ಹೊಸದಿಲ್ಲಿ: 'ದಿ ವಾಲ್‌' ಖ್ಯಾತಿಯ ಅವರು ತಮ್ಮ ಬದುಕಿನಲ್ಲಿ ಬೀರಿರುವ ಪ್ರಭಾವನ್ನು ಪದಗಳಲ್ಲಿ ವರ್ಣಿಸಲು ಸಾಧ್ಯವಿಲ್ಲವೆಂದು ಹೇಳಿರುವ ಭಾರತ ಬ್ಯಾಟಿಂಗ್‌ನ ಆಧಾರಸ್ಥಂಭ , ಕ್ರಿಕೆಟ್ ಹಾಗೂ ಹೊರಗಿನ ಜೀವನದ ಅಗತ್ಯ ಅಂಶಗಳ ಬೋಧಿಸಿರುವ ಮಾಜಿ ನಾಯಕನಿಗೆ ಯಾವಾಗಲೂ ಕೃತಜ್ಞನಾಗಿ ಉಳಿಯುತ್ತೇನೆ ಎಂದು ತಿಳಿಸಿದ್ದಾರೆ. ರಾಹುಲ್‌ ದ್ರಾವಿಡ್‌ಗೆ ಹೋಲಿಕೆ ಮಾಡಿದ ಬಳಿಕ, ಭಾರತ ಕ್ರಿಕೆಟ್‌ನ ಈಗಿನ 'ಗೋಡೆ' ಎಂದು ಪೂಜಾರ ಖ್ಯಾತಿ ಗಳಿಸಿದ್ದಾರೆ. ವೈಯಕ್ತಿಕ ಜೀವನ ಹಾಗೂ ವೃತ್ತಿ ಜೀವನವನ್ನು ಹೇಗೆ ಪ್ರತ್ಯೇಕವಾಗಿ ಇಟ್ಟುಕೊಳ್ಳಬೇಕೆಂದು ಕಲಿಸಿರುವ ದ್ರಾವಿಡ್‌ ಅವರಿಗೆ ಸದಾ ಕೃತಜ್ಞನಾಗಿರುತ್ತೇನೆ ಎಂದು ಬಲಗೈ ಬ್ಯಾಟ್ಸ್‌ಮನ್‌ ಹೇಳಿದ್ದಾರೆ. "ಸದಾ ಕ್ರಿಕೆಟ್ ಬಗ್ಗೆ ಆಲೋಚನೆ ಮಾಡುವುದನ್ನು ಬಿಡುವುದರ ಮಹತ್ವವನ್ನು ಅವರು(ದ್ರಾವಿಡ್‌) ನನಗೆ ಅರ್ಥಮಾಡಿಸಿದ್ದಾರೆ. ಹೆಚ್ಚು-ಕಡಿಮೆ ಈ ಯೋಚನೆ ನನಗೂ ಇತ್ತು. ಮಾಜಿ ನಾಯಕನ ಬಳಿ ಈ ವಿಷಯದ ಕುರಿತು ಮಾತನಾಡಿದ ನಂತರ ನನಗೆ ಅದರ ಬಗ್ಗೆ ಒಂದು ಸ್ಪಷ್ಟತೆ ಸಿಕ್ಕಿತು. ನಾನು ಮುಂದೇನು ಮಾಡಬೇಕೆಂಬ ಅಗತ್ಯವೂ ನನಗೆ ಸ್ಪಷ್ಟತೆ ಇದೆ," ಎಂದು ಪೂಜಾರ ತಿಳಿಸಿದರು. "ಕೌಂಟಿ ಕ್ರಿಕೆಟ್ ಆಟಗಾರರು ವೃತ್ತಿ ಹಾಗೂ ವೈಯಕ್ತಿಕ ಜೀವನವನ್ನು ಹೇಗೆ ಪ್ರತ್ಯೇಕಿಸುತ್ತಾರೆ ಎಂಬುದನ್ನು ನೋಡಿದ್ದೇನೆ. ಅವರು ನೀಡಿದ ಸಲಹೆ ಮೌಲ್ಯಯುತವಾದದ್ದು ಎಂದು ಭಾವಿಸಿದ್ದೇನೆ. ಹಲವರು ನನಗೆ ಆಟದ ಮೇಲೆ ಗಮನಹರಿಸುವುದರ ಕುರಿತು ಹೇಳಿದ್ದಾರೆ. ಆದರೆ, ಯಾವಾಗ ಕ್ರಿಕೆಟ್‌ನಿಂದ ಹೊರಗೆ ಬರಬೇಕು ಎಂಬುದು ನನಗೆ ಗೊತ್ತಾಗಬೇಕು. ಏಕೆಂದರೆ, ಕ್ರಿಕೆಟ್‌ಗೂ ಮೀರಿದ ಒಂದು ಜೀವನವಿದೆ." ಎಂದು ಬಲಗೈ ಬ್ಯಾಟ್ಸ್‌ಮನ್‌ ಹೇಳಿದರು. ರಾಹುಲ್‌ ದ್ರಾವಿಡ್‌ ತಮ್ಮ ಕ್ರಿಕೆಟ್ ವೃತ್ತಿ ಜೀವನದಲ್ಲಿ 164 ಟೆಸ್ಟ್‌ ಪಂದ್ಯಗಳಿಂದ 13,288 ರನ್‌ ಹಾಗೂ 344 ಓಡಿಐ ಪಂದ್ಯಗಳಿಂದ 10,889 ರನ್‌ ಕಲೆ ಹಾಕಿದ್ದಾರೆ. 