ರಾಘವೇಂದ್ರ ಮೇಗರವಳ್ಳಿ ತೀರ್ಥಹಳ್ಳಿ (ಶಿವಮೊಗ್ಗ)ಶಿವಮೊಗ್ಗ: ಕಡಿಮೆ ದರದಲ್ಲಿ ವೈದ್ಯಕೀಯ ಉಪಚಾರದ ಔಷಧ ಖರೀದಿಗೆ ಕೇಂದ್ರ ಸರಕಾರ ಭಾರಿ ಮಹತ್ವಾಕಾಂಕ್ಷೆಯಲ್ಲಿಆರಂಭಿಸಿದ ಜನೌಷಧ ಕೇಂದ್ರ ನಗರ, ಪಟ್ಟಣದ ಹೊರತಾಗಿ ಗ್ರಾಮಾಂತರ ಪ್ರದೇಶದಲ್ಲಿ ಇನ್ನೂ ಸ್ಥಾಪನೆ ಆಗಿಲ್ಲ. ನಿರ್ವಹಣೆ ಕಷ್ಟ ಎಂಬ ಕಾರಣಕ್ಕೆ ಮಳಿಗೆ ಆರಂಭವಾಗುತ್ತಿಲ್ಲ. ಪ್ರಾಥಮಿಕ ಸರಕಾರಿ ಆಸ್ಪತ್ರೆಗಳಲ್ಲಿ ಅವಕಾಶ ಇದ್ದರೂ ಜನೌಷಧ ಮಳಿಗೆ ಆರಂಭಕ್ಕೆ ಹಿನ್ನಡೆ ಉಂಟಾಗಿದೆ. ಜನೌಷಧ ಕೇಂದ್ರ ಆರಂಭಕ್ಕೆ ಆಸಕ್ತಿ ತೋರುತ್ತಿಲ್ಲ ಎಂಬ ನೆಪ ಆರೋಗ್ಯ ಇಲಾಖೆ ಮುಂದಿಟ್ಟ ಪರಿಣಾಮ ಜನೌಷಧ ಭಾಗ್ಯ ಗ್ರಾಮಾಂತರ ಜನರಿಗೆ ಸಿಗದಂತಾಗಿದೆ. ಜನೌಷಧ ಯೋಜನೆಯಿಂದ ಸಾವಿರಾರು ರೋಗಿಗಳಿಗೆ ಅನುಕೂಲವಾಗಿದ್ದರೂ ಎಂಎಸ್‌ಐಎಲ್‌ ನಿರ್ವಹಣೆಯ ಮಳಿಗೆಯಲ್ಲಿ ಕೆಲಸ ಮಾಡುತ್ತಿರುವ ಸಿಬ್ಬಂದಿಗೆ ಮಾತ್ರ ಜೀವನ ನಿರ್ವಹಣೆ ಚಿಂತೆ ಕಾಡುತ್ತಿದೆ. ಜನೌಷಧ ಕೇಂದ್ರ ಇಲ್ಲದ ಪರಿಣಾಮ ದುಬಾರಿ ದರಕ್ಕೆ ಖಾಸಗಿ ಅಂಗಡಿಗಳಲ್ಲಿ ಔಷಧ ಖರೀದಿಸುವ ಅನಿವಾರ‍್ಯ ಶಿಕ್ಷೆಯನ್ನು ಗ್ರಾಮಾಂತರ ಪ್ರದೇಶದ ಜನರು ಅನುಭವಿಸುತ್ತಿದ್ದಾರೆ.ರಾಜ್ಯದ ಅನೇಕ ಕಡೆಗಳಲ್ಲಿ ಜನೌಷಧ ಮಳಿಗೆಯನ್ನು ಸರಕಾರಿ ಅಧೀನದ ಎಂಎಸ್‌ಐಎಲ್‌ ಸಂಸ್ಥೆ ನಿರ್ವಹಣೆ ಮಾಡುತ್ತಿದೆ. ಗ್ರಾಮಾಂತರ ಪ್ರದೇಶದಲ್ಲಿ ಎಂಎಸ್‌ಐಎಲ್‌ ಮೂಲಕ ಜನೌಷಧ ಮಳಿಗೆ ಆರಂಭಕ್ಕೆ ಸರಕಾರ ಮುಂದಾಗಿಲ್ಲ. ಔಷಧ ಮಾರಾಟದಲ್ಲಿ ಲಾಭಾಂಶ ಕಡಿಮೆ ಎಂಬ ಕಾರಣಕ್ಕೆ ಮಳಿಗೆ ನಿರ್ವಹಣೆ ಕಷ್ಟವಾಗಿದೆ. ಏತ್ಮನಧ್ಯೆ, ಎಂಎಸ್‌ಐಎಲ್‌ ಜನೌಷಧ ಮಳಿಗೆಯಲ್ಲಿ ಕಾರ‍್ಯನಿರ್ವಹಿಸುತ್ತಿರುವ ಫಾರ್ಮಾಸ್ಯೂಟಿಕಲ್‌ ಸಿಬ್ಬಂದಿಗೆ ಅತ್ಯಂತ ಕಡಿಮೆ ವೇತನ ನಿಗದಿ ಆಗಿದೆ. ಉದ್ಯೋಗ ಭದ್ರತೆ ಇಲ್ಲದಾಗಿದೆ. ವೇತನ ಹೆಚ್ಚಳಕ್ಕೆ ಅನೇಕ ಬಾರಿ ಗಮನಕ್ಕೆ ಸೆಳೆದರೂ ಸರಕಾರ ನಗಣ್ಯ ಮಾಡಿದೆ. ಮಾಸಿಕ 12,800 ರೂಪಾಯಿ ವೇತನಕ್ಕೆ ಸಿಬ್ಬಂದಿ ದುಡಿಯುತ್ತಿದ್ದು ಜೀವನ ನಿರ್ವಹಣೆಗೆ ಪರಿತಪಿಸುತ್ತಿದ್ದಾರೆ.
