ಭಾರತ ಗಡಿ ತಕರಾರನ್ನು ಶಾಂತಿಯುತವಾಗಿ ಬಗೆಹರಿಸುವ ನಿಟ್ಟಿನಲ್ಲಿ ಚೀನಾದೊಂದಿಗೆ ರಾಜತಾಂತ್ರಿಕ ಶಾಂತಿ ಮಾತುಕತೆಗಳ ಮೊರೆ ಹೋಗಿದೆ. ಆದರೆ ಮಾತುಕತೆಯ ನಾಟಕವಾಡುತ್ತಿರುವ ಚೀನಾ ಮಾತ್ರ ಗಡಿಯಲ್ಲಿ ಸೇನೆ ಜಮಾವಣೆಯ ಪ್ರಕ್ರಿಯೆ ಮಾತ್ರ ನಿಲ್ಲಿಸಿಲ್ಲ. ಒಂದು ಕಡೆ ಶಾಂತಿ ಮಾತುಕತೆಗೆ ಸಿದ್ಧ ಎನ್ನುತ್ತಿರುವ ಚೀನಾ, ಗಡಿಯಲ್ಲಿ ಮಿಲಿಟರಿ ಶಕ್ತಿಯನ್ನು ಬಲವರ್ಧನೆಗೊಳಿಸುತ್ತಿರುವುದು ಅದರ ಗೋಸುಂಬೆ ನೀತಿಯನ್ನು ಎತ್ತಿ ತೋರಿಸುತ್ತಿದೆ. ಇದೀಗ ಚೀನಿ ಪಡೆಗಳು ಭಾರತದ ಗಡಿಯಲ್ಲಿ ಮತ್ತಷ್ಟು ಉತ್ತರಕ್ಕೆ ಸರಿದಿದ್ದು, ವಾಸ್ತವಿಕ ಗಡಿ ರೇಖೆ(LAC)ಯ ಮತ್ತಷ್ಟು ಹತ್ತಿರಕ್ಕೆ ಬಂದು ನಿಂತಿದೆ ಎಂಬ ಮಾಹಿತಿಯನ್ನು ಅಮೆರಿಕದ ವಿದೇಶಾಂಗ ಕಾರ್ಯದರ್ಶೀ ಮೈಕ್ ಪಾಂಪಿಯೋ ಬಿಚ್ಚಿಟ್ಟಿದ್ದಾರೆ. ಭಾರತ-ಚೀನಾ ನಡುವಿನ ಗಡಿ ಸಮಸ್ಯೆಯನ್ನು ಅತ್ಯಂತ ಹತ್ತಿರದಿಂದ ವಿಶ್ಲೇಷಿಸುತ್ತಿರುವ ಅಮೆರಿಕ, ಗಡಿಯಲ್ಲಿ ಚೀನಿ ಪಡೆಗಳ ಚಲನವಲನದ ಮೇಲೂ ನಿಗಾ ಇರಿಸಿರುವುದು ಇದೀಗ ಕುತೂಹಲ ಮೂಡಿಸಿದೆ. ಹಾಗಾದರೆ ಭಾರತ-ಚೀನಾ ಗಡಿ ಸಮಸ್ಯೆಯ ಬೆಳವಣಿಗೆಗಳತ್ತ ಗಮನ ಹರಿಸುವುದಾದರೆ...ಭಾರತ-ಚೀನಾ ಗಡಿ ಸಮಸ್ಯೆಗೆ ರಾಜತಾಂತ್ರಿಕ ಪರಿಹಾರಗಳನ್ನು ಹುಡುಕುವುದೊಂದೇ ಮಾರ್ಗ ಎಂಬ ಸತ್ಯವನ್ನು ಎಲ್ಲರೂ ಬಲ್ಲರು. ಆದರೂ ಗಡಿಯಲ್ಲಿ ಮಿಲಿಟರಿ ಶಕ್ತಿ ಬಲವರ್ಧನೆಗೆ ಚೀನಾ ಮುಂದಾಗಿರುವುದು ಸಮಸ್ಯೆಯನ್ನು ಮತ್ತಷ್ಟು ಜಟಿಲಗೊಳಿಸಿದೆ.
ಸಮಸ್ಯೆ ನಮ್ಮ ನಡುವೆ ಇರುವಾಗ ನೀವೇಕೆ ಬಗೆಹರಿಸುವಿರಿ?: ಟ್ರಂಪ್ ಮಧ್ಯಸ್ಥಿಕೆ ಆಫರ್ ತಿರಸ್ಕರಿಸಿದ ಚೀನಾ!
