ವಾಷಿಂಗ್ಟನ್ (): ನ್ಯೂ ಮೆಕ್ಸಿಕೋದ ಸ್ಯಾಂಟೆ ಫೇ ನಗರದಲ್ಲಿ ಭಾರತದ ರೆಸ್ಟೋರೆಂಟ್ವೊಂದರ ಮೇಲೆ ದಾಳಿ ನಡೆಸಲಾಗಿದೆ. ಸಮುದಾಯಕ್ಕೆ ಸೇರಿದ ರೆಸ್ಟೋರೆಂಟ್ನ್ನು ಮಂಗಳವಾರ ದುಷ್ಕರ್ಮಿಗಳು ಧ್ವಂಸಗೊಳಿಸಿರುವುದರ ಜೊತೆಗೆ ದ್ವೇಷ ಸಂದೇಶವನ್ನು ಗೋಡೆಗೆ ಅಂಟಿಸಲಾಗಿದೆ ಎಂದು ಮಾಧ್ಯಮಗಳು ವರದಿ ಮಾಡಿದೆ. ದಾಳಿಯಲ್ಲಿ ಇಂಡಿಯಾ ಪ್ಯಾಲೇಸ್ ರೆಸ್ಟೋರೆಂಟ್ಗೆ ಅಂದಾಜು 1 ಲಕ್ಷ ಅಮೆರಿಕ ಡಾಲರ್ ನಷ್ಟವುಂಟಾಗಿದೆ ಎಂದು ಹೇಳಲಾಗಿದೆ. ದುಷ್ಕರ್ಮಿಗಳ ಪತ್ತೆಗೆ ಸ್ಥಳೀಯ ಪೊಲೀಸರು ಹಾಗೂ ಎಫ್ಬಿಐ ತನಿಖೆ ನಡೆಸುತ್ತಿದೆ ಎಂದು ಸ್ಥಳೀಯ ಮಾಧ್ಯಮಗಳು ವರದಿ ಮಾಡಿವೆ. ಘಟನೆಯನ್ನು ಸಿಖ್ ಅಮೆರಿಕನ್ ಲೀಗಲ್ ಡಿಫೆನ್ಸ್ ಮತ್ತು ಎಜುಕೇಷನಲ್ ಫಂಡ್ (ಎಸ್ಎಎಲ್ಡಿಇಎಫ್) ಖಂಡಿಸಿದೆ. ಇಂತಹ ದ್ವೇಷ ಹಾಗೂ ಹಿಂಸಾಚಾರವನ್ನು ನಾವು ಒಪ್ಪಿಕೊಳ್ಳುವುದಿಲ್ಲ. ಆರೋಪಿಗಳ ವಿರುದ್ಧ ತಕ್ಷಣ ಕ್ರಮ ತೆಗೆದುಕೊಳ್ಳಬೇಕು. ಜೊತೆಗೆ ಎಲ್ಲ ಅಮೆರಿಕನ್ನರನ್ನು ಸುರಕ್ಷಿತವಾಗಿ ನೋಡಿಕೊಳ್ಳಬೇಕು ಎಂದು ಸಾಲ್ಡೆಫ್ನ ಕಾರ್ಯಕಾರಿ ನಿರ್ದೇಶಕ ಕಿರಣ್ ಕೌರ್ ಗಿಲ್ ಹೇಳಿದ್ದಾರೆ. ಸ್ಥಳೀಯ ಪತ್ರಿಕೆಯ ವರದಿಯಂತೆ ಟೇಬಲ್ಗಳನ್ನು ಮುರಿಯಲಾಗಿದ್ದು, ಗ್ಲಾಸ್ಗಳನ್ನು ಪುಡಿ ಪುಡಿ ಮಾಡಲಾಗಿದೆ. ವೈನ್ ರ್ಯಾಕ್ಗಳನ್ನು ಬಿಳಿಸಲಾಗಿದ್ದು, ದೇವರ ವಿಗ್ರಹದ ಶಿರಚ್ಛೇದನ ಮಾಡಿ, ಕಂಪ್ಯೂಟರ್ಗಳನ್ನು ದುಷ್ಕರ್ಮಿಗಳು ಕಳ್ಳತನ ಮಾಡಿದ್ದಾರೆ. ಜೊತೆಗೆ ಅಡುಗೆ ಮನೆಯನ್ನು ಪೂರ್ತಿ ಧ್ವಂಸಗೊಳಿಸಲಾಗಿದೆ, ತಟ್ಟೆಗಳನ್ನು ಪುಡಿ ಪುಡಿ ಮಾಡಿದ್ದಾರೆ ಎಂದು ವರದಿ ಹೇಳಿದೆ. ದುಷ್ಕರ್ಮಿಗಳು ಗೋಡೆಯ ಮೇಲೆ “ವೈಟ್ ಪವರ್”, “ಟ್ರಂಪ್ 2020”, “ಗೋ ಹೋಮ್” ಎಂಬ ಸಂದೇಶವನ್ನು ಬರೆದಿದ್ದು, ಎಲ್ಲಿ ಬೇಕೆಂದರಲ್ಲಿ ಸ್ಪ್ರೇಯಿಂದ ಬಣ್ಣವನ್ನು ಹಾಕಿ ಹೋಗಿದ್ದಾರೆ. ಇತ್ತೀಚೆಗಷ್ಟೇ ಕಪ್ಪು ವರ್ಣೀಯ ಜಾರ್ಜ್ ಫ್ಲಾಯ್ಡ್ ಹತ್ಯೆಯಿಂದ ಅಮೆರಿಕದಲ್ಲಿ ಹಿಂಸಾಚಾರ ಭುಗಿಲೆದ್ದಿತ್ತು. ಈಗ ಈ ಘಟನೆಯು ಸಹ ಭಾರತೀಯರಲ್ಲಿ ಅಭದ್ರತೆಯ ಭಾವವನ್ನು ಸೃಷ್ಟಿಸಿದೆ.
from India & World News in Kannada | VK Polls https://ift.tt/2zXU8mW
