ಲಿ ಇರುವ ವಿಶ್ವ ಚಾಂಪಿಯನ್ಸ್ ಇಂಗ್ಲೆಂಡ್ ತಂಡದ ನಾಯಕ ಐಯಾನ್ ಮಾರ್ಗನ್ ಅವರನ್ನು ತಮ್ಮ ನೆಚ್ಚಿನ ನಾಯಕನನ್ನಾಗಿ ತೆಗೆದುಕೊಂಡಿದ್ದಾರೆ. "ಮಾರ್ಗನ್ ಇಂಗ್ಲೆಂಡ್ ತಂಡದ ದಿಕ್ಕನ್ನೇ ಬದಲಾಯಿಸಿದ ಆಟಗಾರ. ಆದ್ದರಿಂದಲೇ ಅವರನ್ನು ನನ್ನ ತಂಡದ ನಾಯಕನನ್ನಾಗಿ ಆಯ್ಕೆ ಮಾಡಿದ್ದೇನೆ. ಅವರ ನೆರವಿನಿಂದ ಈ ತಂಡ ಕೂಡ ವಿಭಿನ್ನ ಆಟವನ್ನಾಡಲಿ ಎಂದು ನಿರೀಕ್ಷಿಸುತ್ತೇನೆ," ಎಂದು ಆಕಾಶ್ ಛೋಪ್ರ ತಮ್ಮ ಯೂಟ್ಯೂಬ್ ಚಾನಲ್ನ ಆಕಾಶ್ವಾಣಿ ಕಾರ್ಯಕ್ರಮದಲ್ಲಿ ಹೇಳಿದ್ದಾರೆ. ಇನ್ನು ತಂಡದ ಆಲ್ರೌಂಡರ್ಗಳಾಗಿ ಇಂಗ್ಲೆಂಡ್ನ ಬೆನ್ ಸ್ಟೋಕ್ಸ್ ಮತ್ತು ಬಾಂಗ್ಲಾದೇಶದ ಮಾಜಿ ನಾಯಕ ಶಕಿಬ್ ಅಲ್ ಹಸನ್ ಅವರನ್ನು ಆಯ್ಕೆ ಮಾಡಿದ್ದಾರೆ. ವೇಗದ ಬೌಲರ್ಗಳ ಪೈಕಿ ಮಿಚೆಲ್ ಸ್ಟಾರ್ಕ್, ಲಾಕಿ ಫರ್ಗ್ಯೂಸನ್ ಮತ್ತು ಮೊಹಮ್ಮದ್ ಶಮಿ ಸ್ಥಾನ ಪಡೆದಿದ್ದು, ಚೈನಾಮನ್ ಶೈಲಿಯ ಕುಲ್ದೀಪ್ ಯಾದವ್ ಏಕೈಕ ಪರಿಣತ ಸ್ಪಿನ್ನರ್ ಆಗಿ ತಂಡದಲ್ಲಿ ಕಾಣಿಸಿಕೊಂಡಿದ್ದಾರೆ. ಪಾಕಿಸ್ತಾನ ತಂಡದ ಬೆಸ್ಟ್ ಬ್ಯಾಟ್ಸ್ಮನ್ ಎನಿಸಿಕೊಂಡಿರುವ ಬಾಬರ್ ಆಝಮ್ ಅವರನ್ನು 12ನೇ ಆಟಗಾರನಾಗಿ ಆಯ್ಕೆ ಮಾಡಿರುವ ಆಕಾಶ್, ಇದೇ ವೇಳೆ ಒಡಿಐ ಕ್ರಿಕೆಟ್ನಲ್ಲಿ ಸದ್ಯ ಬೆಸ್ಟ್ ಬ್ಯಾಟ್ಸ್ಮನ್ಗಳಾಗಿರುವ ಕೇನ್ ವಿಲಿಯಮ್ಸನ್, ಡೇವಿಡ್ ವಾರ್ನರ್ ಮತ್ತು ಸ್ಟೀವ್ ಸ್ಮಿತ್ ಅವರನ್ನು ಕೈ ಬಿಟ್ಟಿಟ್ಟು ಅಚ್ಚರಿ ಮೂಡಿಸಿದ್ದಾರೆ. ಆಕಾಶ್ ಛೋಪ್ರ ಆಯ್ಕೆಯ ಸದ್ಯದ ಬೆಸ್ಟ್ ಒಡಿಐ ತಂಡ 1. ರೋಹಿತ್ ಶರ್ಮಾ (ಓಪನರ್) 2. ಶೇಯ್ ಹೋಪ್ (ವಿಕೆಟ್ಕೀಪರ್/ಓಪನರ್) 3. ವಿರಾಟ್ ಕೊಹ್ಲಿ (ಬ್ಯಾಟ್ಸ್ಮನ್) 4. ರಾಸ್ ಟೇಲರ್ (ಬ್ಯಾಟ್ಸ್ಮನ್) 5. (ನಾಯಕ/ಬ್ಯಾಟ್ಸ್ಮನ್) 6. ಬೆನ್ ಸ್ಟೋಕ್ಸ್ (ಆಲ್ರೌಂಡರ್) 7. ಶಕಿಬ್ ಅಲ್ ಹಸನ್ (ಆಲ್ರೌಂಡರ್) 8. ಲಾಕಿ ಫರ್ಗ್ಯೂಸನ್ (ಬಲಗೈ ವೇಗಿ) 9. ಮಿಚೆಲ್ ಸ್ಟಾರ್ಕ್ (ಎಡಗೈ ವೇಗಿ) 10. ಮೊಹಮ್ಮದ್ ಶಮಿ (ಬಲಗೈ ವೇಗಿ) 11. ಕುಲ್ದೀಪ್ ಯಾದವ್ (ಚೈನಾಮನ್ ಸ್ಪಿನ್ನರ್) 12. ಬಾಬರ್ ಆಝಮ್ (ಹೆಚ್ಚುವರಿ ಆಟಗಾರ) ಆಕಾಶ್ ಛೋಪ್ರ ತಮ್ಮ ತಂಡ ಆಯ್ಕೆ ಮಾಡಿರುವ ಸಂಪೂರ್ಣ ವಿಡಿಯೋ ಇಲ್ಲಿದೆ
from Sports News in Kannada, Latest Kannada Sports News | ಕ್ರೀಡೆ-ಕ್ರಿಕೆಟ್ ಸುದ್ದಿ, - Vijaya Karnataka https://ift.tt/2zV0weB
