ಹಕ್ಕು ಡಾ. ಬಿ.ಆರ್.ಅಂಬೇಡ್ಕರ್ ಅವರ ಮರಿ ಮೊಮ್ಮಗ ರಾಜರತ್ನ ಅವರು ತಮ್ಮ ಅಧಿಕೃತ ಫೇಸ್‌ಬುಕ್ ಪುಟದಲ್ಲಿ ಆಸ್ಟ್ರೇಲಿಯಾದ ಬ್ರಾಹ್ಮಣರು 'ಬ್ರಾಹ್ಮಣ್‌ ಪೈಸ್' ಬ್ರ್ಯಾಂಡ್ ಅಡಿಯಲ್ಲಿ ಹಸುಗಳನ್ನು ಹತ್ಯೆ ಮಾಡಿ ಗೋಮಾಂಸವನ್ನು ಮಾರಾಟ ಮಾಡುತ್ತಿದ್ದಾರೆ ಎಂದು ಹೇಳಿಕೊಂಡ ವಿಡಿಯೋವೊಂದನ್ನು ಪೋಸ್ಟ್ ಮಾಡಿದ್ದಾರೆ. ಅಲ್ಲದೆ, ಭಾರತೀಯ ಬ್ರಾಹ್ಮಣರು ಹಸುವನ್ನು ದೇವತೆಯಾಗಿ ಪೂಜಿಸಿದರೆ, ಆಸ್ಟ್ರೇಲಿಯಾದಲ್ಲಿ ಇದು ಸಂಪೂರ್ಣವಾಗಿ ವಿರುದ್ಧವಾಗಿರುತ್ತದೆ ಎಂದು ರಾಜರತ್ನ ಹೇಳಿಕೊಂಡಿದ್ದಾರೆ. 'ಹಸು ಭಾರತದ ತಾಯಿ, ಇದನ್ನು ಆಸ್ಟ್ರೇಲಿಯಾದಲ್ಲಿ ಯಾರು ತಿನ್ನುತ್ತಿದ್ದಾರೆ ಎಂದು ನೋಡಿ?' ಎಂಬ ಶೀರ್ಷಿಕೆಯೊಂದಿಗೆ, ಆರು ನಿಮಿಷಗಳ ವಿಡಿಯೋವೊಂದನ್ನು ರಾಜರತ್ನ ತಮ್ಮ ಫೇಸ್‌ಬುಕ್‌ನಲ್ಲಿ ಪೋಸ್ಟ್ ಮಾಡಿದ್ದಾರೆ, ಅವರು 'ಬ್ರಾಹ್ಮಣ್‌ ಪೈಸ್' ಎಂಬ ಅಂಗಡಿಯ ಬಳಿ ಈ ವಿಡಿಯೋ ಹಾಕಿಕೊಂಡಿದ್ದು, ಮತ್ತೊಬ್ಬರೊಂದಿಗೆ ಮಾತನಾಡಿದ್ದಾರೆ. ಈ ಬ್ರ್ಯಾಂಡ್ ಆಸ್ಟ್ರೇಲಿಯಾದ ಬ್ರಾಹ್ಮಣರ ಒಡೆತನದಲ್ಲಿದೆ ಮತ್ತು ಅನೇಕ ಮಾಂಸಾಹಾರಿ ಆಹಾರ ಪದಾರ್ಥಗಳನ್ನು ಇಲ್ಲಿ ಮಾರಾಟ ಮಾಡಲಾಗುತ್ತದೆ ಎಂದು ಇಬ್ಬರೂ ಹೇಳಿಕೊಂಡಿದ್ದಾರೆ. ಈ ವಿಡಿಯೋ ಫೇಸ್‌ಬುಕ್‌ನಲ್ಲಿ ವೈರಲ್ ಆಗಿದ್ದು, ಅನೇಕರು ಇದನ್ನು ವಾಟ್ಸ್‌ಆ್ಯಪ್‌ನಲ್ಲಿ ಹಂಚಿಕೊಳ್ಳುತ್ತಿದ್ದಾರೆ. ಟೈಮ್ಸ್ ಫ್ಯಾಕ್ಟ್ ಚೆಕ್ ಓದುಗರೊಬ್ಬರು ವೀಡಿಯೊವನ್ನು ನಮಗೆ ಕಳಿಸಿದ್ದು, ಅವರು ಅದರಲ್ಲಿ ಮಾಡಿದ ಹಕ್ಕುಗಳು ನಿಜವೇ ಎಂದು ಕೇಳಿದ್ದರು. ಸತ್ಯ 'ಬ್ರಾಹ್ಮಣ್‌ ಪೈಸ್' ಬ್ರ್ಯಾಂಡ್ ಸಂಪೂರ್ಣವಾಗಿ ಆಸ್ಟ್ರೇಲಿಯಾದ ಒಡೆತನದಲ್ಲಿದೆ ಮತ್ತು ಭಾರತಕ್ಕೂ ಅಥವಾ ಬ್ರಾಹ್ಮಣರಿಗೂ ಇದಕ್ಕೂ ಯಾವುದೇ ಸಂಬಂಧವಿಲ್ಲ. ಪರಿಶೀಲನೆ ಮತ್ತು ವಿಧಾನ ನಾವು ಪೈಸ್‌ನ ಫೇಸ್‌ಬುಕ್ ಪುಟವನ್ನು ನೋಡಿದೆವು ಮತ್ತು ಫೆಬ್ರವರಿ 22, 2020 ರಂದು ಅವರು