ಹೊಸದಿಲ್ಲಿ: ಶೇಕಡಾ 65.69 ರಷ್ಟು ಭಾರತೀಯರು ಪ್ರಧಾನಿ ನರೇಂದ್ರ ಮೋದಿಯವರ ಬಗ್ಗೆ ತೃಪ್ತರಾಗಿದ್ದಾರೆ ಎಂದು ಐಎಎನ್ಎಸ್-ಸಿ ವೋಟರ್ ಸ್ಟೇಟ್ ಆಫ್ ದಿ ನೇಷನ್ 2020 ಸಮೀಕ್ಷೆ ತಿಳಿಸಿದೆ. ಕೊರೊನಾ ವೈರಸ್ ಸಾಂಕ್ರಾಮಿಕವು ಅನೇಕ ವಿಶ್ವ ನಾಯಕರ ಅನುಮೋದನೆ ರೇಟಿಂಗ್ ಅನ್ನು ಮುಳುಗಿಸಿರುವ ಸಮಯದಲ್ಲಿಯೇ ಇದೀಗ ಎಲ್ಲಾ ರಾಜ್ಯಗಳು ಮತ್ತು ಕೇಂದ್ರಾಡಳಿತ ಪ್ರದೇಶಗಳಲ್ಲಿ 58.36 ರಷ್ಟು ಭಾರತೀಯರು ಮೋದಿಯವರ ಕಾರ್ಯಕ್ಷಮತೆಯಿಂದ "ತೃಪ್ತರಾಗಿದ್ದಾರೆ" ಎಂದು ಹೇಳುತ್ತಿದ್ದಾರೆ.ದೇಶದ ಎಲ್ಲಾ ರಾಜ್ಯಗಳಿಂದ ಶೇ. 24.01 ರಷ್ಟು ಭಾರತೀಯರು ಪ್ರಧಾನಿ ಮೋದಿ ಅವರ ಆಡಳಿತದ ಬಗ್ಗೆ "ಸ್ವಲ್ಪಮಟ್ಟಿಗೆ ತೃಪ್ತರಾಗಿದ್ದಾರೆ" ಎಂದು ಹೇಳುತ್ತಿದ್ದಾರೆ. ಆದರೆ, 16.71 ಶೇಕಡಾ ಜನರು ಮೋದಿ ಬಗ್ಗೆ ತೃಪ್ತರಾಗಿಲ್ಲ ಎಂದು ಸಮೀಕ್ಷೆ ಹೇಳುತ್ತಿದೆ.ದೇಶದ ಎಲ್ಲಾ ರಾಜ್ಯಗಳ ಪೈಕಿ ಬಿಜೆಪಿ ಆಡಳಿತ ಇಲ್ಲದ ಒಡಿಶಾದಲ್ಲಿ ಪ್ರಧಾನಿ ನರೇಂದ್ರ ಮೋದಿಗೆ ಅಗ್ರ ಶ್ರೇಯಾಂಕ ಸಿಕ್ಕಿದೆ. ಶೇ.95.6 ರಷ್ಟು ಒಡಿಶಾ ಮಂದಿ ಮೋದಿಯವರ ಕಾರ್ಯಕ್ಷಮತೆ ಬಗ್ಗೆ ತೃಪ್ತರಾಗಿದ್ದು, ಇದರಲ್ಲಿ ಶೇ.84.87 ರಷ್ಟು ಮಂದಿ ತುಂಬಾ ತೃಪ್ತರಾಗಿದ್ದಾರೆ. ಆದರೆ, ಇದರಲ್ಲಿ ಶೇ.2.2 ಮಂದಿ ನರೇಂದ್ರ ಮೋದಿಯವರನ್ನು ನಿರಾಕರಿಸುತ್ತಾರೆ.