ನವದೆಹಲಿ: ದೇಶದಲ್ಲಿ ಕೊರೊನಾ ವೈರಸ್ ಪ್ರಕರಣಗಳು ದಿನದಿಂದ ದಿನಕ್ಕೆ ಹೆಚ್ಚಾಗುತ್ತಿದ್ದು, ಈ ಮಾರಕ ವೈರಾಣುವಿನ ನಿರ್ಮೂಲನೆ ಸರ್ಕಾರ ಮತ್ತು ಸಮಾಜದ ಸಂಘಟಿತ ಜವಾಬ್ದಾರಿ ಎಂದು ಹೇಳಿದ್ದಾರೆ. ತಮ್ಮ ಕಾರ್ಯಕ್ರಮ ಉದ್ದೇಶಿಸಿ ಮಾತನಾಡಿದ ಪ್ರಧಾನಿ ಮೋದಿ, ದೇಶ ಈ ಮಾರಕ ವೈರಾಣುವಿನ ವಿರುದ್ಧ ಗೆಲುವು ಸಾಧಿಸುವುದು ಖಚಿತ ಎಂದು ಭರವಸೆ ವ್ಯಕ್ತಪಡಿಸಿದರು. ಪ್ರಧಾನಿ ಮೋದಿ ಅವರ ಮನ್ ಕಿ ಬಾತ್ ಕಾರ್ಯಕ್ರಮದ ಪ್ರಮುಖ ಅಂಶಗಳು:
- ಕೊರೊನಾ ವೈರಸ್ ಹಾವಳಿಯಿಂದ ಇಡೀ ಮನುಕುಲ ಸಂಕಟದಲ್ಲಿದೆ.
- ದೇಶ ಕೂಡ ಕೊರೊನಾ ವೈರಸ್ ಹಾವಳಿಯನ್ನು ಎದುರಿಸುತ್ತಿದೆ.
- ಇದರ ಹೊರತಾಗಿ ದೇಶ ಸರಣಿ ಭೂಕಂಪ, ಚಂಡಮಾರುತಗಳನ್ನೂ ಎದುರಿಸಬೇಕಾಗಿ ಬಂದಿದೆ.
- ನೆರೆಯ ದೇಶಗಳ ಮಿಲಿಟರಿ ದುರ್ವರ್ತನೆಯನ್ನು ಎದುರಿಸುತ್ತಿದೆ.
- ಈ ಎಲ್ಲಾ ಸಂಕಷ್ಟಗಳನ್ನು ಮೀರಿ ಭಾರತ ಜಯ ಸಾಧಿಸಲಿರುವುದು ಖಚಿತ.
- ಎಲ್ಲ ರೀತಿಯ ಅಪಾಯಗಳನ್ನು ಎದುರಿಸಿ ಗಟ್ಟಿಯಾಗಿ ನಿಲ್ಲುವುದು ಭಾರತ ಇತಿಹಾಸ.
- ದೇಶದ 130 ಕೋಟಿ ಜನರ ಮೇಲೆ ನನಗೆ ಅಚಲ ವಿಶ್ವಾಸವಿದೆ.
- ಶಾಂತಿ ಹಾಗೂ ವಿಕಾಸದ ಪಥದಲ್ಲಿ ಭಾರತದ ಅಗತ್ಯ ಇಡೀ ವಿಶ್ವಕ್ಕೆ ಈ ಹಿಂದೆಂದಿಗಿಂತಲೂ ಹೆಚ್ಚಿದೆ.
- ಲಡಾಖ್‌ನಲ್ಲಿ ಭಾರತದ ಭೂಮಿ ಕಬಳಿಸಲು ಬಂದವರಿಗೆ ತಕ್ಕ ಉತ್ತರ ನೀಡಲಾಗಿದೆ.
- ದೇಶ ರಕ್ಷಣೆಯಲ್ಲಿ ತಮ್ಮ ಪ್ರಾಣ ಸಮರ್ಪಿಸಿದ ವೀರ ಸೈನಿಕರ ಮೇಲೆ ಭಾರತಕ್ಕೆ ಅಪಾರ ಗೌರವವಿದೆ.
- ಭಾರತಕ್ಕೆ ಸ್ನೇಹವನ್ನಜ ನಿಭಾಯಿಸುವುದೂ ಗೊತ್ತು, ವಿನಾಕಾಋಣ ಮೇಲೆರಗಿ ಬಂದವರಿಗೆ ತಕ್ಕ ಪ್ರತ್ಯುತ್ತರ ನೀಡುವುದೂ ಗೊತ್ತು.
- ದೇಶೀಯ ವಸ್ತುಗಳ ಬಳಕೆಗೆ ಇಡೀ ದೇಶ ಒಟ್ಟಾಗಿ ನಿಂತಿದೆ.
- ಆತ್ಮ ನಿರ್ಭರ ಭಾರತಕ್ಕಾಗಿ ನಮ್ಮ ಜನ ಸಮುದಾಯ ಒಂದಾಗಿರುವುದು ನಿಜಕ್ಕೂ ಸಂತಸದ ಸಂಗತಿ.
- ದೇಶ ಈಗ ಲಾಕ್‌ಡೌನ್‌ನಿಂದ ಅನ್‌ಲಾಕ್ ಸ್ಥಿತಿಯತ್ತ ಮುನ್ನುಗ್ಗುತ್ತಿದೆ.
- ಅನ್‌ಲಾಕ್ ಸಮಯದಲ್ಲಿ ಸರ್ಕಾರದ ನಿಯಮಾವಳಿಗಳನ್ನು ಪಾಲಿಸುವುದು ಅತ್ಯವಶ್ಯಕ.
from India & World News in Kannada | VK Polls https://ift.tt/3g4Dm4V