ಮಾಡಿದ ಪೋಸ್ಟ್ ಅನ್ನು ನಾವು ಕಂಡುಕೊಂಡೆವು. ನಾವು 100% ಆಸ್ಟ್ರೇಲಿಯಾದ ಒಡೆತನದ ಕಂಪನಿಯಾಗಿದ್ದು, ಭಾರತದ ಯಾವುದೇ ಜಾತಿಯೊಂದಿಗೆ ಸಂಬಂಧವಿಲ್ಲ ಜತೆಗೆ, ಬ್ರಾಹ್ಮಣ್‌ (ಬ್ರಾಹ್ಮಣಕ್ಕಿಂತ ವಿಭಿನ್ನವಾಗಿ ಉಚ್ಚರಿಸಲಾಗುತ್ತದೆ) ಎಂಬ ಹೆಸರು ಆಸ್ಟ್ರೇಲಿಯಾದಾದ್ಯಂತ ಕಂಡುಬರುವ ಜಾನುವಾರು ಎಂದು ತಿಳಿದುಬಂದಿದೆ. ಈ ಸಂಬಂಧ ಸ್ಪಷ್ಟನೆ ನೀಡಿದ ಬ್ರಾಹ್ಮಣ ಪೈಸ್, ನಾವು ಪ್ರಶ್ನೆಗಳನ್ನು ಕೇಳುವ ಜನರಿಗೆ ನೇರವಾಗಿ ಉತ್ತರಿಸಲು ಬಯಸುತ್ತೇವೆ. ನಾವು 100% ಆಸ್ಟ್ರೇಲಿಯಾದ ಒಡೆತನದ ಕಂಪನಿ (ಭಾರತೀಯರಲ್ಲ). ನಮಗೂ ಬ್ರಾಹ್ಮಣರಿಗೂ ಯಾವುದೇ ಸಂಬಂಧವಿಲ್ಲ(ವಿಭಿನ್ನವಾಗಿ ಉಚ್ಚರಿಸಲಾಗಿರುವ ಭಾರತೀಯ ಜಾತಿ). ನಾವು ಬ್ರಾಹ್ಮಣ್‌ ಜಾನುವಾರುಗಳ ನಂತರ ನಮ್ಮ ಪೈ ಅಂಗಡಿಗಳನ್ನು ಸ್ಥಾಪಿಸಿದ್ದೇವೆ. ಆಸ್ಟ್ರೇಲಿಯಾದಾದ್ಯಂತ ದನಗಳ ಗುಣಲಕ್ಷಣಗಳಲ್ಲಿ ಕಂಡುಬರುತ್ತವೆ. ಅವು ಅದ್ಭುತ ಪ್ರಾಣಿಗಳಾಗಿವೆ. ನೀವು ಇದುವರೆಗೆ ಬ್ರಾಹ್ಮಣ್‌ ದನಗಳ ಬಗ್ಗೆ ಸಂಶೋಧನೆ ಮಾಡದಿದ್ದರೆ ದಯವಿಟ್ಟು ಸಮಯ ಕೊಟ್ಟು ಮಾಡಿ ಎಂದು ತಮ್ಮ ಫೇಸ್‌ಬುಕ್‌ನಲ್ಲಿ ಪೋಸ್ಟ್ ಮಾಡಿದ್ದಾರೆ. ಇನ್ನು, ಈ ವಿಡಿಯೋದ ಪ್ರಕಾಶಕರು ಮತ್ತು ಅವರ ಪ್ರತಿನಿಧಿಗಳು ನಮ್ಮ ಹೆಸರಿನ ಬಗ್ಗೆ ಸ್ಪಷ್ಟನೆ ಪಡೆದುಕೊಳ್ಳಲು ಅಥವಾ ನಮ್ಮ ಕಂಪನಿಯ ಮಾಲೀಕತ್ವದ ಬಗ್ಗೆ ವಿಚಾರಿಸಲು ಯಾವುದೇ ಸಂವಹನ ವಿಧಾನದಿಂದ ನಮ್ಮನ್ನು ಸಂಪರ್ಕಿಸಿಲ್ಲ ಎಂದೂ ಹೇಳಿದ್ದಾರೆ. ತೀರ್ಮಾನ ಬಿ. ಆರ್. ಅಂಬೇಡ್ಕರ್ ಅವರ ಮರಿ ಮೊಮ್ಮಗ ಆಸ್ಟ್ರೇಲಿಯಾದ ಬ್ರ್ಯಾಂಡ್ ಬ್ರಾಹ್ಮಣ ಪೈಸ್ (ಗೋಮಾಂಸ ಮಾರಾಟಕ್ಕೆ ಪ್ರಸಿದ್ಧ) ಅನ್ನು ಹಿಂದೂ ಬ್ರಾಹ್ಮಣ ಸಮುದಾಯಕ್ಕೆ ತಪ್ಪಾಗಿ ಸಂಬಂಧ ಕಲ್ಪಿಸಿದ್ದಾರೆ ಎಂದು ಟೈಮ್ಸ್ ಫ್ಯಾಕ್ಟ್ ಚೆಕ್ ಕಂಡು ಹಿಡಿದಿದೆ.
from India & World News in Kannada | VK Polls https://ift.tt/3adslLB
