- ಎ. ನಾಗರಾಜು, ದೊಡ್ಡಬಳ್ಳಾಪುರ ಪದವಿ ಪೂರ್ವ ಕಾಲೇಜು ವಿದ್ಯಾರ್ಥಿಗಳಿಗೆ ವಿಜ್ಞಾನದ ವಿಷಯಗಳನ್ನು ಕನ್ನಡದಲ್ಲಿ ಓದಲು ಅನುಕೂಲವಾಗುವಂತೆ, ವಿಷಯಗಳ ಪಠ್ಯಪುಸ್ತಕಗಳು ಕನ್ನಡಕ್ಕೆ ತರ್ಜುಮೆಯಾಗಿವೆ. ದ್ವಿತೀಯ ಪಿಯುಸಿಯ ಗಣಿತ, ಭೌತಶಾಸ್ತ್ರ, ರಸಾಯನಶಾಸ್ತ್ರ ಮತ್ತು ಜೀವಶಾಸ್ತ್ರ ವಿಷಯಗಳ ಪಠ್ಯಪುಸ್ತಕಗಳನ್ನು ಪಿಯು ಬೋರ್ಡ್‌ ವೆಬ್‌ಸೈಟ್‌ನಲ್ಲಿ ಪ್ರಕಟಿಸುವುದರ ಜತೆಗೆ 1500 ಸೆಟ್‌ ಪಿಸಿಎಂಬಿ ಪಠ್ಯಪುಸ್ತಕಗಳನ್ನು ಮುದ್ರಿಸಲಾಗುತ್ತಿದ್ದು, ಮುಂದಿನ ಶೈಕ್ಷಣಿಕ ವರ್ಷದಿಂದ ವಿದ್ಯಾರ್ಥಿಗಳಿಗೆ ಲಭ್ಯವಾಗಲಿವೆ. ವಿದ್ಯಾರ್ಥಿಗಳಿಗೆ ಕಡುಕಷ್ಟವಾಗಿರುವ ವಿಜ್ಞಾನ ಹಾಗೂ ಗಣಿತ ವಿಷಯಗಳ ಪಠ್ಯಪುಸ್ತಕಗಳನ್ನು ಇಂಗ್ಲಿಷ್‌ನಿಂದ ಕನ್ನಡಕ್ಕೆ ಅನುವಾದಿಸಿ ಪಿಯು ಬೋರ್ಡ್‌ ವೆಬ್‌ಸೈಟ್‌ ( )ನಲ್ಲಿ ಪ್ರಕಟಿಸಿದೆ. ಉಚಿತ ವಿತರಣೆ: ರಾಜ್ಯದ 1231 ಸರಕಾರಿ ಪಿಯು ಕಾಲೇಜುಗಳ ಪೈಕಿ ವಿಜ್ಞಾನ ವಿಷಯವಿರುವ 650 ಕಾಲೇಜುಗಳಿಗೆ ಉಚಿತವಾಗಿ ಒಂದೊಂದು ಸೆಟ್‌ ಪಿಸಿಎಂಬಿ ಮಾಧ್ಯಮ ಪಠ್ಯಪುಸ್ತಕಗಳನ್ನು ಕಳಿಸಲಾಗುತ್ತಿದೆ. ಉಳಿದ ಪಠ್ಯಪುಸ್ತಗಳನ್ನು ಮಾರಾಟ ಮಳಿಗೆಗಳಲ್ಲಿ ಇಡಲಾಗುತ್ತದೆ. ಅಗತ್ಯವಿರುವ ವಿದ್ಯಾರ್ಥಿಗಳು ಪಿಯು ವೆಬ್‌ಸೈಟ್‌ನಲ್ಲಿ ಅಥವಾ ಮಾರಾಟ ಮಳಿಗೆಗಳಲ್ಲಿ ಪುಸ್ತಕಗಳನ್ನು ಪಡೆಯಬಹುದಾಗಿದೆ. ಅತ್ಯುಪಯುಕ್ತ: ಪ್ರತಿ ವರ್ಷ 8 ಲಕ್ಷ ವಿದ್ಯಾರ್ಥಿಗಳು ಎಸ್ಸೆಸ್ಸೆಲ್ಸಿ ಪರೀಕ್ಷೆ ಬರೆಯುತ್ತಾರೆ. ಕನಿಷ್ಠ 6 ಲಕ್ಷ ವಿದ್ಯಾರ್ಥಿಗಳು ಪಿಯು ಶಿಕ್ಷಣಕ್ಕೆ ಪ್ರವೇಶ ಬಯಸುತ್ತಾರೆ. ಇವರಲ್ಲಿ 2 ಲಕ್ಷ ವಿದ್ಯಾರ್ಥಿಗಳು ವಿಜ್ಞಾನವನ್ನು ಆಯ್ಕೆ ಮಾಡಿಕೊಳ್ಳುತ್ತಾರೆ. ಈ ಪೈಕಿ ಶೇ.20 ವಿದ್ಯಾರ್ಥಿಗಳು