ಹೊಸದಿಲ್ಲಿ: ಭಾರತ ತಂಡದ ಆರಂಭಿಕ ಬ್ಯಾಟ್ಸ್ಮನ್ ಅವರನ್ನು ವಿಶ್ವದ ಹಲವು ಕ್ರಿಕೆಟಿಗರು ಗುಣಗಾನ ಮಾಡಿದ್ದಾರೆ. ಇದೀಗ ಈ ಸಾಲಿನಲ್ಲಿ ಇಂಗ್ಲೆಂಡ್ ತಂಡದ ಮಾಜಿ ನಾಯಕ ಸೇರ್ಪಡೆಯಾಗಿದ್ದಾರೆ. ಕಳೆದ ಹಲವು ವರ್ಷಗಳಿಂದ ಹಿಟ್ಮ್ಯಾನ್ ಖ್ಯಾತಿಯ ರೋಹಿತ್ ಶರ್ಮಾ ಅವರು ಸೀಮಿತ ಓವರ್‌ಗಳ ಮಾದರಿಯಲ್ಲಿ ಅತ್ಯಂತ ದೊಡ್ಡ ಶಕ್ತಿಯಾಗಿ ಹೊರಹೊಮ್ಮಿದ್ದಾರೆ. ಬಲಗೈ ಬ್ಯಾಟ್ಸ್ಮನ್ ಫುಲ್‌ ಶಾಟ್‌ ಹೊಡೆಯುವುದರಲ್ಲಿ ಅತ್ಯಂತ ನಿಫುಣ. ಟಿವಿ ಪರದೆಯ ಮೇಲೆ ರೋಹಿತ್ ಶರ್ಮಾ ಹೊಡೆಯುವ ಮನಮೋಹಕ ಫುಲ್‌ ಶಾಟ್‌ ನೋಡುವುದನ್ನು ಯಾರೂ ತಪ್ಪಿಸಿಕೊಳ್ಳಲು ಸಾಧ್ಯವೇ ಇಲ್ಲ. ಸೀಮಿತ ಓವರ್‌ಗಳ ಸ್ವರೂಪದಲ್ಲಿ ರೋಹಿತ್ ಶರ್ಮಾ ಲಯದಲ್ಲಿದ್ದರೆ, ಅವರು ರನ್‌ ಹೊಳೆಯನ್ನು ಹರಿಸುತ್ತಾರೆ. ಆದರೆ, ಬಲಗೈ ಬ್ಯಾಟ್ಸ್ಮನ್ ಟೆಸ್ಟ್ ಕ್ರಿಕೆಟ್‌ನಲ್ಲಿ ಪ್ರಾಬಲ್ಯ ಸಾಧಿಸಲು ಇನ್ನೂ ಸಾಧ್ಯವಾಗಿಲ್ಲ. ಕಳೆದ ವರ್ಷ ರೋಹಿತ್ ಶರ್ಮಾ ಅವರಿಗೆ ಟೆಸ್ಟ್ ತಂಡದಲ್ಲಿ ಆರಂಭಿಕ ಸ್ಥಾನಕ್ಕೆ ಬಡ್ತಿ ನೀಡಲಾಗಿತ್ತು. ಹಿಟ್ಮ್ಯಾನ್ 10 ಪಂದ್ಯಗಳಿಂದ 556 ರನ್‌ ಗಳಿಸಿದ್ದು, ವಿದೇಶಿ ನೆಲದಲ್ಲಿ ಹೇಗೆ ಆಡುತ್ತಾರೆಂಬುದು ತೀವ್ರ ಕುತೂಹಲ ಕೆರಳಿಸಿದೆ. ತಮ್ಮ ಲಯವನ್ನು ಸೀಮಿತ ಓವರ್‌ಗಳ ಸ್ವರೂಪದಿಂದ ದೀರ್ಘಾವದಿ ಕ್ರಿಕೆಟ್‌ಗೆ ವರ್ಗಾಯಿಸಿರುವ ರೋಹಿತ್ ಶರ್ಮಾ ಅವರನ್ನು ಇಂಗ್ಲೆಂಡ್ ತಂಡದ ಮಾಜಿ ನಾಯಕ ಮೈಕಲ್ ಅಥರ್ಟನ್‌ ಸಮರ್ಥಿಸಿಕೊಂಡಿದ್ದಾರೆ. ರೋಹಿತ್ ಎಲ್ಲರಿಗಿಂತಲೂ ವಿಭಿನ್ನ ಬ್ಯಾಟ್ಸ್ಮನ್ ಆಗಿದ್ದಾರೆ. ಅವರು ಕ್ರೀಸ್‌ನಲ್ಲಿ ಅತ್ಯಂತ ಸ್ವಾಭವಿಕವಾಗಿ ಕಾಣಿಸಿಕೊಳ್ಳುತ್ತಾರೆ ಎಂದು ಅಥರ್ಟನ್‌ ಹೇಳಿದ್ದಾರೆ. "ರೋಹಿತ್ ಶರ್ಮಾ ಬ್ಯಾಟಿಂಗ್‌ ನೋಡಿದಾಗ, ಸೀಮಿತ ಓವರ್‌ಗಳಲ್ಲಿ ಆಡಿದ ರೀತಿ ಟೆಸ್ಟ್ ಕ್ರಿಕೆಟ್‌ನಲ್ಲಿ ಆಡಲು ಸಾಧ್ಯವಿಲ್ಲ ಎಂದು ನನಗೆ ಅನಿಸಿತು. ಆದರೆ ಆತ ಅತ್ಯುತ್ತಮ ಆಟಗಾರ. ನಾನು ಅವರ ಬ್ಯಾಟಿಂಗ್‌ ನೋಡುವಾಗ ತುಂಬಾ ಆಹ್ಲಾದಿಸುತ್ತೇನೆ. ಭಾರತದ ಬ್ಯಾಟ್ಸ್ಮನ್ ಬಗ್ಗೆ ಒಂದು ವಿಷಯ ಹೇಳಬೇಕಾದರೆ ಅವರು ಸ್ವಾಭವಿಕ ಶೈಲಿಯ ಬ್ಯಾಟ್ಸ್ಮನ್. ಹೆಚ್ಚು ತರಬೇತಿ ಪಡೆದವರ ರೀತಿ ಅವರು ಎಂದಿಗೂ ಕಾಣುವುದಿಲ್ಲ," ಎಂದು ಹಿಂದೂಸ್ಥಾನ್‌ ಟೈಮ್ಸ್‌ಗೆ ಇಂಗ್ಲೆಂಡ್ ಮಾಜಿ ನಾಯಕ ಹೇಳಿದರು. "ಇಂಗ್ಲೆಂಡ್‌ಗಿಂದ ಭಾರತದ ಆಟಗಾರರು ತುಂಬಾ ಸ್ವಾಭವಿಕವಾಗಿದ್ದಾರೆ ಏಕೆ ಎಂದು ದ್ರಾವಿಡ್‌ಗೆ ಈ ಹಿಂದೆ ಪ್ರಶ್ನೆ ಕೇಳಿದ್ದೆ. ಅದಕ್ಕೆ ಅವರು ಉತ್ತರಿಸಿ, ಏಕೆಂದರೆ ಭಾರತದ ಆಟಗಾರರು ವರ್ಷವೀಡಿ ಕ್ರಿಕೆಟ್ ಆಡುತ್ತಾರೆ. ಆದರೆ ಇಂಗ್ಲೆಂಡ್‌ನಲ್ಲಿ ವಾತಾವರಣ ಇದಕ್ಕೆ ಸಹಕಾರ ನೀಡುವುದಿಲ್ಲ. ಸಾಕಷ್ಟು ಇಂಗ್ಲೆಂಡ್ ಆಟಗಾರರು 6 ತಿಂಗಳು ಒಳಾಂಗಣದಲ್ಲಿ ಬೌಲಿಂಗ್‌ ಮಶೀನ್‌ನಲ್ಲಿ ಅಭ್ಯಾಸ ನಡೆಸುತ್ತಾರೆ ಎಂದು ದ್ರಾವಿಡ್‌ ಹೇಳಿದ್ದರು," ಎಂಬ ಅಂಶವನ್ನು ಮಾಜಿ ಇಲ್ಲಿ ಸ್ಮರಿಸಿಕೊಂಡರು. ಭಾರತದ ಯುವ ಬ್ಯಾಟ್ಸ್‌ಮನ್‌ಗಳು ವೈಯಕ್ತಿಕವಾಗಿ ತರಬೇತಿ ಪಡೆಯುವ ಬದಲು ಆಟದಲ್ಲಿಯೇ ಕಲಿಯುತ್ತಿದ್ದಾರೆ. ಹಾಗಾಗಿ ಭಾರತೀಯ ಬ್ಯಾಟ್ಸ್‌ಮನ್‌ಗಳನ್ನು ನೋಡುವುದರ ಬಗ್ಗೆ ನಾನು ಯಾವಾಗಲೂ ಆನಂದಿಸುತ್ತೇನೆ. ಅವರು ತುಂಬಾ ಸ್ವಾಭವಿಕ ಆಟಗಾರರಾಗಿರುತ್ತಾರೆ. ಸ್ವಾಭವಿಕ ಆಟಗಾರ ಎಂದಾಗ ರೋಹಿತ್ ಶರ್ಮಾ ಅವರಿಗಿಂತ ಉತ್ತಮ ಉದಾಹರಣೆಯಿಲ್ಲ," ಎಂದು ಮೈಕಲ್ ಅಥರ್ಟನ್‌ ಅಭಿಪ್ರಾಯಪಟ್ಟರು.
from Sports News in Kannada, Latest Kannada Sports News | ಕ್ರೀಡೆ-ಕ್ರಿಕೆಟ್ ಸುದ್ದಿ, - Vijaya Karnataka https://ift.tt/2BLysuI