79 ಓಡಿಐಗಳಲ್ಲಿ ನಾಯಕರಾಗಿದ್ದ ಅವರು 42ರಲ್ಲಿ ಜಯ ಸಾಧಿಸಿದ್ದಾರೆ. ಇದರಲ್ಲಿ ವಿಶ್ವ ದಾಖಲೆಯ 14 ಬಾರಿ ಯಶಸ್ವಿ ರನ್‌ ಚೇಸ್‌ಗಳು ಒಳಗೊಂಡಿವೆ. "ನನ್ನ ಪ್ರಕಾರ ರಾಹುಲ್‌ ಭಾಯ್‌ ಏನೆಂಬುದನ್ನು ಒಂದೇ ಸಾಲಿನಲ್ಲಿ ಹೇಳಲು ಸಾಧ್ಯವಿಲ್ಲ. ಅವರು ಯಾವಾಗಲೂ ನನಗೆ ಸ್ಪೂರ್ತಿ ಹಾಗೂ ಜೀವನದುದ್ದಕ್ಕೂ ಮನಸ್ಸಿನಲ್ಲಿ ಉಳಿಯುವ ವ್ಯಕ್ತಿ, " ಎಂದು ಪೂಜಾರ ಮಾಜಿ ನಾಯಕನನ್ನು ಗುಣಗಾನ ಮಾಡಿದರು. ಮಾನಸಿಕ ಧೈರ್ಯ ಹಾಗೂ ಬ್ಯಾಟಿಂಗ್‌ ತಂತ್ರಗಾರಿಕೆಯನ್ನು ಅವಲಂಬಿಸಿ ಅವರನ್ನು ದ್ರಾವಿಡ್‌ಗೆ ಹೋಲಿಕೆ ಮಾಡಲಾಗಿತ್ತು. ಆದರೆ, ಈ ಬಗ್ಗೆ ಮಾತನಾಡಿದ ಪೂಜಾರ, "ಅವರೊಂದಿಗೆ ನನ್ನನ್ನು ಹೋಲಿಕೆ ಮಾಡಿದ ಹೊರತಾಗಿಯೂ" ನಾನೆಂದೂ ಅವರಿಂದ ನಕಲಿ ಮಾಡಲು ಪ್ರಯತ್ನಿಸಿಲ್ಲ," ಎಂದು ಸ್ಪಷ್ಟಪಡಿಸಿದರು. "ನಮ್ಮಿಬ್ಬರ ಆಟದಲ್ಲಿ ಒಂದೇ ಹೋಲಿಕೆ ಇರಬಹುದು, ಇದರರ್ಥ ನನ್ನ ಮೋಹ ಅವರೊಂದಿಗೆ ಇದೆ ಎಂದಲ್ಲ. ಇದು ಸೌರಾಷ್ಟ್ರ ತಂಡದಲ್ಲಿ ಆಡಿದ ಅನುಭವದಿಂದ ಬದಿದೆ. ನಾನೊಬ್ಬನೇ ಶತಕ ಬಾರಿಸುವುದಲ್ಲ, ತಂಡದ ಆಟಗಾರರನ್ನು ಸಾಗಿಸುವಂತೆ ಮಾಡುವುದನ್ನು ತವರು ತಂಡದಲ್ಲಿದ್ದಾಗಲೇ ಕಲಿತಿದ್ದು," ಎಂದು ಚೇತೇಶ್ವರ ಪೂಜಾರ ಇಎಸ್‌ಪಿಎನ್‌ ಕ್ರಿಕ್‌ಇನ್ಫೋಗೆ ತಿಳಿಸಿದ್ದಾರೆ.
from Sports News in Kannada, Latest Kannada Sports News | ಕ್ರೀಡೆ-ಕ್ರಿಕೆಟ್ ಸುದ್ದಿ, - Vijaya Karnataka https://ift.tt/3i7rUaz
