ನವದೆಹಲಿ: ಪೂರ್ವ ಲಡಾಖ್ನ ಗಲ್ವಾನ್ ನದಿಪಾತ್ರದ ಮೇಲೆ ನಮ್ಮ ಹಕ್ಕಿದೆ ಎಂದ ಚೀನಾಗೆ ಸೂಕ್ತ ತಿರುಗೇಟು ನೀಡಿದೆ. ಇಂತಹ ಉತ್ಪ್ರೇಕ್ಷೆಯ ಮಾತುಗಳನ್ನು ಬಿಟ್ಟು ಬಿಕ್ಕಟ್ಟು ಪರಿಹಾರಕ್ಕೆ ಮುಂದಾಗಿ ಎಂದು ಭಾರತ ಸಲಹೆ ನೀಡಿದೆ. ವಾಸ್ತವಿಕ ಗಡಿ ನಿಯಂತ್ರಣ ರೇಖೆ(LAC)ಯ ವಿವಾದಾತ್ಮಕ ಪ್ರದೇಶಗಳ ಮೇಲೆ ಹಕ್ಕು ಸಾಧಿಸದಿರುವ ಕುರಿತಾಗಿ, ಕಳೆದ ಜೂನ್ 6ರಂದು ನಡದ ಉನ್ನತ ಸೇನಾ ಕಮಾಂಡರ್ಗಳ ಸಭೆಯಲ್ಲಿ ಆದ ಒಪ್ಪಂದದ ಉಲ್ಲಂಘನೆ ಸಲ್ಲ ಎಂದು ಭಾರತ ಕಿಡಿಕಾರಿದೆ. ವಿವಾದಾತ್ಮಕ ಪ್ರದೇಶ ಎಂದು ಪರಿಗಣಿಸಲ್ಪಟ್ಟಿದ್ದು, ಇದು ಇತ್ಯರ್ಥವಾಗುವವರೆಗೂ ಇದರ ಮೇಲೆ ಹಕ್ಕು ಸಾಧಿಸುವುದನ್ನು ಒಪ್ಪುವುದಿಲ್ಲ ಎಂದು ಭಾರತ ಹೇಳಿದೆ. ಈ ಕುರಿತು ಹೇಳಿಕೆ ನೀಡಿರುವ ಭಾರತದ ವಿದೇಶಾಂಗ ಇಲಾಖೆ ವಕ್ತಾರ ಅನುರಾಗ್ ಶ್ರೀವಾತ್ಸವ್, ಗಲ್ವಾನ್ ವ್ಯಾಲಿ ನಮಗೆ ಸೇರಿದ್ದು ಎಂಬ ಚೀನಾ ವಿದೇಶಾಂಗ ವಕ್ತಾರ ಜಾವೋ ಲಿಜಿಯಾನ್ ಹೇಳಿಕೆ ಒಪ್ಪಲು ಸಾಧ್ಯವಿಲ್ಲ ಎಂದು ಸ್ಪಷ್ಟಪಡಿಸಿದ್ದಾರೆ. ನಿನ್ನೆ(ಜೂನ್ 17) ಬೀಜಿಂಗ್ನಲ್ಲಿ ಪತ್ರಿಕಾಗೋಷ್ಠಿ ಉದ್ದೇಶಿಸಿ ಮಾತನಾಡುತ್ತಿದ್ದ ಚೀನಾ ವಿದೇಶಾಂಗ ಸಚಿವ ಜಾವೋ ಲಿಜಿಯಾನ್, ಸಂಪೂರ್ಣ ಗಲ್ವಾನ್ ವ್ಯಾಲಿ ಪ್ರದೇಶದ ಮೇಲೆ ಚೀನಾದ ಸಾರ್ವಭೌಮತ್ವವಿದೆ ಎಂದು ಹೇಳಿದ್ದನ್ನು ಇಲ್ಲಿ ಸ್ಮರಿಸಬಹುದು.
from India & World News in Kannada | VK Polls https://ift.tt/2Cg5seV
