ನವದೆಹಲಿ: ಭಾರತ-ಚೀನಾ ಗಡಿಯಲ್ಲಿ ಭಾರೀ ಸಂಖ್ಯೆಯಲ್ಲಿ ಸೈನ್ಯ ಜಮಾವಣೆ ಮಾಡುತ್ತಿರುವ ಚೀನಾಗೆ ಪ್ರತ್ಯುತ್ತರ ನೀಡಲು ಭಾರತ ಕೂಡ ಹೆಚ್ಚುವರಿ ತುಕಡಿಗಳನ್ನು ಗಡಿಗೆ ಕಳುಹಿಸಿದೆ. ಈಗಾಗಲೇ ಹಾಗೂ ಇಂಡೋ-ಟಿಬೆಟಿಯನ್ ಬಾರ್ಡರ್ ಪೊಲೀಸ್(ಐಟಿಬಿಪಿ) ಯೋಧರನ್ನು 3,488 ಕಿ.ಮೀ. ಉದ್ದದ ಚೀನಾ ಗಡಿಗೆ ರವಾನೆ ಮಾಡಲಾಗಿದೆ ಎಂದು ಮೂಲಗಳು ತಿಳಿಸಿವೆ. ಗಡಿಗೆ ಇದೇ ಮೊದಲ ಬಾರಿ ಗಣನೀಯ ಪ್ರಮಾಣದಲ್ಲಿ ಐಟಿಬಿಪಿ ಯೋಧರನ್ನು ರವಾನೆ ಮಾಡಲಾಗಿದ್ದು, ಭಾರತೀಯ ಸೇನೆಗೆ ಪೂರಕವಾಗಿ ಗಡಿಯಲ್ಲಿ ಕರ್ತವ್ಯ ನಿರ್ವಹಿಸಲು ನಿಯೋಜನೆ ಮಾಡಲಾಗಿದೆ. ಈ ಕುರಿತು ಪ್ರತಿಕ್ರಿಯೆ ನೀಡಿರುವ ಎಸ್‌ಎಸ್‌ ದೆಸ್ವಾಲ್, ದೇಶ ರಕ್ಷಣೆಗಾಗಿ ಐಟಿಬಿಪಿ ಸದಾ ಸಿದ್ಧವಿದ್ದು, ಗಡಿ ಸುರಕ್ಷತೆಗಾಗಿ ತನ್ನೆಲ್ಲಾ ಶಕ್ತಿಯನ್ನು ಧಾರೆ ಎರೆಯಲಿದೆ ಎಂದು ಭರವಸೆ ನೀಡಿದ್ದಾರೆ. ದೇಶ ಸೇವೆಗೆ ಸೇನೆ ಹಾಗೂ ಐಟಿಬಿಪಿ ಸಜ್ಜಾಗಿದ್ದು, ನಮ್ಮ ಗಡಿಗಳನ್ನು ಶತ್ರುಗಳಿಂದ ರಕ್ಷಿಸುವ ಜವಾಬ್ದಾರಿ ದೊರೆತಿರುವುದು ನಮ್ಮ ಸೌಭಾಗ್ಯ ಎಂದು ಎಸ್‌ಎಸ್‌ ದೆಸ್ವಾಲ್ ಹೇಳಿದ್ದಾರೆ. ಗಡಿ ಸುರಕ್ಷತೆಗಾಗಿ ತಮ್ಮ ಸರ್ವಸ್ವವನ್ನೂ ಧಾರೆ ಎರೆಯಲು ಐಟಿಬಿಪಿ ಯೋಧರು ಸರ್ವ ಸನ್ನದ್ಧವಾಗಿದ್ದು, ಈ ಅವಕಾಶವನ್ನು ಬಳಸಿಕೊಂಡು ನಮ್ಮ ಪಡೆಯ ಬಲವನ್ನು ಪ್ರದರ್ಶಿಸಲಾಗುವುದು ಎಂದು ದೆಸ್ವಾಲ್ ನುಡಿದರು.
from India & World News in Kannada | VK Polls https://ift.tt/3hYkPJv
