ಢಾಕಾ: ಕ್ರಿಕೆಟ್ ತಂಡದ ಮಾಜಿ ನಾಯಕ ಹಾಗೂ ಹಿರಿಯ ಅನುಭವಿ ವಿಕೆಟ್ ಕೀಪರ್ ಬ್ಯಾಟ್ಸ್‌ಮನ್ , ತಮ್ಮ ಚಿತ್ರ ವಿಚಿತ್ರ ವರ್ತನೆಗಳಿಗಾಗಿ ಸುದ್ದಿ ಮಾಡುತ್ತಿದ್ದಾರೆ. ಹಿಂದೊಮ್ಮೆ ಟಿ20 ವಿಶ್ವಕಪ್‌ನಲ್ಲಿ ಬೆಂಗಳೂರಿನಲ್ಲಿ ಭಾರತ ವಿರುದ್ಧ ನಡೆದ ಪಂದ್ಯದಲ್ಲಿ ಗೆಲುವಿನ ಮುನ್ನವೇ ಸಂಭ್ರಮಾಚರಿಸಿ ಭಾರಿ ಮುಖಭಂಗಕ್ಕೊಳಗಾಗಿದ್ದರು. ಅಂತಿಮವಾಗಿ ಮಹೇಂದ್ರ ಸಿಂಗ್ ಧೋನಿ ಅದ್ಭುತ ರನೌಟ್ ನೆರವಿನಿಂದ ಟೀಮ್ ಇಂಡಿಯಾ ಒಂದು ರನ್ ಅಂತರದ ರೋಚಕ ಗೆಲುವು ಬಾರಿಸಿತ್ತು. ಈ ಮೂಲಕ ಮುಶ್ಫಿಕರ್‌ಗೆ ತಕ್ಕ ಕಲಿಸಿ ಕೊಟ್ಟಿದ್ದರು. ಇದೀಗ ವಿರುದ್ಧ ನಡೆಯುತ್ತಿರುವ ಟೆಸ್ಟ್ ಪಂದ್ಯದಲ್ಲಿ ಅಜೇಯ ದ್ವಿಶತಕ ಬಾರಿಸಿರುವ ಮುಶ್ಫಿಕರ್ ರಹೀಂ ಡ್ರಾಗನ್ ಶೈಲಿಯಲ್ಲಿ ವಿಚಿತ್ರ ರೀತಿಯಲ್ಲಿ ಸಂಭ್ರಮಾಚರಿಸುವ ಮೂಲಕ ಸುದ್ದಿ ಗಿಟ್ಟಿಸಿದ್ದಾರೆ. ಈ ಬಗ್ಗೆ ಸ್ಪಷ್ಟನೆ ಕೊಟ್ಟಿರುವ ಮುಶ್ಫಿಕರ್, 'ತಾವು ಡ್ರಾಗನ್‌ಗಳನ್ನು ಅತಿಯಾಗಿ ಇಷ್ಟಪಡುವುದಾಗಿ ತಿಳಿಸಿದ್ದಾರೆ. ಈ ಸಂಭ್ರಮಾಚರಣೆಯು ನನ್ನ ಮಗನಿಗೆ ಅರ್ಪಿಸುತ್ತೇನೆ. ಅವನು ಡ್ರಾಗನ್‌ಗಳನ್ನು ತುಂಬಾನೇ ಇಷ್ಟಪಡುತ್ತಾನೆ. ಈ ಸನ್ನೆಯನ್ನು ಅವನು ಇಷ್ಟಪಡುತ್ತಾನೆ. ಹಾಗಾಗಿ ಅವನಿಗಾಗಿ ಇದನ್ನು ಮಾಡಿದ್ದೇನೆ' ಎಂದಿದ್ದಾರೆ. ದ್ವಿಶತಕದೊಂದಿಗೆ ಮುಶ್ಫಿಕರ್ ರಹೀಂ, ಬಾಂಗ್ಲಾದೇಶ ಪರ ಟೆಸ್ಟ್ ಕ್ರಿಕೆಟ್‌ನಲ್ಲಿ ಅತಿ ಹೆಚ್ಚು ರನ್ ಗಳಿಸಿದ ಬ್ಯಾಟ್ಸ್‌ಮನ್ ಎಂದೆನಿಸಿದ್ದಾರೆ. ಪ್ರಸ್ತುತ ಪಟ್ಟಿಯಲ್ಲಿ ತಮೀಮ್ ಇಕ್ಬಾಲ್ ದಾಖಲೆಯನ್ನು ಮುರಿದಿದ್ದಾರೆ. 