ನವದೆಹಲಿ: ಕೊರೊನಾದ ತಲೆ ಬಿಸಿ ನಡುವೆ ಜನರಿಗೆ ಇದೀಗ ಜೇಬು ಸುಡುವ ಮಂಡೆ ಬಿಸಿಯು ಒಟ್ಟಿಗೆ ಆಗಿದೆ. ದೇಶದಲ್ಲಿ ಸತತವಾಗಿ ಪೆಟ್ರೋಲ್ ಹಾಗೂ ಡೀಸೆಲ್ ಬೆಲೆಗಳಲ್ಲಿ ಏರಿಕೆ ಕಂಡುಬರುತ್ತಿದ್ದು ವಾಹನ ಸವಾರರಿಗೆ ಭಾರೀ ಟೆನ್ಷನ್ ಆಗಿ ಬಿಟ್ಟಿದೆ. ದೇಶದ ಮಹಾನಗರಗಳಲ್ಲಿ ತೈಲ ದರಗಳ ಬೆಲೆ ಪ್ರತಿನಿತ್ಯ ಏರುತ್ತಲೇ ಇದೆ. ಸರ್ಕಾರಿ ಸ್ವಾಮ್ಯದ ತೈಲ ಕಂಪನಿಗಳು ದೈನಂದಿನ ಬೆಲೆ ಪರಿಷ್ಕರಣೆಗೆ ಮರುಚಾಲನೆ ನೀಡಿರುವ ಪರಿಣಾಮವಾಗಿ,ದೇಶದಲ್ಲಿ ಸತತವಾಗಿ ಪೆಟ್ರೋಲ್ ಹಾಗೂ ಡೀಸೆಲ್ ಬೆಲೆಯಲ್ಲಿ ಏರಿಕೆ ಕಂಡುಬರುತ್ತಿದೆ. ಜೂ.25ರಂದು ರಾಷ್ಟ್ರ ರಾಜಧಾನಿಯಲ್ಲಿ ಪ್ರತೀ ಲೀಟರ್ ಪೆಟ್ರೋಲ್ ದರದಲ್ಲಿ 16 ಪೈಸೆ ಏರಿಕೆ ಕಂಡಿದ್ದು, ಡೀಸೆಲ್ ಪ್ರತೀ ಲೀಟರ್ಗೆ 14 ಪೈಸೆ ಹೆಚ್ಚಾಗಿದೆ. ಕಳೆದ 19 ದಿಗಳಲ್ಲಿ ಪೆಟ್ರೋಲ್ ದರದಲ್ಲಿ ಒಟ್ಟು 8 ರೂ. 66 ಪೈಸೆ ಏರಿಕೆ ಕಂಡರೆ, ಡೀಸೆಲ್ ದರದಲ್ಲಿ ಒಟ್ಟು 10 ರೂ. 63 ಪೈಸೆ ಏರಿಕೆ ಕಂಡಿದೆ. ಹಾಗಾದರೆ ಬೆಂಗಳೂರು ಸೇರಿ ದೇಶದ ಪ್ರಮುಖ ನಗರಗಳಲ್ಲಿ ಇಂದಿನ ದರ ಎಷ್ಟು? ಇಲ್ಲಿದೆ ಮಾಹಿತಿ. ಬೆಲೆ ಪರಿಷ್ಕರಣೆಗೊಂಡ ಬಳಿಕ ದೇಶದ ಮಹಾನಗರಗಳಲ್ಲಿ ಇಂದಿನ ತೈಲದರಗಳತ್ತ ಗಮನಹರಿಸುವುದಾದರೆ. ಸಿಲಿಕಾನ್ ಸಿಟಿ ಬೆಂಗಳೂರು ಪೆಟ್ರೋಲ್: 82.52 ರೂ. (17 ಪೈಸೆ ಏರಿಕೆ) ಡೀಸೆಲ್: 76.09 ರೂ. (13 ಪೈಸೆ. ಏರಿಕೆ) ರಾಷ್ಟ್ರ ರಾಜಧಾನಿ ನವದೆಹಲಿಪೆಟ್ರೋಲ್: 79.92 ರೂ. (16 ಪೈಸೆ ಏರಿಕೆ) ಡೀಸೆಲ್: 80.02 ರೂ. (14 ಪೈಸೆ ಏರಿಕೆ) ವಾಣಿಜ್ಯ ರಾಜಧಾನಿ ಮುಂಬೈಪೆಟ್ರೋಲ್: 86.70 ರೂ. (16 ಪೈಸೆ ಏರಿಕೆ) ಡೀಸೆಲ್: 778.34 ರೂ. (12 ಪೈಸೆ. ಏರಿಕೆ) ತಮಿಳುನಾಡು ರಾಜಧಾನಿ ಚೆನ್ನೈಪೆಟ್ರೋಲ್: 83.18 ರೂ. (7 ಪೈಸೆ ಏರಿಕೆ) ಡೀಸೆಲ್: 77.29 ರೂ. ( 5 ಪೈಸೆ ಏರಿಕೆ)
from India & World News in Kannada | VK Polls https://ift.tt/2Z5xWQp
