- ಎಸ್‌.ಎನ್‌.ಮಂಜುನಾಥ್‌, ಜಿಲ್ಲಾಕೇಂದ್ರ ಚಿಕ್ಕಬಳ್ಳಾಪುರದಿಂದ ಗೌರಿಬಿದನೂರು ಮಾರ್ಗದ ಕೂಗಳತೇ ದೂರದಲ್ಲಿನ ಪ್ರದೇಶದಲ್ಲಿ ಇತ್ತೀಚಿನ ಕೆಲ ದಿನಗಳಿಂದ ಹೆಮ್ಮರವಾಗಿ ಬೆಳೆದಿರುವ ಮರಗಳು ಇದ್ದಿಲಿಗಾಗಿ ಬಲಿಯಾಗುತ್ತಿದ್ದು, ನೋಡ ನೋಡುತ್ತಲೇ ನೂರಾರು ಗಿಡ ಮರಗಳು ಬೆಂಕಿಗಾಹುತಿಯಾಗುತ್ತಿವೆ. ಇದ್ದಿಲಿಗೆ ಬಂಪರ್‌ ಬೆಲೆ!ಕುಲಮೆದಾರರ ಕಬ್ಬಿಣ ಕೆಂಪಾಗಿ ಬೇಕಾದ ಅಕೃತಿಯಲ್ಲಿ ಪರಿಕರ ತಯಾರಾಗಬೇಕಾದ, ಮಡಿವಾಳರ ಇಸ್ತ್ರೀ ಪೆಟ್ಟಿಗೆಯ ಕಾವಿಗೆ ಹಾಗೂ ಚಿನ್ನಾಭರಣ ತಯಾರು ಮಾಡುವ ಅಕ್ಕಸಾಲಿಗರಿಗೆ ಇದ್ದಿಲಿನ ಬೇಡಿಕೆ ಇರುವುದನ್ನೇ ಲಾಭ ಮಾಡಿಕೊಳ್ಳುವ ಕಿಡಿಗೇಡಿಗಳು ಬೇಸಗೆ ಸಂದರ್ಭದಲ್ಲಿ ಅರಣ್ಯ ಪ್ರದೇಶದಲ್ಲಿನ ಸ್ವಾಭಾವಿಕವಾಗಿ ಒಣಗಿರುವ ಮರಗಳಿಗೆ ಕಿಡಿ ಹೊತ್ತಿಸಿ ವರ್ಷಕ್ಕೆ ಆಗುವಷ್ಟು ಇದ್ದಿಲನ್ನು ಶೇಖರಿಸುತ್ತಾರೆ. ಮಾರುಕಟ್ಟೆಯಲ್ಲಿ ಸುಮಾರು 10 ರಿಂದ 20 ಕೆಜಿ ತೂಗುವಷ್ಟು ಮೂಟೆಗೆ ಬೇಡಿಕೆಗೆ ಅನುಸಾರವಾಗಿ ಸಾವಿರದಿಂದ ಎರಡು ಸಾವಿರ ರೂ ವರೆಗೂ ಮಾರಾಟ ಮಾಡುತ್ತಾರೆ. ಇವರ ಲಾಭಕ್ಕೆ ಅರಣ್ಯ ಪ್ರದೇಶದ ಗಿಡ ಮರಗಳು ಬೆಂಕಿಗಾಹುತಿಯಾಗುತ್ತಿವೆ ಎಂಬುದು ಪರಿಸರ ಪ್ರೇಮಿಗಳ ಗಂಭೀರ ಆರೋಪವಾಗಿದೆ. ನಾಲ್ಕು ಕಾಸಿನಾಸೆಗೆ ಅಮೂಲ್ಯ ಸಂಪತ್ತಿಗೆ ಆಪತ್ತುಈಗಷ್ಠೇ ಸುಡುವ ಬಿಸಿಲು ನೆತ್ತಿಗೇರ ತೊಡಗಿದೆ. ಇಂತಹ ಸಂದರ್ಭದಲ್ಲಿ ಬೆಟ್ಟ, ಗುಡ್ಡ, ಕಣಿವೆ ಪ್ರದೇಶಗಳನ್ನು ಟಾರ್ಗೆಟ್‌ ಮಾಡಿರುವ ಕಿಡಿಗೇಡಿಗಳು ನಾಲ್ಕು ಕಾಸು ಸಂಪಾದನೆಗೆ ನೂರಾರು ಮರಗಳು ಭಸ್ಮ ಮಾಡುತ್ತಿದ್ದಾರೆ. ಇಷ್ಟಾದರೂ ಸಂಬಂಧಿಸಿದ ಅಧಿಕಾರಿಗಳ ಯಾವುದೇ ಕ್ರಮ ಕೈಗೊಳ್ಳುತ್ತಿಲ್ಲಎಂಬ ಆರೋಪವೂ ಪ್ರಜ್ಞಾವಂತರಿಂದ ಕೇಳಿ ಬಂದಿದೆ. ಅಧಿಕಾರಿಗಳ ನಿರ್ಲಕ್ಷತ್ರ್ಯಬೇಸಗೆ ಆರಂಭವಾಗುತ್ತಿದ್ದಂತೆ ಇದ್ದಿಲಿಗಾಗಿ ಅರಣ್ಯ ಪ್ರದೇಶಕ್ಕೆ ಬೆಂಕಿ ಹೊತ್ತಿಸುವ ಕಿಡಿಗೇಡಿಗಳ ಬಗ್ಗೆ ಅರಣ್ಯ ಇಲಾಖೆ ಅಧಿಕಾರಿಗಳು ತಲೆ ಕೆಡಿಸಿಕೊಳ್ಳುತ್ತಿಲ್ಲ, ಇನ್ನೂ ಅಗ್ನಿ ಶಾಮಕ ಸಿಬ್ಬಂದಿ ಕೂಡ ಈ ಬಗ್ಗೆ ಗಮನಹರಿಸುತ್ತಿಲ್ಲ ಎಂಬುದು ಪ್ರಜ್ಞಾವಂತರ ಆರೋಪವಾಗಿದೆ. ಜೀವಸಂಕುಲಕ್ಕೆ ಧಕ್ಕೆಚಿಕ್ಕಬಳ್ಳಾಪುರ ಸುತ್ತಲಿನ ಬೆಟ್ಟ ಹಾಗೂ ಅರಣ್ಯ ಪ್ರದೇಶದಲ್ಲಿ ಕರಡಿ, ಚಿರತೆಯಂತ ದೊಡ್ಡ ಪ್ರಾಣಿಯಿಂದ ಹಿಡಿದು ಹಾವು, ನವಿಲು, ಅಳಿಲು. ಮೊಲದಂತ ಹಲವು ಸಣ್ಣ ಪಕ್ಷಿ ಪ್ರಾಣಿಗಳಿಗೆ ಆಶ್ರಯವಾಗಿವೆ. ಆದರೇ ಮನುಷ್ಯನ ಸ್ವಾರ್ಥ ಲಾಭಕ್ಕಾಗಿ ಈ ಪ್ರಾಣಿ ಪಕ್ಷಿಗಳಿಗೆ ನೆಲೆ ಇಲ್ಲದಂತಾಗುತ್ತಿರುವುದು ವಿಪರ್ಯಾಸವಾಗಿದೆ. ಇನ್ನೂ ಅರಣ್ಯಕ್ಕೆ ತಗಲುವ ಬೆಂಕಿಗೆ ಭಯ ಬೀಳುವ ಕೋತಿಗಳು ಆಶ್ರಯ, ಆಹಾರ, ನೀರು ಹುಡುಕಿಕೊಂಡು ನಗರದ ಕಡೆ ಮುಖ ಮಾಡುತ್ತಿವೆ. ಈ ಹಿಂದಿನ ವರ್ಷಗಳಲ್ಲಿ ಗ್ರಾಮಾಂತರ ಭಾಗದ ಹಳ್ಳಿಗಳಲ್ಲಿ ಊರುವಲುಗಾಗಿ ಇದ್ದಿಲಿನ ಬಳಕೆಯಾಗುತ್ತಿತ್ತು. ಆದರೇ, ಇತ್ತೀಚಿನ ದಿನಗಳಲ್ಲಿ ಪ್ರತಿ ಮನೆಯಲ್ಲೂ ಅನಿಲ ಬಳಕೆ ಮಾಡುವುದರಿಂದ ಇದ್ದಿಲಿನ ಅವಶ್ಯಕತೆ ಇಲ್ಲ. ಆದರೆ, ಇತರೆ ಕೆಲ ಕಸುಬುಗಳಿಗೆ ಬೇಡಿಕೆ ಇರುವ ಇದ್ದಿಲಿಗಾಗಿ ಅರಣ್ಯ ಪ್ರದೇಶಗಳಿಗೆ ಬೆಂಕಿ ಇಡುತ್ತಿರುವ ಬಗ್ಗೆ ಈವರೆಗೂ ಗಮನಕ್ಕೆ ಬಂದಿಲ್ಲ. ಆದರೂ ಸಹ ಬೆಂಕಿ ಇಡುತ್ತಿರುವ ಬಗ್ಗೆ ತನಿಖೆ ನಡೆಸಿ, ಕಾನೂನು ಕ್ರಮ ಕೈಗೊಳ್ಳಲಾಗುವುದು. - ವಿಕ್ರಂ, ವಲಯ ಅರಣ್ಯಾಧಿಕಾರಿ, ಚಿಕ್ಕಬಳ್ಳಾಪುರ ಬೆಟ್ಟ ಗುಡ್ಡ ಪ್ರದೇಶದಲ್ಲಿ ಬೇಸಿಗೆ ಕಾಲದಲ್ಲಿ ವರ್ಷಕಾಗುವಷ್ಟು ಸಂಗ್ರಹಿಸಲು ಮರಗಳನ್ನು ಕಡಿದು ಬೆಂಕಿ ಇಡಲಾಗುತ್ತಿದೆ. ಈ ಸಮಯದಲ್ಲಿ ಅರಣ್ಯ ಇಲಾಖೆ ಎಚ್ಚೆತ್ತು, ಬೆಂಕಿ ಇಡುವ ಕಿಡಿಗೇಡಿಗಳನ್ನು ಪತ್ತೆ ಹಚ್ಚಿ ಕಾನೂನು ಕ್ರಮ ಕೈಗೊಳ್ಳಬೇಕು. ಇನ್ನೂ ಈ ಸಮಯದಲ್ಲಿ ಮರ ಗಿಡ, ಪ್ರಾಣಿ ಪಕ್ಷಿಗಳ ರಕ್ಷಣೆಗೆ ಅರಣ್ಯ ಇಲಾಖೆ ಹೆಚ್ಚು ಜಾಗೃತೆವಹಿಸಿ, ಸಿಬ್ಬಂದಿಗಳ ಕಾವಲು ನಿಯೋಜಿಸಬೇಕು. -ಆಟೊ ಸುಬಾನ, ಪರಿಸರ ಪ್ರೇಮಿ ಚಿಕ್ಕಬಳ್ಳಾಪುರ.
from India & World News in Kannada | VK Polls https://ift.tt/2HXTGFw