ಲಡಾಖ್ ಗಡಿಯಲ್ಲಿ ಹೆಚ್ಚಿನ ಸೈನ್ಯ ಜಮಾವಣೆ ಮಾಡಿ ಆತಂಕ ಸೃಷ್ಟಿಸಿರುವ ಚೀನಾ, ಇದೀಗ ತನ್ನ ಪಡೆಗಳನ್ನು ವಾಸ್ತವಿಕ ಗಡಿ ರೇಖೆ(LAC) ಬಳಿ ಮತ್ತಷ್ಟು ಉತ್ತರಕ್ಕೆ ಸರಿಸಿದೆ. ಈ ಮೂಲಕ LACಗೆ ಮತ್ತಷ್ಟು ಹತ್ತಿರವಾಗುವ ಮಿಲಟರಿ ಯೋಜನೆಯನ್ನು ಚೀನಾ ಹೆಣೆದಿದೆ.
ಹೌದು, ಭಾರತ-ಚೀನಾ ಗಡಿ ಸಮಸ್ಯೆಯನ್ನು ಅತ್ಯಂತ ಹತ್ತಿರದಿಂದ ಗಮನಿಸುತ್ತಿರುವ ಅಮರಿಕ, ಗಡಿಯಲ್ಲಿ ಚೀನಿ ಪಡೆಗಳ ಚಲನವಲಗಳ ಮೇಲೂ ನಿಗಾ ಇರಿಸಿದೆ.
ಭಾರತ-ಚೀನಾ ನಡುವಿನ ಸಮಸ್ಯೆ ಜಾಗತಿಕ ಪರಿಣಾಮ ಬೀರಬಲ್ಲದು ಎಂಬುದನ್ನು ಅರಿತಿರುವ ಅಮೆರಿಕ, ಇದೇ ಕಾರಣಕ್ಕೆ ಗಡಿಯಲ್ಲಿ ಚೀನಾದ ಉದ್ರೇಕಕಕಾರಿ ವರ್ತನೆಯನ್ನು ತೀವ್ರವಾಗಿ ಖಂಡಿಸುತ್ತಿದೆ. ಸಮಸ್ಯೆ ಪರಿಹಾರಕ್ಕೆ ಮಧ್ಯಸ್ಥಿಕೆವಹಿಸುವ ತನ್ನ ಪ್ರಯತ್ನಕ್ಕೆ ಹಿನ್ನಡೆಯಾಗಿದ್ದರೂ ಅಮೆರಿಕ ಈ ಕುರಿತು ಎಚ್ಚರದಿಂದಲೇ ಇದೆ.
ಭಾರತ vs ಚೀನಾ ಗಡಿ ವಿವಾದ; ಮಧ್ಯಸ್ಥಿಕೆ ವಹಿಸಲು ಅಮೆರಿಕ ರೆಡಿಯಂತೆ!
ಇದೀಗ ಚೀನಾ ಪಡೆಗಳ ಚಲನವಲನಗಳ ಕುರಿತು ಮಾಹಿತಿ ನೀಡಿರುವ ಅಮೆರಿಕದ ವಿದೇಶಾಂಗ ಕಾರ್ಯದರ್ಶಿ ಮೈಕ್ ಪಾಂಪಿಯೋ, ಚೀನಾ ತನ್ನ ಪಡೆಗಳನ್ನು ಗಡಿಯಿಂದ ಮತ್ತಷ್ಟು ಉತ್ತರಕ್ಕೆ ಸರಿಸಿದೆ ಎಂಬ ಮಾಹಿತಿಯನ್ನು ಬಿಚ್ಚಿಟ್ಟಿದ್ದಾರೆ. ಗಡಿಯ ಉತ್ತರ ದಿಕ್ಕಿನಲ್ಲಿ LAC ಗೆ ಮತ್ತಷ್ಟು ಹತ್ತರಿವಾಗುವ ಯೋಜನೆಯನ್ನು ಚೀನಾ ಹೆಣೆದಿದೆ ಎಂದು ಮೈಕ್ ಪಾಂಪಿಯೋ ಹೇಳಿದ್ದಾರೆ.
ಗಡಿಯಲ್ಲಿ ಸೇನೆ ಜಮಾವಣೆಯ ಪ್ರಕ್ರಿಯೆಯನ್ನು ಚೀನಾ ಇನ್ನೂ ನಿಲ್ಲಿಸಿಲ್ಲ ಎಂದು ಅಮೆರಿಕದ ವಿದೇಶಾಂಗ ಕಾರ್ಯದರ್ಶಿ ಮೈಕ್ ಪಾಂಪಿಯೋ ಹೇಳಿದ್ದಾರೆ. ಗಡಿಯಲ್ಲಿ ಮತ್ತಷ್ಟು ಉತ್ತರಕ್ಕೆ ಸರಿದಿರುವ ಚೀನಾ ಹೆಚ್ಚುವರಿ ಸೇನೆಯನ್ನು ಜಮಾವಣೆಗೊಳಿಸುವ ಕಾರ್ಯಕ್ಕೆ ವೇಗ ನೀಡಿದೆ ಎಂಬುದು ಪಾಂಪಿಯೋ ಅವರ ವಾದವಾಗಿದೆ.
ಅವಶ್ಯಕತೆಯಿಲ್ಲ: ಟ್ರಂಪ್ ಮಧ್ಯಸ್ಥಿಕೆ ಪ್ರಸ್ತಾವನೆ ತಿರಸ್ಕರಿಸಿದ ಚೀನಾ ಮಾಧ್ಯಮ!
