ಪುಣೆ: ಕೊರೊನಾದ ಎರಡನೇ ಅಲೆಗೆ ಬೆದರಿರುವ ಪಕ್ಕದ , ಜಿಲ್ಲೆಯಲ್ಲಿ ಒಂದು ವಾರಗಳ ಕಾಲ ಘೋಷಣೆ ಮಾಡಿದೆ. ಭಾನುವಾರ ರಾತ್ರಿಯಿಂದ ಈ ಕರ್ಫ್ಯೂ ಜಾರಿಗೆ ಬರಲಿದ್ದು, ಫೆಬ್ರವರಿ 28ರ ವರೆಗೆ ಚಾಲ್ತಿಯಲ್ಲಿರಲಿದೆ. ಈ ಒಂದು ವಾರದ ಅವಧಿಯಲ್ಲಿ ಶಾಲಾ ಕಾಲೇಜುಗಳು, ಟ್ಯೂಷನ್ ಸಂಸ್ಥೆಗಳು, ಸಿನಿಮಾ ಮಂದಿರ ಸಂಪೂರ್ಣವಾಗಿ ಮುಚ್ಚಿರಲಿವೆ ಎಂದು ಜಿಲ್ಲಾಡಳಿತ ಹೇಳಿದೆ. ಹೋಟೆಲ್ ಹಾಗೂ ಮದುವೆ ಮಂಟಪಗಳಿಗೆ ಅನುಮತಿ ನೀಡಲಾಗಿದ್ದು, ರಾತ್ರಿ 11 ಗಂಟೆಗಿಂತ ಮುಂಚಿತವಾಗಿ ಎಲ್ಲವನ್ನೂ ಮುಗಿಸಬೇಕು ಎಂದು ಆದೇಶಿಸಲಾಗಿದೆ. ಅಲ್ಲದೇ ಮದುವೆಗೆ 200ಕ್ಕಿಂತ ಹೆಚ್ಚಿನ ಮಂದಿ ಸೇರಕೂಡದು ಎಂದು ಕಟ್ಟಪ್ಪಣೆ ಹೊರಡಿಸಿದೆ. ರಾತ್ರಿ 11 ಗಂಟೆಯಿಂದ ಬೆಳಿಗ್ಗೆ 6 ಗಂಟೆ ವರೆಗೆ ನೈಟ್ ಕರ್ಫ್ಯೂ ಜಾರಿಯಲ್ಲಿರಲಿದ್ದು, ಅಗತ್ಯ ಸೇವೆಗಳಿಗಾಗಿ ಮಾತ್ರ ಹೊರಗೆ ತೆರಳಲು ಅನುಮತಿಸಲಾಗಿದೆ. ತರಕಾರಿ, ಆಹಾರ ಸಾಮಗ್ರಿ ವಿತರಕರು, ಔಷಧ ವಿತರಕರು ಸೇರಿ ಇನ್ನಿತರ ಅತ್ಯಾವಶ್ಯಕ ವಸ್ತುಗಳನ್ನು ಪೂರೈಸುವವರಿಗೆ ಈ ನಿಷೇಧಾಜ್ಞೆ ಅನ್ವಯಿಸುವುದಿಲ್ಲ ಎಂದು ಜಿಲ್ಲಾಡಳಿತ ಸ್ಪಷ್ಟ ಪಡಿಸಿದೆ. ಅಲ್ಲದೇ ಯಾವುದೇ ಸಾರ್ಜಜನಿಕ ಅಥವಾ ಧಾರ್ಮಿಕ ಕಾರ್ಯಕ್ರಮ ನಡೆಸುವುದಿದ್ದರೆ ಪೊಲೀಸರಿಂದ ಪೂರ್ವಾನುಮತಿ ಪಡೆಯಬೇಕು ಎಂದು ಸೂಚನೆ ನೀಡಲಾಗಿದೆ. ಸೋಮವಾರ ಉಪಮುಖ್ಯಮಂತ್ರಿ ಅಜಿತ್ ಪವಾರ್ ಅವರ ನೇತೃತ್ವದಲ್ಲಿ ನಡೆದ ಸಭೆಯಲ್ಲಿ ಈ ತೀರ್ಮಾನ ತೆಗೆದುಕೊಳ್ಳಲಾಗಿದೆ. ಈ ವೇಳೆ ಮಾತನಾಡಿದ ಪವಾರ್ ನಾಗ್ಪುರ, ಅಕೋಲ, ಅಮರಾವತಿ, ಯಾವಾತ್ಮಲ್, ಮುಂಬೈ ಹಾಗೂ ಪುಣೆಯಲ್ಲಿ ಕೊರೊನಾ ಪ್ರಕರಣಗಳು ಹೆಚ್ಚಾಗುತ್ತಿವೆ. ಅಲ್ಲಿ ನಿರ್ಬಂಧ ಯಾ ಲಾಕ್ಡೌನ್ ವಿಧಿಸುವ ವಿವೇಚನೆ ಜಿಲ್ಲಾಡಳಿತಕ್ಕೆ ಬಿಡಲಾಗಿದೆ ಎಂದು ಹೇಳಿದ್ದಾರೆ. ಅಲ್ಲದೇ ರಾಜ್ಯದಲ್ಲಿ ನೈಟ್ ಕರ್ಫ್ಯೂ ವಿಧಿಸುವ ಬಗ್ಗೆಯೂ ಚರ್ಚೆ ನಡೆಯುತ್ತಿದ್ದ, ಈ ಬಗ್ಗೆ ಮುಖ್ಯಮಂತ್ರಿಯವರೊಡನೆ ಮಾತುಕತೆ ನಡೆಸಬೇಕಿದೆ. ಒಂದೆರಡು ದಿನಗಲ್ಲಿ ನಿರ್ಧಾರ ಹೊರ ಬೀಳಲಿದೆ ಎಂದು ಅವರು ಹೇಳಿದ್ದಾರೆ. ಈಗಾಗಲೇ ಅಮರಾವತಿ ಹಾಗೂ ಯಾವಾತ್ಮಲ್ ಜಿಲ್ಲೆಗಳಲ್ಲಿ ಸೋಮವಾರದ ವರೆಗೆ ಲಾಕ್ಡೌನ್ ಘೋಷಣೆ ಮಾಡಲಾಗಿದೆ.
from India & World News in Kannada | VK Polls https://ift.tt/3qGS9IW