ಒಡಿಶಾದ ನಂತರ ಹಿಮಾಚಲ ಪ್ರದೇಶ, ಛತ್ತೀಸ್ಗಢ ಮತ್ತು ಆಂಧ್ರಪ್ರದೇಶಗಳು ಕ್ರಮವಾಗಿ ಶೇ.93.95, ಶೇ.92.73 ಮತ್ತು ಶೇ.83.6 ರ ನೆಟ್ ಅನುಮೋದನೆಯ ರೇಟಿಂಗ್ಗಳೊಂದಿಗೆ ಮೋದಿ ಅವರ ಜನಪ್ರಿಯತೆಯನ್ನು ಹೆಚ್ಚಿಸಿವೆ. ಒಡಿಶಾ ಸೇರಿದಂತೆ ಈ ಮೂರು ರಾಜ್ಯಗಳಲ್ಲಿ ಬಿಜೆಪಿ ಆಡಳಿತ ಇಲ್ಲದೇ ಇದ್ದರೂ ಪ್ರಧಾನಿ ಮೋದಿಯವರ ಬಗ್ಗೆ ತೃಪ್ತಿ ವ್ಯಕ್ತಪಡಿಸಿರುವುದು ನಿಜಕ್ಕೂ ಕುತೂಹಲಕಾರಿ ಅಂಶವಾಗಿದೆ.
ಇತ್ತೀಚೆಗೆ ಚುನಾವಣೆಯಲ್ಲಿ ಬಿಜೆಪಿ ಸೋತಿದ್ದ ಜಾರ್ಖಂಡ್ ರಾಜ್ಯದಲ್ಲಿ ಪ್ರಧಾನಮಂತ್ರಿಯವರಿಗೆ ಸಾಕಷ್ಟು ಮಹತ್ವದ ಅನುಮೋದನೆ ಸಿಕ್ಕಿದೆ. ಅವರಲ್ಲಿ ಶೇಕಡಾ 64.26 ರಷ್ಟು ಜನರು ಪ್ರಧಾನಿ ಮೋದಿಯ ಬಗ್ಗೆ ತೃಪ್ತಿ ಹೊಂದಿದ್ದಾರೆಂದು ಹೇಳಿದ್ದಾರೆ. ಇದರೊಂದಿಗೆ ರಾಜ್ಯದಿಂದ ನಿವ್ವಳ ಅನುಮೋದನೆ ರೇಟಿಂಗ್ ಶೇಕಡಾ 82.97 ರಷ್ಟು ಮೂಡಿದೆ.
ಕೊರೊನಾ ಲೈವ್ ಅಪ್ಡೇಟ್ಸ್: ಭಾರತದಲ್ಲಿ 1 ಲಕ್ಷದ 98 ಸಾವಿರ ಗಡಿ ದಾಟಿದ ಸೋಂಕಿತರು!
ಬಿಜೆಪಿ ಆಡಳಿತ ರಾಜ್ಯವಾದ ಕರ್ನಾಟಕ ಮತ್ತು ಮೋದಿಯವರ ತವರು ರಾಜ್ಯ ಗುಜರಾತ್ ಪ್ರಧಾನಿಗೆ ಅತ್ಯುತ್ತಮ ರೇಟಿಂಗ್ ನೀಡಿರುವ ಬಗ್ಗೆ ಅಚ್ಚರಿ ಪಡಬೇಕಿಲ್ಲ. ಆದರೆ, ಕಾಂಗ್ರೆಸ್-ಎನ್ಸಿಪಿ-ಶಿವಸೇನೆ ಸಂಯೋಜನೆಯಿಂದ ಆಳುತ್ತಿರುವ ಮಹಾರಾಷ್ಟ್ರದಲ್ಲಿಯೂ ಪ್ರಧಾನಿಗೆ ಅತ್ಯುತ್ತಮ ಅನುಮೋದನೆ ದೊರಕಿದೆ. ಮಹಾರಾಷ್ಟ್ರದ ಶೇಕಡಾ 71.48 ರಷ್ಟು ಜನರು ಭಾರತದ ಪ್ರಧಾನ ಮಂತ್ರಿಯ ಕಾರ್ಯವೈಖರಿಯ ಬಗ್ಗೆ ತೃಪ್ತರಾಗಿದ್ದಾರೆ ಎಂದು ಸಮೀಕ್ಷೆ ತಿಳಿಸಿದೆ. ಈಶಾನ್ಯದಲ್ಲೂ ಸಹ ಶೇ. 69.45 ಜನರು ಮೋದಿಗೆ ಬೆಂಬಲಿಸುತ್ತಿದ್ದಾರೆ.