ರಾಘವೇಂದ್ರ ಮೇಗರವಳ್ಳಿ ತೀರ್ಥಹಳ್ಳಿ (ಶಿವಮೊಗ್ಗ)
ಶಿವಮೊಗ್ಗ:
ಕಡಿಮೆ ದರದಲ್ಲಿ ವೈದ್ಯಕೀಯ ಉಪಚಾರದ ಔಷಧ ಖರೀದಿಗೆ ಕೇಂದ್ರ ಸರಕಾರ ಭಾರಿ ಮಹತ್ವಾಕಾಂಕ್ಷೆಯಲ್ಲಿಆರಂಭಿಸಿದ ಜನೌಷಧ ಕೇಂದ್ರ ನಗರ, ಪಟ್ಟಣದ ಹೊರತಾಗಿ ಗ್ರಾಮಾಂತರ ಪ್ರದೇಶದಲ್ಲಿ ಇನ್ನೂ ಸ್ಥಾಪನೆ ಆಗಿಲ್ಲ. ನಿರ್ವಹಣೆ ಕಷ್ಟ ಎಂಬ ಕಾರಣಕ್ಕೆ ಮಳಿಗೆ ಆರಂಭವಾಗುತ್ತಿಲ್ಲ. ಪ್ರಾಥಮಿಕ ಸರಕಾರಿ ಆಸ್ಪತ್ರೆಗಳಲ್ಲಿ ಅವಕಾಶ ಇದ್ದರೂ ಜನೌಷಧ ಮಳಿಗೆ ಆರಂಭಕ್ಕೆ ಹಿನ್ನಡೆ ಉಂಟಾಗಿದೆ. ಜನೌಷಧ ಕೇಂದ್ರ ಆರಂಭಕ್ಕೆ ಆಸಕ್ತಿ ತೋರುತ್ತಿಲ್ಲ ಎಂಬ ನೆಪ ಆರೋಗ್ಯ ಇಲಾಖೆ ಮುಂದಿಟ್ಟ ಪರಿಣಾಮ ಜನೌಷಧ ಭಾಗ್ಯ ಗ್ರಾಮಾಂತರ ಜನರಿಗೆ ಸಿಗದಂತಾಗಿದೆ. ಜನೌಷಧ ಯೋಜನೆಯಿಂದ ಸಾವಿರಾರು ರೋಗಿಗಳಿಗೆ ಅನುಕೂಲವಾಗಿದ್ದರೂ ಎಂಎಸ್‌ಐಎಲ್‌ ನಿರ್ವಹಣೆಯ ಮಳಿಗೆಯಲ್ಲಿ ಕೆಲಸ ಮಾಡುತ್ತಿರುವ ಸಿಬ್ಬಂದಿಗೆ ಮಾತ್ರ ಜೀವನ ನಿರ್ವಹಣೆ ಚಿಂತೆ ಕಾಡುತ್ತಿದೆ. ಜನೌಷಧ ಕೇಂದ್ರ ಇಲ್ಲದ ಪರಿಣಾಮ ದುಬಾರಿ ದರಕ್ಕೆ ಖಾಸಗಿ ಅಂಗಡಿಗಳಲ್ಲಿ ಔಷಧ ಖರೀದಿಸುವ ಅನಿವಾರ‍್ಯ ಶಿಕ್ಷೆಯನ್ನು ಗ್ರಾಮಾಂತರ ಪ್ರದೇಶದ ಜನರು ಅನುಭವಿಸುತ್ತಿದ್ದಾರೆ.
