ಹೊಸದಿಲ್ಲಿ/ಇಸ್ಲಾಮಾಬಾದ್‌: ಸದಾ ಪ್ರಕ್ಷುಬ್ಧ ಸ್ಥಿತಿಯಿಂದ ಕೂಡಿರುತ್ತಿದ್ದ ಭಾರತ-ಪಾಕ್‌ ಗಡಿಯಲ್ಲೀಗ ಶಾಂತಿಯ ಕಹಳೆ ಮೊಳಗಿದೆ. ಗಡಿ ನಿಯಂತ್ರಣ ರೇಖೆಯಲ್ಲಿ() ಯಾವುದೇ ಕಾರಣಕ್ಕೂ ಕದನ ವಿರಾಮ ಉಲ್ಲಂಘನೆ ಆಗದಂತೆ ಖಡಕ್‌ ನಿಗಾ ವಹಿಸುವ ಮೂಲಕ ಶಾಂತ, ಆತಂಕರಹಿತ ಮತ್ತು ಸೌಹಾರ್ದಯುತ ವಾತಾವರಣ ನಿರ್ಮಾಣಕ್ಕೆ ಅಗತ್ಯವಾದ ಎಲ್ಲ ನಿಯಮಗಳನ್ನು ತಪ್ಪದೆ ಪಾಲಿಸಲು ಮತ್ತು ಸೇನೆ ಮಹತ್ವದ ಒಪ್ಪಂದ ಮಾಡಿಕೊಂಡಿವೆ. ಫೆ.25ರ ಮಧ್ಯರಾತ್ರಿಯಿಂದಲೇ ಕದನ ವಿರಾಮ ಉಲ್ಲಂಘನೆಗೆ ತಡೆ ಹಾಕುವ ನಿಯಮಗಳು ಜಾರಿಗೆ ಬರಲಿವೆ. ಗಡಿಯಿಂದ ಚೀನಾ ಮತ್ತು ಭಾರತೀಯ ಸೇನೆ ಹಿಂದೆ ಸರಿದ ಬೆನ್ನಿಗೇ ಈ ಮಹತ್ವದ ಬೆಳವಣಿಗೆಯಾಗಿದೆ. ಚೀನಾ ಉಪಟಳದ ವಿರುದ್ಧ ಭಾರತ ದಿಟ್ಟತನ ಪ್ರದರ್ಶಿಸಿತ್ತು. ಆಯಕಟ್ಟಿನ ಸ್ಥಳಗಳಲ್ಲಿ ಭಾರೀ ಸಂಖ್ಯೆಯಲ್ಲಿ ಸೇನಾ ಪಡೆಗಳನ್ನು ತಿಂಗಳುಗಟ್ಟಲೆ ನಿಯೋಜಿಸುವ ಮೂಲಕ ಚೀನಾಗೆ ಸಡ್ಡು ಹೊಡೆದಿತ್ತು. ಹಾಗಾಗಿ ಚೀನಾ ಕೊನೆಗೂ ಗಡಿಯಿಂದ ಹಿಂದೆ ಸರಿಯಲು ಒಪ್ಪಿತ್ತು. ಭಾರತದ ಈ ದೃಢ ನಡೆಯು ಪಾಕಿಸ್ತಾನದ ಮೇಲೆ ಪರಿಣಾಮ ಬೀರಿದೆ ಎಂದು ವ್ಯಾಖ್ಯಾನಿಸಲಾಗಿದೆ. ಉಭಯ ರಾಷ್ಟ್ರಗಳ ಸೇನೆಯ ಮಿಲಿಟರಿ ಕಾರ್ಯಾಚರಣೆಗಳ ಪ್ರಧಾನ ನಿರ್ದೇಶಕರ ಮಟ್ಟದಲ್ಲಿ ನಡೆದ ಪ್ರಮುಖ ಸಭೆಯಲ್ಲಿ ಈ ಒಪ್ಪಂದಕ್ಕೆ ಬರಲಾಗಿದೆ. ಸೇನಾ ಮುಖ್ಯಸ್ಥರ ತುರ್ತು ಮಾತುಕತೆಗೆ ಮೀಸಲಾದ ಹಾಟ್‌ಲೈನ್‌ (ಪ್ರತ್ಯೇಕ ಹಾಗೂ ಗೌಪ್ಯ ದೂರವಾಣಿ ಮಾರ್ಗ) ಮೂಲಕ ಚರ್ಚೆ ನಡೆದಿದೆ ಎಂದು ಪಾಕ್‌ ಸೇನೆಯ ಮಾಧ್ಯಮ ವಿಭಾಗ ಇಂಟರ್‌ ಸವೀರ್‍ಸಸ್‌ ಪಬ್ಲಿಕ್‌ ರಿಲೇಷನ್ಸ್‌ ಪ್ರಕಟಣೆಯಲ್ಲಿ ತಿಳಿಸಿದೆ. ಈ ಹಿಂದೆಯೂ ಕದನ ವಿರಾಮ ಜಾರಿಯಲ್ಲಿದ್ದರೂ ಎರಡೂ ಸೇನೆಗಳಿಂದ ಆಗಾಗ ಗುಂಡಿನ ಚಕಮಕಿ ನಡೆಯುತ್ತಲೇ ಇರುತ್ತಿತ್ತು. ಇನ್ಮುಂದೆ ಯಾವುದೇ ರೀತಿಯಲ್ಲೂ ಶಾಂತಿ ಕದಡಬಾರದು ಎಂದು ಒಪ್ಪಂದದಲ್ಲಿನಿರ್ಧಾರಕ್ಕೆ ಬರಲಾಗಿದೆ. ಲಡಾಕ್‌ ಗಡಿಯಿಂದ ಚೀನಾ ತನ್ನ ಸೇನೆಯನ್ನು ಸಂಪೂರ್ಣ ಹಿಂಪಡೆದ ಬಳಿಕ ಈಗ ಉಗ್ರ ಪೋಷಕ ಪಾಕಿಸ್ತಾನ ಕೊನೆಗೂ ಕದನವಿರಾಮಕ್ಕೆ ಬದ್ಧತೆ ಪ್ರದರ್ಶಿಸಿರುವುದು ಗಮನಾರ್ಹವಾಗಿದೆ. ಒಪ್ಪಂದದ ಸಾರವೇನು? * ಎರಡೂ ಕಡೆ ಸೇನೆಯಿಂದ ಗುಂಡಿನ ದಾಳಿ ನಡೆಸಿ ಶಾಂತಿಗೆ ಭಂಗ ತರುವಂತಿಲ್ಲ. ನಿಯಮ ಪಾಲನೆಗೆ ಬದ್ಧತೆ ತೋರುವುದು. * ಉಭಯ ದೇಶಗಳ ನಾಗರಿಕರು, ಯೋಧರು ಸುಸ್ಥಿರ ಬದುಕು ಕಟ್ಟಿಕೊಳ್ಳಲು ಗಡಿಯಲ್ಲಿಪೂರಕ ವಾತಾವರಣ ನಿರ್ಮಿಸುವುದು. * ಅನಿರೀಕ್ಷಿತ ಘಟನೆ ಅಥವಾ ತಪ್ಪು ತಿಳಿವಳಿಕೆಯಿಂದ ಗೊಂದಲ ಎದುರಾದಲ್ಲಿಹಾಟ್‌ಲೈನ್‌ ಮೂಲಕ ಚರ್ಚಿಸಿ ಪರಿಹಾರ ಕಂಡುಕೊಳ್ಳುವುದು. --------- 13,500 2003ರಿಂದ ಈವರೆಗೆ ಎಲ್‌ಒಸಿಯಲ್ಲಿನಡೆದ ಕದನವಿರಾಮ ಉಲ್ಲಂಘನೆ ಪ್ರಕರಣಗಳ ಸಂಖ್ಯೆ 310 ಇತ್ತೀಚಿನ ವರ್ಷಗಳಲ್ಲಿಕದನವಿರಾಮ ಉಲ್ಲಂಘನೆಗೆ ಬಲಿಯಾದ ಎರಡೂ ದೇಶದ ಜನ. 49 ಮಹಿಳೆಯರು, 26 ಮಕ್ಕಳು 2018ರಿಂದ ಕದನವಿರಾಮ ಉಲ್ಲಂಘನೆಯಲ್ಲಿಸತ್ತ ನಾಗರಿಕರ ಸಂಖ್ಯೆ ---------- ಫಲ ನೀಡಿದ ದೋವಲ್‌ ಸಭೆ ಭಾರತ-ಪಾಕ್‌ ಸೇನೆಯು ಗಡಿಯಲ್ಲಿ ಶಾಂತಿ ಕಾಯ್ದುಕೊಳ್ಳುವ ಒಪ್ಪಂದಕ್ಕೆ ಬರಲು ರಾಷ್ಟ್ರೀಯ ಭದ್ರತಾ ಸಲಹೆಗಾರ ಅಜಿತ್‌ ದೋವಲ್‌ ಅವರ ತಂತ್ರಗಾರಿಕೆ ಕಾರಣವಾಗಿದೆ. ಅಂತಾರಾಷ್ಟ್ರೀಯ ಒತ್ತಡ ಮತ್ತು ಗಡಿಯಲ್ಲಿ ಭಾರತೀಯ ಸೇನೆಯ ತಕ್ಕ ಪ್ರತ್ಯುತ್ತರದಿಂದ ಪಾಕಿಸ್ತಾನವೂ ಮೆತ್ತಗಾಗಿತ್ತು. ದೋವಲ್‌ ಅವರು ಕೆಲವು ತಿಂಗಳಿಂದ ಪಾಕ್‌ ರಕ್ಷಣಾ ಸಚಿವಾಲಯದ ಮುಖ್ಯಸ್ಥರು, ಪಾಕ್‌ ಪ್ರಧಾನಿ ಇಮ್ರಾನ್‌ ಖಾನ್‌ ಅವರ ರಾಷ್ಟ್ರೀಯ ಭದ್ರತೆ ವಿಚಾರದಲ್ಲಿನ ವಿಶೇಷ ಸಲಹೆಗಾರ ಮೊಯೀದ್‌ ಯೂಸುಫ್‌ ಅವರ ಜತೆ ಸಂಪರ್ಕ ಸಾಧಿಸಿದ್ದರು. ಎಲ್‌ಎಸಿಯಲ್ಲಿ ದೀರ್ಘಕಾಲ ಶಾಂತಿ ಕಾಪಾಡಿಕೊಳ್ಳುವ ಸಂಧಾನ ಸೂತ್ರಕ್ಕೆ ಪೂರಕವಾಗಿ ಕಾರ್ಯಾಚರಣೆ ನಡೆಸಿದ್ದರು ಎಂದು ಮೂಲಗಳು ಹೇಳಿವೆ.
from India & World News in Kannada | VK Polls https://ift.tt/3dOpazm