ಈ ವರ್ಷದ ಕೊನೆಯಲ್ಲಿ ಬಿಹಾರ ಚುನಾವಣೆ ಇದೆ. ಹಿಂದಿ ಭಾಷೆಯ ಹೃದಯ ರಾಜ್ಯದಲ್ಲಿ ಮೋದಿಯವರ ನೆಟ್ ರೇಟಿಂಗ್ ಶೇಕಡಾ 58.48 ಆಗಿದೆ. ಇದು ಇತರ ರಾಜ್ಯಗಳಿಗೆ ಹೋಲಿಸಿದರೆ ಅತ್ಯಂತ ಕಡಿಮೆ ಇದೆ. ಇದು ಬಿಜೆಪಿ ಪಕ್ಷದ ಚಿಂತೆಗೆ ಕಾರಣವಾಗಿದೆ.
"ಒನ್ ನೇಷನ್ ಒನ್ ರೇಷನ್ ಕಾರ್ಡ್" 2021ರ ಮಾ.31ರೊಳಗೆ ಎಲ್ಲಾ ರಾಜ್ಯಗಳಲ್ಲಿ ಜಾರಿ
ಮುಂದಿನ ವರ್ಷ ಚುನಾವಣೆ ನಡೆಯಲಿರುವ ಪಶ್ಚಿಮ ಬಂಗಾಳದಲ್ಲ ನರೇಂದ್ರ ಮೋದಿಯವರ ನಿವ್ವಳ ಅನುಮೋದನೆ ರೇಟಿಂಗ್ ಶೇಕಡಾ 64.06 ರಷ್ಟಿದ್ದು, ಇದು ಆಡಳಿತಾರೂಡ ಟಿಎಂಸಿ ಮತ್ತು ಮಮತಾ ಬ್ಯಾನರ್ಜಿಯವರ ಕಾಳಜಿಗೆ ಕೆಲವು ಕಾರಣವಾಗಬಹುದು. ಜಮ್ಮು ಮತ್ತು ಕಾಶ್ಮೀರದಲ್ಲಿಯೂ ಸಹ, 50.84 ರಷ್ಟು ಜನರು ಮೋದಿ ಆಡಳಿತದ ಬಗ್ಗೆ ತೃಪ್ತಿ ಹೊಂದಿದ್ದಾರೆಂದು ಸಮೀಕ್ಷೆ ತಿಳಿಸಿದೆ.
ಬಿಜೆಪಿ ಪಕ್ಷ ಆಡಳಿತದ ಉತ್ತರಾಖಂಡ, ಗೋವಾ ಮತ್ತು ಹರಿಯಾಣ ಮೂರು ರಾಜ್ಯಗಳಲ್ಲಿ ಪ್ರಧಾನಿ ಮೋದಿಯವರ ವರ್ಚಸ್ಸು ಕಡಿಮೆಯಾಗಿರುವುದು ಅತ್ಯಂತ ಅಚ್ಚರಿಗೆ ಕಾರಣವಾಗಿದೆ. ನರೇಂದ್ರ ಮೋದಿಯವರಿಗೆ ನೀಡಿರುವ ನೆಟ್ ರೇಟಿಂಗ್ ಕ್ರಮವಾಗಿ ಶೇ.53.53, ಶೇ.52.54 ಹಾಗೂ ಶೇ.51.25 ಇದೆ. ಇತರೆ ರಾಜ್ಯಗಳಿಗೆ ಹೋಲಿಕೆ ಮಾಡಿದರೆ ಈ ರಾಜ್ಯಗಳ ನೆಟ್ ರೇಟಿಂಗ್ ತುಂಬಾ ಕಡಿಮೆ ಇದೆ.
