ವಿಶ್ವವನ್ನೇ ಬೆಚ್ಚಿಬೀಳಿಸಿರುವ ಕೊರೊನಾ ವೈರಸ್ ರುದ್ರತಾಂಡವಕ್ಕೆ ಸ್ವಯಂ ಮುನ್ನೆಚ್ಚರಿಕೆಯೊಂದೇ ಮಾರ್ಗವೆಂಬುದು ಎಲ್ಲರಿಗೂ ತಿಳಿದ ವಿಚಾರ. ಹೀಗಿರುವಾಗ ಮದ್ದಿಲ್ಲದ ಕೊರೊನಾ ಸೋಂಕು ಒಬ್ಬರಿಂದ ಮತ್ತೊಬ್ಬರಿಗೆ ಹರಡದಿರಲು ಸರಕಾರಗಳು ನಿತ್ಯ ಮುನ್ನೆಚ್ಚರಿಕೆ ಕ್ರಮಗಳನ್ನು ಪಾಲಿಸಲು ಜನರಿಗೆ ಮನವರಿಕೆ ಮಾಡಿಕೊಡಲು ಪ್ರಯತ್ನಿಸುತ್ತಿವೆ. ಇಷ್ಟಾದರು ಬಹುತೇಕ ಕಡೆಗಳಲ್ಲಿ ಜನರು ನಮಗೇನು ಆಗುವುದಿಲ್ಲ ಎನ್ನುವ ನಿರ್ಲಕ್ಷ್ಯ ಭಾವನೆಯಲ್ಲಿ ಮಾಸ್ಕ್ ಬಳಸದೆ, ದೈಹಿಕ ಅಂತರವನ್ನೇ ಕಾಪಾಡಿಕೊಳ್ಳದೆ ವರ್ತಿಸುತ್ತಿದ್ದಾರೆ. ಮಾಸ್ಕ್ ಬಳಸುವಲ್ಲಿ ಜನರಲ್ಲಿ ಮತ್ತಷ್ಟು ಜಾಗೃತಿ ತರಲು ಸರಕಾರ ಗುರುವಾರ ಮಾಸ್ಕ್ ಡೇ ಆಚರಣೆಗೆ ಮುಂದಾಗಿದೆ. ಆ ಮೂಲಕ ಜನರಲ್ಲಿ ಮಾಸ್ಕ್ ಬಳಕೆಯ ಪ್ರಮಾಣ ಮತ್ತಷ್ಟು ಏರಿಕೆಯಾಗಲಿ ಎನ್ನುವ ಸದುದ್ದೇಶ ಇದರಲ್ಲಿದೆ.ಕೋವಿಡ್-19 ನಿಯಂತ್ರಣ ಮಾಡುವ ನಿಟ್ಟಿನಲ್ಲಿ ಮಾಸ್ಕ್ ಬಳಕೆ ಅತೀ ಮುಖ್ಯವಾಗಿದೆ. ಹೀಗಿದ್ದರೂ ಜನರು ಮಾಸ್ಕ್ ಬಳಕೆ ಮಾಡುತ್ತಿಲ್ಲ. ಸರ್ಕಾರ ಅರಿವು ಮೂಡಿಸಿದರೂ ಜನರು ಪಾಲನೆ ಮಾಡುತ್ತಿಲ್ಲ. ಈ ಕಾರಣಕ್ಕಾಗಿ ಗುರುವಾರ ಮಾಸ್ಕ್ ಡೇ ನಡೆಸುವ ಮೂಲಕ ಮಾಸ್ಕ್ ಬಳಕೆಯ ಅಗತ್ಯತೆ ಕುರಿತಾಗಿ ಜಾಗೃತಿ ಮೂಡಿಸುವುದು ಸರ್ಕಾರದ ಉದ್ದೇಶವಾಗಿದೆ. ಇದರಂತೆ ಜಿಲ್ಲಾ, ತಾಲೂಕು, ಕಾರ್ಪೊರೇಷನ್ ಮಟ್ಟದಲ್ಲಿ ಆಡಳಿತ, ಚುನಾಯಿತ ಪ್ರತಿನಿಧಿಗಳು , ಗಣ್ಯವ್ಯಕ್ತಿಗಳು ಹಾಗೂ ವೈದ್ಯಕೀಯ ಸಿಬ್ಬಂದಿ ಭಾಗವಹಿಸಿಕೊಂಡು ಪಾದಯಾತ್ರೆ ಮೂಲಕ ಕಾರ್ಯಕ್ರಮ ನಡೆಸಲು ಸೂಚಿಸಲಾಗಿದೆ.
