ಹೊಸದಿಲ್ಲಿ: ವಿತ್ತ ಸಚಿವೆ ನಿರ್ಮಲಾ ಸೀತಾರಾಮನ್ ಸುದೀರ್ಘ 2 ಗಂಟೆ 44 ನಿಮಿಷಗಳ ಕಾಲ ಬಜೆಟ್ ಮಂಡನೆ ಮಾಡುವ ಮೂಲಕ ತಮ್ಮದೇ ಆದ ಹಳೆ ದಾಖಲೆಯನ್ನು ಮುರಿದರು. ಬೆಳಗ್ಗೆ 11 ಗಂಟೆಗೆ ಬಜೆಟ್ ಮಂಡನೆ ಮಾಡಲು ಆರಂಭಿಸಿದ ಮಂಡನೆ ಪೂರ್ಣಗೊಳಿಸುವಾಗ ಬರೋಬ್ಬರಿ 2 ಗಂಟೆ 44 ನಿಮಿಷಗಳ ಕಾಲಾವಕಾಶವನ್ನು ತೆಗೆದುಕೊಂಡರು. ನಿರ್ಮಲಾ ಸೀತಾರಾಮನ್ ಇದು ಎರಡನೇ ಬಾರಿ ಬಜೆಟ್ ಮಂಡನೆ ಮಾಡುತ್ತಿದ್ದು ಕಳೆದ ಬಾರಿ 2 ಗಂಟೆ 17 ನಿಮಿಷಗಳಲ್ಲಿ ಬಜೆಟ್ ಪೂರ್ಣಗೊಳಿಸಿದ್ದರು. ಆದರೆ ಈ ಬಾರಿ 27 ನಿಮಿಷ ಹೆಚ್ಚುವರಿ ಸಮಯವನ್ನು ಬಜೆಟ್ ಮಂಡನೆ ಮಾಡಲು ತೆಗೆದುಕೊಂಡರು. ಕೊನೆಯಲ್ಲಿ ಬಜೆಟ್ ಓದುವಾಗ ಸ್ವಲ್ಪ ಸುಸ್ತಾದಂತೆ ಕಂಡುಬಂದರು. ಪಕ್ಕದಲ್ಲೇ ಕುಳಿತಿದ್ದ ಕೇಂದ್ರ ರಕ್ಷಣಾ ಸಚಿವ ರಾಜನಾಥ್ ಸಿಂಗ್ ವಿಶ್ರಾಂತಿ ಪಡೆದುಕೊಳ್ಳುವಂತೆ ಸೂಚಿಸಿದರು. ಕೇವಲ ಎರಡು ಪುಟಗಳು ಬಾಕಿ ಉಳಿದಿದ್ದು ಓದಿ ಪೂರ್ಣಗೊಳಿಸುತ್ತೇನೆ ಎಂದ ನಿರ್ಮಲಾ ಸೀತರಾಮನ್ ನೀರು ಕುಡಿದು ಲಘು ಆಹಾರವನ್ನು ತೆಗೆದುಕೊಂಡರು.
from India & World News in Kannada | VK Polls https://ift.tt/2Sc85Tz