3 ತಿಂಗಳ ಬಳಿಕ ಎಲ್ಪಿಜಿ ಸಿಲಿಂಡರ್ ಬೆಲೆ ಏರಿಕೆ; ಯಾವ ನಗರದಲ್ಲಿ ಎಷ್ಟು? ಇಲ್ಲಿದೆ ಮಾಹಿತಿ..
ದೇವರ ನಾಡು ಕೇರಳ ಹಾಗೂ ತಮಿಳುನಾಡು ರಾಜ್ಯಗಳಲ್ಲಿ ಪ್ರಧಾನ ಮಂತ್ರಿ ನರೇಂದ್ರ ಮೋದಿಗೆ ಕೆಂಪು ವಲಯಗಳಾಗಿ ಪರಿಣಮಿಸಿದೆ. ಕಮ್ಯುನಿಸ್ಟ್ ಆಡಳಿತ ಕೇರಳದಲ್ಲಿ ಪ್ರಧಾನಿಗೆ ಶೇ. 32.89 ರಷ್ಟು ಅನುಮೋದನೆ ಸಿಕ್ಕಿದೆ ಹಾಗೂ ಎಐಎಡಿಎಂಕೆ ಆಡಳಿತದ ತಮಿಳುನಾಡಿನಲ್ಲಿ ಶೇ.32.15 ರಷ್ಟು ಜನರು ಮೋದಿ ಕಾರ್ಯವೈಖರಿಯನ್ನು ಬೆಂಬಲಿಸಿದ್ದಾರೆ.
2009ರ ಮೇ ತಿಂಗಳಿನಿಂದ ಪ್ರತಿ ವಾರ ಐಎಎನ್ಎಸ್-ಸಿ ವೊಟರ್ ಸಮೀಕ್ಷೆ ನಡೆಸಲಾಗುತ್ತಿದೆ. ಒಂದು ಕ್ಯಾಲೆಂಡರ್ ವರ್ಷದಲ್ಲಿ 52 ಬಾರಿ ಹಾಗೂ 11 ರಾಷ್ಟ್ರೀಯ ಭಾಷೆಗಳಲ್ಲಿ ನಡೆಸಲಾಗುತ್ತದೆ. ಭಾರತದ ಎಲ್ಲಾ ರಾಜ್ಯಗಳಲ್ಲಿ ಪ್ರತಿ ತರಂಗಕ್ಕೆ 3,000 ಮಾದರಿಗಳ ಗುರಿ ಮಾದರಿ ಗಾತ್ರವನ್ನು ಹೊಂದಿದೆ. ಸರಾಸರಿ ಪ್ರತಿಕ್ರಿಯೆ ದರ 55%. ಈ ಸಮೀಕ್ಷೆಯು ಎಲ್ಲಾ ವಿಭಾಗಗಳಲ್ಲಿ ವಯಸ್ಕ (18+) ಪ್ರತಿಸ್ಪಂದಕರ ಸಿಎಟಿಐ ಸಂದರ್ಶನಗಳನ್ನು ಆಧರಿಸಿದೆ.
ನಿಸರ್ಗ ಚಂಡಮಾರುತದ ಪರಿಣಾಮ ಜೂ. 4ರವರೆಗೆ ಭಾರೀ ಮಳೆ: ಕೃಷಿ ಚಟುವಟಿಕೆ ಚುರುಕು
from India & World News in Kannada | VK Polls https://ift.tt/373n2hP
