ಹೊಸದಿಲ್ಲಿ: ಒಬ್ಬ ಕ್ರೀಡಾಪಟು ವಿದ್ಯಾಭ್ಯಾಸ ಹಾಗೂ ಕ್ರೀಡೆಯನ್ನು ಜೊತೆ-ಜೊತೆಯಲ್ಲಿಯೇ ನಿರ್ವಹಿಸಲು ಸಾಧ್ಯವಿಲ್ಲ. ತುಂಬಾ ಕ್ರೀಡಾಪಟುಗಳು ಇದನ್ನು ಒಪ್ಪುವುದಿಲ್ಲ. ಕೆಲವರು ಕ್ರೀಡೆಯಲ್ಲಿ ಏನಾದರೂ ಸಾಧನೆ ಮಾಡಲು ವಿದ್ಯಾಭ್ಯಾಸವನ್ನು ಅರ್ಧಕ್ಕೆ ನಿಲ್ಲಿಸುತ್ತಾರೆ. ಭಾರತ ಕ್ರಿಕೆಟ್ ತಂಡದ ಕೆಲ ಆಟಗಾರರ ಶಿಕ್ಷಣದ ಬಗ್ಗೆ ಗಮನಹರಿಸೋಣ. ಕ್ರಿಕೆಟ್ ದಂತಕತೆ ಹಾಗೂ ಭಾರತ ತಂಡದ ಮಾಜಿ ಆಟಗಾರ ಸಚಿನ್‌ ತೆಂಡೂಲ್ಕರ್‌ 10ನೇ ತರಗತಿಯಲ್ಲಿ ಅನುತೀರ್ಣವಾಗಿರುವುದು ಎಲ್ಲರಿಗೂ ಗೊತ್ತಿರುವ ವಿಷಯ. ಅವರು ಅಂದು ವಿದ್ಯಾಭ್ಯಾಸವನ್ನು ತ್ಯಜಿಸಿ ಕ್ರಿಕೆಟ್ ಅನ್ನೇ ಪೂರ್ಣ ಪ್ರಮಾಣದಲ್ಲಿ ತೆಗೆದುಕೊಂಡ ನಿರ್ಧಾರದಿಂದಲೇ ಇಂದು ಸಚಿನ್‌ ತೆಂಡೂಲ್ಕರ್‌ ವಿಶ್ವದ ಶ್ರೇಷ್ಠ ಬ್ಯಾಟ್ಸ್‌ಮನ್‌ ಆಗಿ ಹೊರಹೊಮ್ಮಿದ್ದಾರೆ. ಇದರ ನಡುವೆ ರವಿಚಂದ್ರನ್‌ ಅಶ್ವಿನ್‌, ಜಾವಗಲ್‌ ಶ್ರೀನಾಥ್‌, ಅನಿಲ್‌ ಕುಂಬ್ಳೆ, ವಿವಿಎಸ್‌ ಲಕ್ಷ್ಮಣ್‌ ಅವರು ವಿದ್ಯಾಭ್ಯಾಸ ಹಾಗೂ ಕ್ರೀಡೆ ಎರಡನ್ನೂ ಅತ್ಯುತ್ತಮವಾಗಿ ನಿರ್ವಹಿಸಿದ್ದಾರೆ. ಶ್ರೀನಾಥ್‌, ಅಶ್ವಿನ್‌ ಹಾಗೂ ಅನಿಲ್‌ ಕುಂಬ್ಳೆ ಇಂಜಿನಿಯರ್‌ ಪದವಿ ಪಡೆದಿದ್ದಾರೆ. ವಿವಿಎಸ್‌ ಲಕ್ಷ್ಮಣ್‌ ಅವರು ಕ್ರಿಕೆಟ್‌ನಲ್ಲಿ ಯಶಸ್ವಿಯಾಗುವುದಕ್ಕೂ ಮೊದಲು ಎಂಬಿಬಿಎಸ್‌ ಮುಗಿಸಿದ್ದರು. ಎಂ.ಎಸ್‌ ಧೋನಿ ಹಾಗೂ ಪ್ರಸ್ತುತ ಭಾರತೀಯ ಕ್ರಿಕೆಟ್‌ನ ಪ್ರಮುಖ ಆಟಗಾರರಾಗಿದ್ದಾರೆ. ಮಾಜಿ ಹಾಗೂ ಹಾಲಿ ಭಾರತ ತಂಡದ ನಾಯಕರು ಹಲವಾರು ಯುವ ಪ್ರತಿಭೆಗಳಿಗೆ ಮಾದರಿಯಾಗಿದ್ದಾರೆ. ಆದರೆ, ತಾವು ಗಳಿಸಿರುವ ಶಾಲೆಯ ಅಂಕಗಳೊಂದಿಗೆ ಅವರು ಯಾರಿಗೂ ಮಾದರಿಯಾಗುವುದಿಲ್ಲ. 2018ರಲ್ಲಿ ಸಹ ಆಟಗಾರ ವಿರೇಂದ್ರ ಸೆಹ್ವಾಗ್‌ ಅವರ ಶಾಲೆಗೆ ತೆರಳಿದ್ದ ಮಹೇಂದ್ರ ಸಿಂಗ್‌ ಧೋನಿ, ತಮ್ಮ 10ನೇ ಹಾಗೂ 12ನೇ ಬೋರ್ಡ್ ಪರೀಕ್ಷೆಯ ಅಂಕಗಳನ್ನು ಬಹಿರಂಗಪಡಿಸಿದ್ದರು. ಎರಡು ವಿಶ್ವಕಪ್‌ ವಿಜೇತ ನಾಯಕ ಎಂ.