ಬೆಂಗಳೂರು: ಕೊರೊನಾ ಆತಂಕದ ನಡುವೆಯೇ ನಡೆಯುತ್ತಿದ್ದು, ಇಂದು ಶನಿವಾರ ಗಣಿತ ಪರೀಕ್ಷೆ ಆರಂಭವಾಗಿದೆ. ಇದು ಎರಡನೇ ಪರೀಕ್ಷೆಯಾಗಿದ್ದು, ರಾಜ್ಯದ್ಯಂತ ಎಲ್ಲ ಕೇಂದ್ರಗಳಲ್ಲೂ ನಿಗದಿತ ಸಮಯಕ್ಕೆ (ಬೆಳಗ್ಗೆ 10:30ಕ್ಕೆ) ಪರೀಕ್ಷೆ ಆರಂಭವಾಗಿದೆ. ಈ ಕುರಿತು ಪ್ರಾಥಮಿಕ ಮತ್ತು ಪ್ರೌಢ ಶಿಕ್ಷಣ ಸಚಿವ ಎಸ್. ಸುರೇಶ್‌ ಕುಮಾರ್ ಅವರು ಟ್ವೀಟ್‌ ಮಾಡಿದ್ದು, ಮಕ್ಕಳು ಅಚ್ಚುಕಟ್ಟಾಗಿದ್ದು, ಎಲ್ಲ ಕಡೆಯೂ ಅಚ್ಚುಕಟ್ಟಾದ ವ್ಯವಸ್ಥೆ ಇದೆ ಎಂದು ತಿಳಿಸಿದ್ದಾರೆ. ಗಣಿತ ಪರೀಕ್ಷೆಯ ದಿನ ನನ್ನ ದಿನಚರಿ ಕ್ಲೀವ್ ಲ್ಯಾಂಡ್ ಟೌನ್ ನಲ್ಲಿರುವ ಬಿಬಿಎಂಪಿ ಪ್ರೌಢ ಶಾಲೆಯ ಹಾಗೂ ಫ್ರೇಸರ್ ಟೌನಿನ St Joseph's ಪರೀಕ್ಷಾ ಕೇಂದ್ರಕ್ಕೂ ಭೇಟಿಯಿಂದ ಪ್ರಾರಂಭವಾಗಿದೆ. ಎರಡೂ ಕಡೆ ಬಹಳ ಅಚ್ಚುಕಟ್ಟಾದ ವ್ಯವಸ್ಥೆ ಇದೆ. ಮಕ್ಕಳೂ ಬಹಳ ಉತ್ಸಾಹದಲ್ಲಿದ್ದಾರೆ. ಇಂದು ರಾಜ್ಯಾದ್ಯಂತ ಗಣಿತ ಪರೀಕ್ಷೆಗೆ 8,08,650 ಮಕ್ಕಳು ಕುಳಿತಿದ್ದಾರೆ ಎಂದು ಟ್ವೀಟ್‌ ಮಾಡಿದ್ದಾರೆ. ಇದು ಎರಡನೇ ಪರೀಕ್ಷೆ ಆದ್ದರಿಂದ ಮೊದಲ ದಿನದಷ್ಟು ಗೊಂಡಲ ಉಂಟಾಗಲಿಲ್ಲ. ರಾಜ್ಯಾದ್ಯಂತ ಎಲ್ಲ ಕೇಂದ್ರಗಳಲ್ಲಿಯೂ ವಿದ್ಯಾರ್ಥಿಗಳು ಸರಿಯಾದ ಸಮಯಕ್ಕೆ ಹಾಜರಿದ್ದರು. ಅವರಿಗೆ ಥರ್ಮಲ್‌ ಸ್ಕ್ಯಾನ್‌ ನಡೆಸಿ ಪರೀಕ್ಷಾ ಕೇಂದ್ರಕ್ಕೆ ಪ್ರವೇಶ ನೀಡಲಾಯಿತು.
from India & World News in Kannada | VK Polls https://ift.tt/3g4l0kM