ಕೊರೊನಾ ನಿಯಂತ್ರಣಕ್ಕೆ ಗುರುವಾರ ‘ಮಾಸ್ಕ್ ಡೇ’ ಪಾದಯಾತ್ರೆ ಮೂಲಕ ಜಾಗೃತಿ
ಪಾದಯಾತ್ರೆಯಲ್ಲಿ 50 ಜನರನ್ನು ಮೀರಿ ಒಂದು ನಿರ್ದಿಷ್ಟ ಪ್ರದೇಶದಲ್ಲಿ ಜನರು ಭಾಗಿಯಾಗಬಾರದು. ಪಾದಯಾತ್ರೆಯಲ್ಲಿ ಭಾಗಿಯಾಗುವವರು ಕಡ್ಡಾಯವಾಗಿ ಮಾಸ್ಕ್ ಧರಿಸಬೇಕು ಹಾಗೂ ಸಾಮಾಜಿಕ ಅಂತರವನ್ನು ಕಾಯ್ದುಕೊಳ್ಳಬೇಕು ಎಂದು ತಿಳಿಸಲಾಗಿದೆ.
ಜೊತೆಗೆ ಮಾಸ್ಕ್ ಹಾಗೂ ಸ್ಯಾನಿಟೈಸರ್ ಬಳಕೆ ಜೊತೆಗೆ ಇದರ ಅಗತ್ಯತೆಯ ಕುರಿತಾಗಿ ಜನರಿಗೆ ಮಾಹಿತಿ ನೀಡಲು ಫಲಕಗಳನ್ನು ಬಳಸಬೇಕು ಎಂದು ಸರ್ಕಾರ ಮುಖ್ಯಕಾರ್ಯದರ್ಶಿ ಸೂಚನೆ ನೀಡಿದ್ದಾರೆ.
ಕೊರೊನಾ ನಿಯಂತ್ರಣಕ್ಕೆ ಗುರುವಾರ ‘ಮಾಸ್ಕ್ ಡೇ’ ಪಾದಯಾತ್ರೆ ಮೂಲಕ ಜಾಗೃತಿ
ಆರೋಗ್ಯ ವಂತರ ಮನೆಯಲ್ಲಿ ಮಾಸ್ಕ್ ಬಳಸುವ ಅಗತ್ಯವಿಲ್ಲ. ಆದರೆ, ಆರೋಗ್ಯವಂತರು ಹೊರಗೆ ಸಮಾಜದಲ್ಲಿ ಓಡಾಡುವಾಗ ಸೋಂಕಿತ ವ್ಯಕ್ತಿಯಿಂದ ಹೊರಬಂದ ವೈರಸ್ ದೇಹಕ್ಕೆ ಪ್ರವೇಶಿಸಬಾರದು ಎನ್ನುವ ಮುನ್ನೆಚ್ಚರಿಕೆಯಾಗಿ ಮಾತ್ರವೇ ಮಾಸ್ಕ್ ಬಳಸಿ ಎನ್ನುವ ಘೋಷವಾಕ್ಯ ಪ್ರಸ್ತುತ ದೇಶಾದ್ಯಂತ ಹೇಳಲಾಗುತ್ತಿರುವುದು. ಮಾಸ್ಕ್ ಬಳಕೆಯಿಂದಾಗಿ ನಮ್ಮಿಂದ ಬೇರೆಯವರಿಗೆ, ಬೇರೆಯವರಿಂದ ನಮಗೆ ರಕ್ಷಣೆ ಸಿಗುತ್ತದೆ ಎನ್ನುವುದು ವಾಸ್ತವ.
