ಹೊಸದಿಲ್ಲಿ: ಕೊರೊನಾ ವೈರಸ್ ಕಾರಣ ಕಳೆದ ಮೂರು ತಿಂಗಳಿಂದ ಕ್ರಿಕೆಟ್ ಲೋಕ ಸ್ತಬ್ದವಾಗಿದ್ದು, ಜುಲೈನಲ್ಲಿ ಇಂಗ್ಲೆಂಡ್ ಮತ್ತು ವೆಸ್ಟ್ ಇಂಡೀಸ್ ವಿರುದ್ಧದ ಟೆಸ್ಟ್ ಕ್ರಿಕೆಟ್ ಸರಣಿ ಮೂಲಕ ಮರಳಿ ಶುರುವಾಗಲಿದೆ. ಹೀಗಾಗಿ ಕ್ರಿಕೆಟ್ ಅಭಿಮಾನಿಗಳೆಲ್ಲಾ ಈ ಸರಣಿಯನ್ನು ಬಹಳ ಕಾತುರದಿಂದ ಎದುರು ನೋಡುತ್ತಿದ್ದಾರೆ. ಈ ಸಂದರ್ಭದಲ್ಲಿ ಭಾರತ ಟೆಸ್ಟ್ ತಂಡದ ಮಾಜಿ ಆರಂಭಿಕ ಬ್ಯಾಟ್ಸ್ಮನ್ ಆಕಾಶ್ ಚೋಪ್ರ, ಸದ್ಯ ವಿಶ್ವ ಕ್ರಿಕೆಟ್ನ ಶ್ರೇಷ್ಠ ಆಟಗಾರ ಅತ್ಯುತ್ತಮ ಟೆಸ್ಟ್ ತಂಡವೊಂದನ್ನು ರಚಿಸಿದ್ದಾರೆ. ಅಂದಹಾಗೆ ಆಕಾಶ್ ಒಟ್ಟು 15 ಆಟಗಾರರ ತಂಡ ಪ್ರಕಟಿಸಿದ್ದಾರೆ ಆದರೂ, ಟೀಮ್ ಇಂಡಿಯಾ ತಾರೆ ಆಗಲಿ ಕಿವೀಸ್ ಕ್ಯಾಪ್ಟನ್ ಕೇನ್ ವಿಲಿಯಮ್ಸನ್ ಆಗಲಿ ಸ್ಥಾನ ಪಡೆಯದೇ ಇರುವುದು ಅಚ್ಚರಿಗೆ ಕಾರಣವಾಗಿದೆ. 2003ರಿಂದ 2004ರವರೆಗೆ ಭಾರತ ತಂಡದ ಪರ 10 ಟೆಸ್ಟ್ ಪಂದ್ಯಗಳನ್ನು ಆಡಿ ಎರಡು ಅರ್ಧಶತಕಗಳನ್ನು ಒಳಗೊಂಡ 437 ರನ್ಗಳನ್ನು ಗಳಿಸಿರುವ , ಇದೀಗ ತಮ್ಮ ಯೂಟ್ಯೂಬ್ ಕಾರ್ಯಕ್ರಮ 'ಆಕಾಶ್ವಾಣಿ'ಯಲ್ಲಿ ಸದ್ಯದ ಶ್ರೇಷ್ಠ ಟೆಸ್ಟ್ ತಂಡವನ್ನು ಆಯ್ಕೆ ಮಾಡಿದ್ದಾರೆ. ತಂಡದ ಓಪನರ್ ಆಗಿ ಕಿವೀಸ್ನ ವಿಕೆಟ್ಕೀಪರ್ ಬ್ಯಾಟ್ಸ್ಮನ್ ಟಾಮ್ ಲೇಥಮ್ ಅವರನ್ನು ತೆಗೆದುಕೊಂಡಿರುವ ಆಕಾಶ್, ಮತ್ತೊಬ್ಬ ಆರಂಭಿಕನ ಸ್ಥಾನವನ್ನು ಕನ್ನಡಿಗ ಮಯಾಂಕ್ ಅಗರ್ವಾಲ್ಗೆ ನೀಡಿದ್ದಾರೆ. ಇತ್ತೀಚಿನ ದಿನಗಳಲ್ಲಿ ರೋಹಿತ್ ಶರ್ಮಾ ಹಾಗೂ ಡೇವಿಡ್ ವಾರ್ನರ್ ಟೆಸ್ಟ್ ಕ್ರಿಕೆಟ್ನಲ್ಲಿ ಶ್ರೇಷ್ಠ ಓಪನರ್ಗಳಾಗಿ ಮೂಡಿಬಂದಿದ್ದರೂ, ಆಕಾಶ್ ತಮ್ಮ ತಂಡಕ್ಕೆ ಅಚ್ಚರಿಯ ಆಯ್ಕೆ ಮಾಡಿಕೊಂಡಿದ್ದಾರೆ. ಮೂರನೇ ಕ್ರಮಾಂಕದಲ್ಲಿ ವಿಶ್ವದ ನಂ.1 ಟೆಸ್ಟ್ ಬ್ಯಾಟ್ಸ್ಮನ್ ಅವರನ್ನು ಹೆಸರಿಸಿದ್ದು, ನಾಲ್ಕನೇ ಕ್ರಮಾಂಕದಲ್ಲಿ ಟೀಮ್ ಇಂಡಿಯಾ ಕ್ಯಾಪ್ಟನ್ ವಿರಾಟ್ ಕೊಹ್ಲಿಗೆ ಸ್ಥಾನ ನೀಡಿ ನಾಯಕತ್ವದ ಜವಾಬ್ದಾರಿ ಕೂಡ ಹೊರಿಸಿದ್ದಾರೆ. ನಂತರದ ಸ್ಥಾನವನ್ನು ಇಂಗ್ಲೆಂಡ್ನ ನಾಯಕ ಜೋ ರೂಟ್ಗೆ ನೀಡಲಾಗಿದ್ದು, ಬೆನ್ ಸ್ಟೋಕ್ಸ್ ಏಕೈಕ ಆಲ್ರೌಂಡರ್ ಆಗಿ ಸ್ಥಾನ ಪಡೆದಿದ್ದಾರೆ. ದಕ್ಷಿಣ ಆಫ್ರಿಕಾದ ಯುವ ಪ್ರತಿಭೆ ಕ್ವಿಂಟನ್ ಡಿ'ಕಾಕ್ ವಿಕೆಟ್ಕೀಪರ್ ಬ್ಯಾಟ್ಸ್ಮನ್ ಸ್ಥಾನ ಪಡೆದಿದ್ದಾರೆ. ತಂಡದ ಬೌಲಿಂಗ್ ವಿಭಾಗದಲ್ಲಿ ವಿಶ್ವದ ನಂ.1 ಟೆಸ್ಟ್ ಬೌಲರ್ ಪ್ಯಾಟ್ ಕಮಿನ್ಸ್, ಕಿವೀಸ್ನ ಎಡಗೈ ವೇಗಿ ನೈಲ್ ವ್ಯಾಗ್ನರ್ ಮತ್ತು ಭಾರತದ ಬಲಗೈ ವೇಗಿ ಜಸ್ಪ್ರೀತ್ ಬುಮ್ರಾ ವೇಗಿಗಳಾಗಿ ಕಾಣಿಸಿಕೊಂಡಿದ್ದಾರೆ. ಸ್ಪಿನ್ನರ್ಗಳ ಪೈಕಿ ಆಸೀಸ್ನ ನೇಥನ್ ಲಯಾನ್ಗೆ ಮಣೆ ಹಾಕಿದ್ದಾರೆ. 12ನೇ ಆಟಗಾರನ ಸ್ಥಾನದಲ್ಲಿ ಪಾಕಿಸ್ತಾನದ ಬಾಬರ್ ಆಝಮ್ ಇದ್ದಾರೆ. ಆಕಾಶ್ ಚೋಪ್ರ ಆಯ್ಕೆಯ ಈಗನ ಶ್ರೇಷ್ಠ ಟೆಸ್ಟ್ ತಂಡ 1. ಟಾಮ್ ಲೇಥಮ್ (ಓಪನರ್) 2. ಮಯಾಂಕ್ ಅಗರ್ವಾಲ್ (ಓಪನರ್) 3. ಸ್ಟೀವ್ ಸ್ಮಿತ್ (ಬ್ಯಾಟ್ಸ್ಮನ್) 4. ವಿರಾಟ್ ಕೊಹ್ಲಿ (ಬ್ಯಾಟ್ಸ್ಮನ್/ನಾಯಕ) 5. ಜೋ ರೂಟ್ (ಬ್ಯಾಟ್ಸ್ಮನ್) 6. ಬೆನ್ ಸ್ಟೋಕ್ಸ್ (ಆಲ್ರೌಂಡರ್) 7. ಕ್ವಿಂಟನ್ ಡಿ'ಕಾಕ್ (ವಿಕೆಟ್ಕೀಪರ್) 8. ಪ್ಯಾಟ್ ಕಮಿನ್ಸ್ (ಬಲಗೈ ವೇಗಿ) 9. ನೈಲ್ ವ್ಯಾಗ್ನರ್ (ಎಡಗೈ ವೇಗಿ) 10. ಜಸ್ಪ್ರೀತ್ ಬುಮ್ರಾ (ಬ;ಗೈ ವೇಗಿ) 11. ನೇಥನ್ ಲಯಾನ್ (ಆಪ್ ಸ್ಪಿನ್ನರ್) 12. ಬಾಬರ್ ಆಝಮ್ (ಹನ್ನೆರಡನೇ ಆಟಗಾರ) ಹೆಚ್ಚುವರಿ ಆಟಗಾರರು: ಸ್ಟುವರ್ಟ್ ಬ್ರಾಡ್, ಬಿಜೆ ವ್ಯಾಟ್ಲಿಂಗ್ ಮತ್ತು ಮಾರ್ನಸ್ ಲಾಬುಶೇನ್. ಆಕಾಶ್ ಚೋಪ್ರ ಆಯ್ಕೆ ಮಾಡಿದ ಟೆಸ್ಟ್ ತಂಡದ ಸಂಪೂರ್ಣ ವಿಡಿಯೋ ಇಲ್ಲಿದೆ.
from Sports News in Kannada, Latest Kannada Sports News | ಕ್ರೀಡೆ-ಕ್ರಿಕೆಟ್ ಸುದ್ದಿ, - Vijaya Karnataka https://ift.tt/2YcV3cp