ಎಸ್‌ ಧೋನಿ 12ನೇ ತರಗತಿಯ ಬೋರ್ಡ್ ಪರೀಕ್ಷೆಯಲ್ಲಿ ಶೇ.56 ಹಾಗೂ 10ನೇ ತರಗತಿಯಲ್ಲಿ ಶೇ.66 ರಷ್ಟು ಅಂಕಗಳನ್ನು ಪಡೆದಿದ್ದರು. ರೀತಿ ಹಾಲಿ ನಾಯಕ ವಿರಾಟ್‌ ಕೊಹ್ಲಿ ಕೂಡ ಹೆಚ್ಚು ಗಮನ ಕೊಟ್ಟು ಓದಿದ ವಿದ್ಯಾರ್ಥಿಯಲ್ಲ. ಆದರೂ, ಇದರ ಬಗ್ಗೆ ಬಹಿರಂಗಪಡಿಸಿದ್ದಾರೆ. 10ನೇ ತರಗತಿಯಲ್ಲಿ ಎಷ್ಟು ಅಂಕಗಳನ್ನು ಪಡೆದಿದ್ದೇನೆಂಬಂತೆ ಸ್ಪಷ್ಟವಾಗಿ ಬಹಿರಂಗಪಡಿಸಿದ ಕೊಹ್ಲಿ, ಗಣಿತ ವಿಷಯದಲ್ಲಿ 100ಕ್ಕೆ ಕೇವಲ 3 ಅಂಕ ಪಡೆದಿರಬಹುದು ಎಂದು ಅಂದಾಜಿಸಿದರು. "ಗಣಿತ ಪರೀಕ್ಷೆಯನ್ನು ಬರೆದಿದ್ದೆ ಹಾಗೂ ಈ ವಿಷಯದಲ್ಲಿ ಗರಿಷ್ಠ 100ಕ್ಕೆ 100 ಪಡೆಯಬಹುದು. ಆದರೆ ನಾನು ಕೇವಲ 3 ಅಂಕ ಪಡೆದಿದ್ದೆ, ಅಷ್ಟರ ಮಟ್ಟಿಗೆ ನಾನು ಉತ್ತಮವಾಗಿದ್ದೆ. ಆಗ ಗಣಿತವನ್ನು ಏಕೆ ಕಲಿಯಬೇಕು ಎಂಬ ವಿಷಯ ನನ್ನ ತಲೆಯಲ್ಲಿ ಓಡುತ್ತಿತ್ತು. ಇದರ ಹಿಂದಿನ ತೊಡಕುಗಳನ್ನು ನಾನು ಅರ್ಥಮಾಡಿಕೊಳ್ಳಲು ಸಾಧ್ಯವಾಗಲಿಲ್ಲ, ನಾನು ಜೀವನದಲ್ಲಿ ಆ ಸೂತ್ರಗಳನ್ನು ಎಂದಿಗೂ ಬಳಸಲಿಲ್ಲ," ಎಂದು ಕೊಹ್ಲಿ 2019ರ 'ಇನ್‌ ಡೆಪ್ತ್‌ ವಿಥ್‌ ಗ್ರಹಾಮ್‌ ಬೆನ್ಸಿಂಗರ್‌' ಅವರ ಚಾಟ್‌ ಶೋನಲ್ಲಿ ಬಹಿರಂಗಪಡಿಸಿದ್ದರು. "10ನೇ ಗ್ರೇಡ್‌ ರಾಜ್ಯಮಟ್ಟದ ಪರೀಕ್ಷೆ ಆಗಿದ್ದರಿಂದ ಅದನ್ನು ಬರೆಯಲು ಇಚ್ಚಿಸಿದ್ದೆ. 10ನೇ ತರಗತಿಯ ನಂತರ, ಗಣಿತ ವಿಷಯವನ್ನು ನಮಗೆ ಬೇಕಾಗಿದ್ದರೆ ತೆಗೆದುಕೊಳ್ಳಬಹುದಿತ್ತು, ಇಲ್ಲವಾದಲ್ಲಿ ಇಲ್ಲ. ಆ ಪರೀಕ್ಷೆ ಉತ್ತೀರ್ಣನಾಗಲು ನಾನು ಪಟ್ಟಂತಹ ಕಷ್ಟ, ಕ್ರಿಕೆಟ್‌ನಲ್ಲಿಯೂ ಯಾವತ್ತು ಪಟ್ಟಿಲ್ಲ," ಎಂದು ವಿರಾಟ್‌ ಕೊಹ್ಲಿ ಹೇಳಿಕೊಂಡಿದ್ದರು.
from Sports News in Kannada, Latest Kannada Sports News | ಕ್ರೀಡೆ-ಕ್ರಿಕೆಟ್ ಸುದ್ದಿ, - Vijaya Karnataka https://ift.tt/3g0SZKI