ಕನ್ನಡ ಮಾಧ್ಯಮದ ಹಿನ್ನೆಲೆಯುಳ್ಳವರಾಗಿದ್ದು, ಇವರಿಗೆ ಆಂಗ್ಲಪದಗಳಿಗೆ ಅರ್ಥ ಸಿಗದೆ ಪರದಾಡುತ್ತಾರೆ. ವಿದ್ಯಾರ್ಥಿಗಷ್ಟೇ ಅಲ್ಲದೆ ಉಪನ್ಯಾಸಕರೂ ಕೆಲವೊಮ್ಮೆ ಪರದಾಡಬೇಕಿತ್ತು. ಜತೆಗೆ, ನೀಟ್‌ ಪರೀಕ್ಷೆಯನ್ನು ಕನ್ನಡದಲ್ಲಿ ಬರೆಯುವ ಅವಕಾಶ ಲಭಿಸಿರುವ ಹಿನ್ನೆಲೆಯಲ್ಲಿ ಪ್ರಥಮ, ದ್ವಿತೀಯ ಪಿಯುನ ವಿಜ್ಞಾನ ವಿಷಯಗಳು ಕನ್ನಡದಲ್ಲಿ ಲಭ್ಯವಿರುವುದು ರಾಜ್ಯದ ವಿದ್ಯಾರ್ಥಿಗಳಲ್ಲಿ ಸಂತಸ ಮೂಡಿಸಿದೆ. ಪ್ರಥಮ ಪಿಯು ಪಠ್ಯ ಶೀಘ್ರ!ಪ್ರಥಮ ಪಿಯು ಕನ್ನಡ ಅವತರಣಿಕೆಯ ಪ್ರತಿಗಳು ಈಗಾಗಲೆ ತಯಾರಾಗಿ, ಕೆಲವು ರಾಸಾಯನಿಕ ಸಮೀಕರಣಗಳು ತಾಳೆಯಾಗದ ಹಿನ್ನೆಲೆಯಲ್ಲಿ ಪುನರ್‌ ಪರಿಶೀಲನೆಗೆ ಹೋಗಿವೆ. ಗಣಿತ, ರಸಾಯನಶಾಸ್ತ್ರ ಪಠ್ಯಪುಸ್ತಕಗಳು ರೀ ಡೇಟಾ ಎಂಟ್ರಿ ಕೆಲಸದಲ್ಲಿದ್ದು, 15ರಿಂದ 20ದಿನಗಳೊಳಗೆ ಮುದ್ರಣಕ್ಕೆ ಹೋಗಲಿವೆ. ಆ ಮೂಲಕ ಪ್ರಥಮ ಪಿಯು ಪಠ್ಯಪುಸ್ತಕಗಳು ಶೀಘ್ರವೇ ವಿದ್ಯಾರ್ಥಿಗಳ ಕೈಸೇರಲಿವೆ. ದ್ವಿತೀಯ ಪಿಯು ವಿಜ್ಞಾನ ವಿಭಾಗದ ಪಿಸಿಎಂಬಿ ವಿಷಯಗಳ ಕನ್ನಡ ಪಠ್ಯಪುಸ್ತಕಗಳ ಮುದ್ರಣ ಪ್ರಕ್ರಿಯೆ ಬಹುತೇಕ ಮುಗಿದಿದೆ. ಪ್ರಥಮ ಪಿಯು ಪಠ್ಯಪುಸ್ತಕಗಳು ಕೊನೆಯ ಹಂತದ ಸಿದ್ಧತೆಯಲ್ಲಿವೆ. ಮುಂದಿನ ವರ್ಷದ ವೇಳೆಗೆ ವಿದ್ಯಾರ್ಥಿಗಳಿಗೆ ಕನ್ನಡದಲ್ಲೂ ಪಿಯು ವಿಜ್ಞಾನ ಕಲಿಯಲು ಅನುಕೂಲವಾಗಲಿದೆ. - ಮಹಮ್ಮದ್‌ ಜಿಯಾ ಉಲ್ಲಾ ಖಾನ್‌, ಉಪನಿರ್ದೇಶಕ, ಶೈಕ್ಷಣಿಕ ವಿಭಾಗ ಪಿಯು ಕಾಲೇಜು ವಿವರಸರಕಾರಿ - 1231 ಖಾಸಗಿ ಅನುದಾನ ಸಹಿತ - 798 ಖಾಸಗಿ ಅನುದಾನ ರಹಿತ - 3271 ಕಾರ್ಪೊರೇಶನ್‌ - 13 ವಿಭಜಿತ - 161 ಒಟ್ಟು : 5474
from India & World News in Kannada | VK Polls https://ift.tt/2HScarc