ಬಟ್ಟೆಯಿಂದ ಮನೆಯಲ್ಲಿ ತಯಾರಿಸಿದ ಮಾಸ್ಕ್ ಬಳಸಿ
ಕಂಟೈನ್ಮೆಂಟ್ ಝೋನ್ಗಳಲ್ಲಿ ಎನ್ 95ಮಾಸ್ಕ್ ಬಳಸಿದರೂ ಉತ್ತಮ
ಸರ್ಜಿಕಲ್ ಮಾಸ್ಕ್ ಕೇವಲ 8ತಾಸು ಬಳಕೆಗಷ್ಟೇ ಒಳಿತು
8ಗಂಟೆಯ ಬಳಿಕ ಮಾಸ್ಕ್ ಬಳಕೆ ಅನುಪಯುಕ್ತ
ಬಳಸಿದ ಮಾಸ್ಕ್ಗಳನ್ನು ಮುನ್ನೆಚ್ಚರಿಕೆಯೊಂದಿಗೆ ಮೆಡಿಕಲ್ ವೇಸ್ಟ್ನಲ್ಲಿ ಹಾಕಿಬಿಡಿ
ಬಳಸಿದ ಮಾಸ್ಕ್ಗಳನ್ನು ಎಲ್ಲೆಂದರಲ್ಲಿ ಬಿಸಾಡಬೇಡಿ
ಬಟ್ಟೆಯ ಮಾಸ್ಕ್ಗಳನ್ನು ಸರಿಯಾಗಿ ಒಗೆದು, ಬಿಸಿಲಿನಲ್ಲಿಒಣಗಿಸಿ ಬಳಸಿ.
ನಕಲಿ ಮಾಸ್ಕ್ಗಳ ಬದಲಿಗೆ, ಮನೆಯಲ್ಲಿಯೇ ಮಾಸ್ಕ್ ತಯಾರಿಕೆ ಉತ್ತಮ.
ಒಂದಂಶ ನೆನಪಿಟ್ಟುಕೊಳ್ಳಿ, ನೀವು ಆರೋಗ್ಯವಂತರಾಗಿದ್ದರೆ, ಮನೆಯಲ್ಲಿ ಯಾರಿಗೂ ಕಾಯಿಲೆ ಇಲ್ಲದಿದ್ದರೆ ಮನೆಯಲ್ಲಿರುವಾಗ ಮಾಸ್ಕ್ ಧರಿಸಬೇಕಾಗಿಲ್ಲ. ದಿನಸಿ ತರಲಿಕ್ಕೆ ಹೋಗುವಾಗ ಮಾತ್ರ ಬಳಸಿ.
ಮನೆಯಲ್ಲಿ ಕೆಮ್ಮು, ನೆಗಡಿ, ಶೀತದಂತಹ ರೋಗಿಗಳಿದ್ದರೆ ಅಥವಾ ಕ್ವಾರಂಟೈನ್ಗೆ ಒಳಗಾಗಿರುವ ವ್ಯಕ್ತಿಗಳಿದ್ದರೆ ಕಡ್ಡಾಯವಾಗಿ ಎನ್ 95ಮಾಸ್ಕ್ ಬಳಕೆ ಅಗತ್ಯ. ಜತೆಗೆ, ಮನೆಯಲ್ಲಿನ ವಸ್ತುಗಳನ್ನು ಪ್ರತ್ಯೇಕವಾಗಿ ಬಳಸಲು ನೀಡಿ. ಯಾವುದೇ ಮಾರ್ಗದಿಂದಲೂ ಕೊರೊನಾ ದಾಳಿ ನಡೆಸುವ ಸಾಧ್ಯತೆಯಿರುತ್ತದೆ. ಈ ನಿಟ್ಟಿನಲ್ಲಿಸಾರ್ವಜನಿಕರು ಎಚ್ಚರ ವಹಿಸಬೇಕು. ಬಟ್ಟೆ ಮಾಸ್ಕ್ ಬಳಸುತ್ತಿದ್ದೇನೆ ಎನ್ನುವ ನಿರ್ಲಕ್ಷ್ಯ ಬೇಡ. ರೋಗಿಗಳ ಬಳಿ ಸೋಂಕು ಹರಡುವಲ್ಲಿ ಬಟ್ಟೆ ಮಾಸ್ಕ್ ಪ್ರಯೋಜನವಿಲ್ಲ.
from India & World News in Kannada | VK Polls https://ift.tt/2UWxHFZ