ಕೊರೊನಾ ವೈರಸ್ ಹಾವಳಿಯ ಜ್ವಲಂತ ಸಮಸ್ಯೆಯಿಂದ ವಿಶ್ವದ ಗಮನವನ್ನು ಬೇರೆಡೆ ಸೆಳೆಯುವ ಉದ್ದೇಶದಿಂದಲೇ ಚೀನಾ ಭಾರತದೊಂದಿಗೆ ಗಡಿ ಕ್ಯಾತೆ ತೆಗೆದಿದೆ ಎಂದಿರುವ ಮೈಕ್ ಪಾಂಪಿಯೋ, ಹಾಂಕಾಂಗ್ ವಿವಾದಾತ್ಮಕ ಕಾನೂನು ಜಾರಿಗೊಳಿಸುವ ಹಿಂದೆಯೂ ಇದೇ ಕಾರಣ ಅಡಗಿದೆ ಎಂದು ಅನುಮಾನಿಸಿದ್ದಾರೆ.
ಇಷ್ಟಕ್ಕೆ ಸುಮ್ಮನಾಗದ ಅಮೆರಿಕ, ಭಾರತದ ಗಡಿಯಲ್ಲಿ ಚೀನಾದ ಅತಿರೇಖದ ವರ್ತನೆಯನ್ನು ತೀವ್ರವಾಗಿ ಖಂಡಿಸಿದೆ. ಈ ಕುರಿತು ಪ್ರತಿಕ್ರಿಯೆ ನೀಡಿರುವ ಅಮೆರಿಕದ ವಿದೇಶಾಂಗ ವ್ಯವಹಾರಗಳ ಸಮಿತಿ, ಗಡಿ ಕ್ಯಾತೆ ಅನವಶ್ಯಕ ಎಂದು ಅಭಿಪ್ರಾಯಪಟ್ಟಿದೆ.
ನೆರೆಯ ರಾಷ್ಟ್ರಗಳೊಂದಿಗೆ ಅದರಲ್ಲೂ ವಿಶೇಷವಾಗಿ ಭಾರತದೊಂದಿಗೆ ಗಡಿ ಕ್ಯಾತೆ ತೆಗೆಯುವ ಚೀನಾದ ಯೋಜನೆ ದುರುದ್ದೇಶದಿಂದ ಕೂಡಿದೆ ಎಂದು ಸಮಿತಿ ಹರಿಹಾಯ್ದಿದೆ.
ಮೋದಿ, ಟ್ರಂಪ್ ಕೊನೆಯ ಬಾರಿ ಏಪ್ರಿಲ್ನಲ್ಲಿ ಮಾತನಾಡಿದ್ದರು: ಕೇಂದ್ರದ ಸ್ಪಷ್ಟನೆ!
ಸಮಸ್ಯೆ ಶಾಂತಿಯುತವಾಗಿ ಬಗೆಹರಿಯಬೇಕು ಎಂಬುದು ನಮ್ಮ ಆಸೆಯಾಗಿದ್ದು, ಆದರೆ ಗಡಿಯಲ್ಲಿ ಚೀನಿ ಪಡೆಗಳ ವರ್ತನೆ ನೋಡಿದರೆ ಇದು ಕೈಗೂಡುವ ಲಕ್ಷಣ ಕಾಣುತ್ತಿಲ್ಲ ಎಂದು ಅಮೆರಿಕದ ವಿದೇಶಾಂಗ ವ್ಯವಹಾರಗಳ ಸಮಿತಿ ಆತಂಕ ಹೊರಹಾಕಿದೆ.
ಒಂಟಿಯಾಗುತ್ತಿದೆ ಚೀನಾ: ಸೈಲೆಂಟಾಗಿಯೇ ಅಮೆರಿಕ ಬೆಂಬಲ ಗಿಟ್ಟಿಸಿಕೊಂಡ ಮೋದಿ!
ಒಟ್ಟಿನಲ್ಲಿ ಚೀನಾದ ಉದ್ದೇಪೂರ್ವಕ ಗಡಿ ತಕರಾರು ಸದ್ಯಕ್ಕೆ ಕೊನೆಗಾಣುವ ಲಕ್ಷಣ ಕಾಣಿಸುತ್ತಿಲ್ಲ .ಆದರೆ ಈ ನಿಟ್ಟಿನಲ್ಲಿ ಭಾರತ ಇಡುತ್ತಿರುವ ಸಂಯಮದ ಹೆಜ್ಜೆಗಳು ಮಾತ್ರ ಪ್ರಶಂಸೆಗೆ ಪಾತ್ರವಾಗಿವೆ.
from India & World News in Kannada | VK Polls https://vijaykarnataka.com/news/world/chinese-forces-moved-up-to-north-of-india-on-line-of-actual-control-says-mike-pompeo/articleshow/76148155.cms