70 ಟೆಸ್ಟ್ ಪಂದ್ಯಗಳನ್ನಾಡಿರುವ ರಹೀಂ ಒಟ್ಟು 4413 ರನ್ ಪೇರಿಸಿದ್ದಾರೆ. ಇನ್ನೊಂದೆಡೆ ತಮೀಮ್ 60 ಪಂದ್ಯಗಳಲ್ಲಿ 4405 ರನ್ ಗಳಿಸಿದ್ದಾರೆ. 318 ಎಸೆತಗಳನ್ನು ಎದುರಿಸಿದ ರಹೀಂ 28 ಬೌಂಡರಿಗಳ ನೆರವಿನಿಂದ ಅಜೇಯ 203 ರನ್ ಗಳಿಸಿದ್ದರು. ಇದು ಮುಶ್ಫಿಕರ್ ಬ್ಯಾಟ್‌ನಿಂದ ಸಿಡಿದ ಮೂರನೇ ದ್ವಿಶತಕವಾಗಿದ್ದು, ಜಿಂಬಾಬ್ವೆ ವಿರುದ್ಧ ಎರಡನೇ ಡಬಲ್ ಸೆಂಚುರಿ ಸಾಧನೆ ಮಾಡಿದ್ದಾರೆ. ಅಷ್ಟೇ ಯಾಕೆ ತ್ರಿಶತಕ ಬಾರಿಸುವ ಅವಕಾಶದಿಂದ ವಂಚಿತವಾಗಿರುವುದಕ್ಕೆ ಅಸಮಾಧಾನ ತೋಡಿಕೊಂಡಿದ್ದಾರೆ. ಆರು ವಿಕೆಟ್ ನಷ್ಟಕ್ಕೆ 560 ರನ್‌ಗಳ ಬೃಹತ್ ಮೊತ್ತ ಪೇರಿಸಿದ್ದ ಸಂದರ್ಭದಲ್ಲಿ ಬಾಂಗ್ಲಾ ನಾಯಕ ಮೊಮಿನುಲ್ ಹಕ್ ಡಿಕ್ಲೇರ್ ಘೋಷಿಸಿದ್ದರು. ಆದರೆ ಡಿಕ್ಲೇರ್ ಮಾಡುವ ಬಗ್ಗೆ ತಮ್ಮ ಗಮನಕ್ಕೆ ಬಂದಿರಲಿಲ್ಲ. ಇಲ್ಲವಾದ್ದಲ್ಲಿ ತ್ರಿಶತಕ ಬಾರಿಸುತ್ತಿದ್ದೆ ಎಂದು ಹೇಳಿದ್ದಾರೆ. ಇದು ಬಾಂಗ್ಲಾ ತಂಡದಲ್ಲಿ ಎಲ್ಲವೂ ಸರಿಯಿಲ್ಲವೇ ಎಂಬ ಅನುಮಾನ ಮೂಡಲು ಕಾರಣವಾಗಿದೆ. ಹಿಂದೆ ನಾಗಿಣಿ ಡ್ಯಾನ್ಸ್ ಮಾಡಿ ಆಕ್ರೋಶಕ್ಕೆ ಗುರಿಯಾಗಿದ್ದ ಮುಶ್ಫಿಕರ್
from Sports News in Kannada, Latest Kannada Sports News | ಕ್ರೀಡೆ-ಕ್ರಿಕೆಟ್ ಸುದ್ದಿ, - Vijaya Karnataka https://ift.tt/39XRtWA
