ಮೆಲ್ಬೋರ್ನ್: ಸೆರ್ಬಿಯಾದ , ದಾಖಲೆಯ ಎಂಟನೇ ಬಾರಿಗೆ ಬಾರಿಗೆ ಗ್ರ್ಯಾನ್ ಸ್ಲಾಮ್ ಕಿರೀಟ ಎತ್ತಿ ಹಿಡಿದಿದ್ದಾರೆ. ಒಟ್ಟಾರೆಯಾಗಿ ವೃತ್ತಿ ಜೀವನದಲ್ಲಿ 17ನೇ ಕೆರಿಯರ್ ಗ್ರ್ಯಾನ್ ಸ್ಲಾಮ್ ಗೆದ್ದ ದಾಖಲೆಗೆ ಭಾಜನವಾದರು. ಭಾನುವಾರ ಮೆಲ್ಬೋರ್ನ್ ಪಾರ್ಕ್ ಮೈದಾನದಲ್ಲಿ ನಡೆದ ಪುರುಷ ಸಿಂಗಲ್ಸ್ ವಿಭಾಗದ ಜಿದ್ದಾಜಿದ್ದಿನ ಫೈನಲ್ ಮುಖಾಮುಖಿಯಲ್ಲಿ ಜೊಕೊವಿಕ್ ಅವರು ಐದನೇ ಶ್ರೇಯಾಂಕಿತ ಆಸ್ಟ್ರೇಲಿಯಾದ ಡೊಮಿನಿಕ್ ಥೀಮ್ ವಿರುದ್ಧ 6-4, 4-6, 2-6, 6-3, 6-4ರ ಅಂತರದ ಕಠಿಣ ಅಂತರದಲ್ಲಿ ಗೆದ್ದು, ಸತತ ಎರಡನೇ ಆಸ್ಟ್ರೇಲಿಯನ್ ಗ್ರ್ಯಾನ್ ಸ್ಲಾಮ್ ಕಿರೀಟಕ್ಕೆ ಮುತ್ತಿಕ್ಕಿದ್ದರು. ಇನ್ನೊಂದೆಡೆ 26ರ ಹರೆಯದ ಚೊಚ್ಚಲ ಆಸ್ಟ್ರೇಲಿಯನ್ ಓಪನ್ ಕನಸು ನೂಚ್ಚುನೂರಾಯಿತು. ಇದೇ ಮೊದಲ ಬಾರಿಗೆ ಡಾಮಿನಿಕ್ ಥೀಮ್ ಆಸ್ಟ್ರೇಲಿಯನ್ ಓಪನ್ ಫೈನಲ್ಗೆ ಪ್ರವೇಶ ಪಡೆದಿದ್ದರು. ಈ ಹಿಂದೆ 2018 ಹಾಗೂ 2019ನೇ ಸಾಲಿನಲ್ಲಿ ಫ್ರೆಂಚ್ ಓಪನ್ನಲ್ಲಿ ಸತತ ಎರಡು ಬಾರಿ ರನ್ನರ್ ಅಪ್ ಪ್ರಶಸ್ತಿಗೆ ತೃಪ್ತಿಪಟ್ಟುಕೊಂಡಿದ್ದರು. ಇದೀಗ ತಮ್ಮ ಚೊಚ್ಚಲ ಕಿರೀಟಕ್ಕಾಗಿ ಮತ್ತಷ್ಟು ಸಮಯ ಕಾಯಬೇಕಾಗಿದೆ. ಮೊದಲ ಸೆಟ್ 6-2ರ ಅಂತರದಲ್ಲಿ ವಶಪಡಿಸಿದ ಎರಡನೇ ಶ್ರೇಯಾಂಕಿತ 32ರ ಹರೆಯದ ನೊವಾಕ್ ಜೊಕೊವಿಕ್ ಶುಭಾರಂಭ ಮಾಡಿದರು. ಆದರೆ ಎರಡು ಹಾಗೂ ಮೂರನೇ ಸೆಟ್ಗಳಲ್ಲಿ ಡಾಮಿನಿಕ್ ಥೀಮ್ ತಿರುಗೇಟು ನೀಡಿದರು. ಆದರೆ ನಿರ್ಣಾಯಕ ನಾಲ್ಕು ಹಾಗೂ ಐದನೇ ಸೆಟ್ಗಳಲ್ಲಿ ಪುಟಿದೆದ್ದ ಜೊಕೊವಿಕ್ ತಾವೇಕೆ ವಿಶ್ವದಲ್ಲೇ ಬೆಸ್ಟ್ ಎಂಬುದನ್ನು ನಿರೂಪಿಸಿದರು. ನೊವಾಕ್ ಜೊಕೊವಿಕ್ ಗ್ರ್ಯಾನ್ ಸ್ಲಾಮ್ ಪ್ರಶಸ್ತಿ ಸಾಧನೆಗಳು: ಆಸ್ಟ್ರೇಲಿಯನ್ ಓಪನ್: (2008, 2011, 2012, 2013, 2015, 2016, 2019, 2020) ಫ್ರೆಂಚ್ ಓಪನ್: (2016) ವಿಂಬಲ್ಡನ್: (2011, 2014, 2015, 2018, 2019) ಅಮೆರಿಕನ್ ಓಪನ್: (2011, 2015, 2018)
from Sports News in Kannada, Latest Kannada Sports News | ಕ್ರೀಡೆ-ಕ್ರಿಕೆಟ್ ಸುದ್ದಿ, - Vijaya Karnataka https://ift.tt/38SMqq6