ಸರಕಾರಿ ವೈದ್ಯರ ಹೊಣೆ
ಸರಕಾರಿ ವೈದ್ಯರು ಜನೌಷಧ ಖರೀದಿಯಿಂದಾಗುವ ಲಾಭ, ಚಿಕಿತ್ಸೆ ಕುರಿತು ರೋಗಿಗಳಿಗೆ ನಿಖರ ಮಾಹಿತಿ ಒದಗಿಸಬೇಕು. ಆರೋಗ್ಯ ಕೇಂದ್ರದಲ್ಲಿ ಲಭ್ಯವಿರದ ಔಷಧಗಳನ್ನು ಬಿಟ್ಟು, ಬ್ರಾಂಡೆಡ್‌ ನೆಪದಲ್ಲಿ ಖಾಸಗಿ ಔಷಧ ಅಂಗಡಿಯಲ್ಲಿ ಖರೀದಿಸುವಂತೆ ವೈದ್ಯರು ರೋಗಿಗಳಿಗೆ ಚೀಟಿ ಬರೆದು ಕೊಡುವಂತಿಲ್ಲ. ಸರಕಾರಿ ವೈದ್ಯರು ಹೊರಗೆ ಚೀಟಿ ಬರೆದು ಕೊಡುವುದನ್ನು ನಿಷೇಧಿಸಿ ಆರೋಗ್ಯ ಮತ್ತು ಕುಟುಂಬ ಕಲ್ಯಾಣ ಇಲಾಖೆ ಅಧೀನ ಕಾರ‍್ಯದರ್ಶಿ 2016 ಅಕ್ಟೋಬರ್‌ 1ರಂದು ಆದೇಶ ಹೊರಡಿಸಿದ್ದಾರೆ. ಅಲ್ಲದೆ, ಜನೌಷಧ ಬರೆಯದ ವೈದ್ಯರ ವಿರುದ್ಧ ಸೂಕ್ತ ಕಾನೂನು ಕ್ರಮ ಕುರಿತು ಸರಕಾರ ಆದೇಶದಲ್ಲಿ ಎಚ್ಚರಿಸಿದೆ. ಆದರೆ, ಸರಕಾರ ಮಹತ್ವದ ಕ್ರಮ ಕೈಗೊಂಡರೂ ಪ್ರಯೋಜನವಾಗಿಲ್ಲ.
ರೋಗಿಗಳ ಪರಿಪಾಟಲು
ಬ್ಯೂರೋ ಆಫ್‌ ಫಾರಂ ಪಬ್ಲಿಕ್‌ ಸೆಕ್ಟರ್‌ ಅಂಡರ್‌ ಟೇಕಿಂಗ್ಸ್‌ ಆಫ್‌ಇಂಡಿಯಾ(ಬಿಪಿಪಿಐ) ಸಹಕಾರದೊಂದಿಗೆ ಸಮುದಾಯ ಆರೋಗ್ಯ ಕೇಂದ್ರ, ತಾಲೂಕು ಸಾರ್ವಜನಿಕ ಆರೋಗ್ಯ ಕೇಂದ್ರ, ಜಿಲ್ಲಾಸರಕಾರಿ ಆಸ್ಪತ್ರೆ ಬಳಿ, ಖಾಸಗಿಯಾಗಿ ಜನೌಷಧ ಮಳಿಗೆ ಆರಂಭಿಸಲು ಸರಕಾರ ಅವಕಾಶ ಕಲ್ಪಿಸಿದೆ. ಯೋಜನೆ ಆರಂಭವಾಗಿ 5 ವರ್ಷ ಕಳೆದರೂ ಗ್ರಾಮಾಂತರ ಪ್ರದೇಶದ ಪ್ರಾಥಮಿಕ ಆರೋಗ್ಯ ಕೇಂದ್ರಗಳ ವ್ಯಾಪ್ತಿ ಜನೌಷಧ ಮಳಿಗೆ ಆರಂಭವಾಗಿಲ್ಲ. ಸರಕಾರದ ಘಟಕ ಅನುದಾನ, ಎಆರ್‌ಎಸ್‌, ಜಿ.ಪಂ., ಪ್ರಾಥಮಿಕ, ತಾಲೂಕು, ಸಮುದಾಯ ಆರೋಗ್ಯ ಕೇಂದ್ರ, ಜಿಲ್ಲಾಆಸ್ಪತ್ರೆಯಲ್ಲಿ ಲಭ್ಯವಿದ್ದು ಸ್ಥಳೀಯ ಅನುದಾನ ಬಳಕೆಗೆ ಸರಕಾರ ಅವಕಾಶ ಕಲ್ಪಿಸಿದೆ. ಔಷಧ ದೊರೆಯದಿದ್ದರೆ ರೋಗಿಗಳ ಪರಿಪಾಟಲು ಹೇಳತೀರದಾಗುತ್ತಿದೆ. ಪ್ರಾಥಮಿಕ ಆರೋಗ್ಯ ಕೇಂದ್ರ, 1 ಸಮುದಾಯ ಆಸ್ಪತ್ರೆ ವ್ಯಾಪ್ತಿ ಜನೌಷಧ ಕೇಂದ್ರ ಇಲ್ಲದ ಪರಿಣಾಮ ದುಬಾರಿ ದರಕ್ಕೆ ಖಾಸಗಿ ಅಂಗಡಿಗಳಲ್ಲಿ ಔಷಧ ಖರೀದಿಸುವ ಅನಿವಾರ‍್ಯ ಶಿಕ್ಷೆ ಗ್ರಾಮಾಂತರ ಪ್ರದೇಶದ ಜನರು ಅನುಭವಿಸುವಂತಾಗಿದೆ.
