ಬುಡ್ಗಾಮ್: ಸೋಮವಾರದಂದು ನಾರ್ಕೊ-ಟೆರರ್ ಮಾಡ್ಯೂಲ್ ಭೇದಿಸಿರುವ ಪೊಲೀಸರು, ನಿಷೇಧಿತ (ಜೆಇಎಂ) ಉಗ್ರ ಸಂಘಟನೆಗೆ ಸಂಬಂಧ ಹೊಂದಿರುವ ಆರು ಭಯೋತ್ಪಾದಕ ಸಹಚರರನ್ನು ಬಂಧಿಸುವಲ್ಲಿ ಯಶಸ್ವಿಯಾಗಿದೆ. ಈ ಬಗ್ಗೆ ಜಮ್ಮು ಮತ್ತು ಕಾಶ್ಮೀರ ಪೊಲೀಸರು ಟ್ವೀಟ್ ಮೂಲಕ ಮಾಹಿತಿ ನೀಡಿದ್ದಾರೆ. ಜೆಇಎಂ ಉಗ್ರರಿಗೆ ನಗದು, ಮಾದಕ ವಸ್ತು, ಶಸ್ತ್ರಾಸ್ತ್ರಗಳ ಸರಬರಾಜು ಮಾಡುವುದರಲ್ಲಿ ಈ ಉಗ್ರ ಸಹಚರರು ಸಕ್ರಿಯವಾಗಿ ತೊಡಗಿಸಿಕೊಂಡಿದ್ದರು. ಪ್ರಾಥಮಿಕ ತನಿಖಾ ವರಧಿಯಲ್ಲಿ, ಪಾಕಿಸ್ತಾನ ಮೂಲದ ಉಗ್ರ ಸಂಟನೆಯೊಂದಿಗೆ ನಿಕಟ ಸಂಪರ್ಕ ಹೊಂದಿರುವುದು ಬಯಲಾಗಿದೆ. ನಾರ್ಕೊ ಭಯೋತ್ಪಾದನೆ ಸೇರಿದಂತೆ ಶಸ್ತ್ರಾಸ್ತ್ರ ಪೂರೈಕೆಯನ್ನು ಭೇದಿಸುವಲ್ಲಿ ಜಮ್ಮು ಹಾಗೂ ಕಾಶ್ಮೀರ ಪೊಲೀಸರು ಯಶಸ್ವಿಯಾಗಿದ್ದಾರೆ. ಉಗ್ರ ಸಹಚರರನ್ನು ಬುಡ್ಗಾಮ್ ಕ್ರಾಲ್‌ಪೊರಾದ ಮುದಾಸೀರ್ ಫಯಾಜ್, ವಾತೂರದ ಸಬ್ಬೀರ್ ಗನೈ, ಕುಪ್ವಾರಾದ ಸಾಗೀರ್ ಅಹ್ಮದ್, ಶೋಪಿಯಾನ್‌ನ ಇಸಾಕ್ ಭಟ್ ಹಾಗೂ ಅರ್ಷಿದ್ ಥೋಕರ್ ಎಂದು ಗುರುತಿಸಲಾಗಿದೆ. ಬಂಧಿತರಿಂದ ಚೀನಾದ ಪಿಸ್ತೂಲ್ ಹಾಗೂ 1 ಕೆ.ಜಿ ಹೆರಾಯಿನ್ ಸಹ ವಶಕ್ಕೆ ತೆಗೆದುಕೊಳ್ಳಲಾಗಿದೆ. ಇದಕ್ಕೂ ಮೊದಲು ಭಾರತೀಯ ಸೇನೆ ಗಡಿ ನಿಯಂತ್ರಣ ರೇಖೆಯಲ್ಲಿ ನಡೆಸಿದ ಕಾರ್ಯಾಚರಣೆಯಲ್ಲಿ ಮೂವರು ಉಗ್ರರನ್ನು ಹತ್ಯೆಗೈಯುವಲ್ಲಿ ಯಶಸ್ವಿಯಾಗಿತ್ತು.
from India & World News in Kannada | VK Polls https://ift.tt/3dyHSbj