ಕೇಂದ್ರದಿಂದ ಜನೌಷಧ ಆರೋಗ್ಯ ಕೇಂದ್ರ ತೆರೆಯಲು ಚಿಂತನೆ: ಡಿವಿಎಸ್‌
ಸಿಬ್ಬಂದಿಗೆ ಬದುಕಿನ ಚಿಂತೆ..!
ಜನೌಷಧ ಯೋಜನೆಯಿಂದ ಸಾವಿರಾರು ರೋಗಿಗಳಿಗೆ ಅನುಕೂಲವಾಗಿದ್ದರೂ ಎಂಎಸ್‌ಐಎಲ್‌ ನಿರ್ವಹಣೆಯ ಮಳಿಗೆಯಲ್ಲಿ ಕೆಲಸ ಮಾಡುತ್ತಿರುವ ಸಿಬ್ಬಂದಿಗೆ ಮಾತ್ರ ಜೀವನ ನಿರ್ವಹಣೆ ಚಿಂತೆ ಕಾಡುತ್ತಿದೆ. ನೇಮಕಗೊಂಡ ದಿನದಿಂದಲೂ ಸಿಬ್ಬಂದಿಗೆ ವೇತನ ಹೆಚ್ಚಳ ಆಗಿಲ್ಲ. ಕಡಿಮೆ ವೇತನಕ್ಕೆ ಕೆಲಸ ಮಾಡಲೇಬೇಕಾದ ಅನಿವಾರ‍್ಯತೆಯಲ್ಲಿ ಸಿಬ್ಬಂದಿ ಒತ್ತಡಕ್ಕೆ ಸಿಕ್ಕು ನಲುಗುತ್ತಿದ್ದಾರೆ.
ಇನ್ಮುಂದೆ ಜನೌಷಧ ಮಳಿಗೆಯಲ್ಲೂ ಆಯುರ್ವೇದ ಔಷಧ ಲಭ್ಯ! ಹುಬ್ಬಳ್ಳಿಯಲ್ಲಿ ಪ್ರಾಂತೀಯ ಕಚೇರಿ ಉದ್ಘಾಟನೆ
ಸಮಸ್ಯೆ ಪರಿಹರಿಸುವ ಅನಿವಾರ‍್ಯತೆ ಇದೆ!
ಗ್ರಾಮಾಂತರ ಪ್ರದೇಶದಲ್ಲಿ ಜನೌಷಧ ಮಳಿಗೆ ಸ್ಥಾಪನೆ ಆಗದ ಕುರಿತಂತೆ ಸರಕಾರದ ಜತೆ ಚರ್ಚೆ ನಡೆಸಲಾಗಿದೆ. ಪ್ರಾಥಮಿಕ ಕೃಷಿ ಪತ್ತಿನ ಸಹಕಾರ ಸಂಘದಲ್ಲಿಮಳಿಗೆ ಆರಂಭಕ್ಕೆ ಅವಕಾಶ ಸಿಗಲಿದೆ. ಎಂಎಸ್‌ಐಎಲ್‌ ಸಿಬ್ಬಂದಿ ಅತ್ಯಂತ ಕಡಿಮೆ ವೇತನದಲ್ಲಿಕೆಲಸ ಮಾಡುತ್ತಿದ್ದು ಸಮಸ್ಯೆ ಪರಿಹರಿಸುವ ಅನಿವಾರ‍್ಯತೆ ಇದೆ.
ಆರಗ ಜ್ಞಾನೇಂದ್ರ, ಶಾಸಕರು, ತೀರ್ಥಹಳ್ಳಿ
from India & World News in Kannada | VK Polls https://ift.tt/3pWD70u
