ಐತಿಚಂಡ ರಮೇಶ್‌ ಉತ್ತಪ್ಪ ಮೈಸೂರುಮೈಸೂರು: ಮೈಸೂರು ಪಾಲಿಕೆ ಮೇಯರ್‌ ಹಾಗೂ ಉಪ ಮೇಯರ್‌ ಚುನಾವಣೆಯಲ್ಲಿ ಜೆಡಿಎಸ್‌ಗೆ ಬೆಂಬಲ ನೀಡಿರುವುದಕ್ಕೆ ಕಾಂಗ್ರೆಸ್‌ನಲ್ಲಿಅಸಮಾಧಾನ ಸ್ಫೋಟವಾಗಿದ್ದು, ಇದೀಗ ಮೈತ್ರಿ ಕಡಿದುಕೊಳ್ಳಲು ಒತ್ತಡ ಬರುತ್ತಿದೆ. ನಿರ್ಧಾರ ಆಗುವ ತನಕ ಪಾಲಿಕೆ ಸಭೆಗೆ ಕಾಲಿಡುವುದಿಲ್ಲ ಎಂದು ಸಿದ್ದರಾಮಯ್ಯ ಬೆಂಬಲಿಗ ಕಾರ್ಪೋರೇಟರ್‌ಗಳು ಪ್ರತಿಜ್ಞೆ ಮಾಡಿದ್ದು, ಶಾಸಕ ತನ್ವೀರ್ ಸೇಠ್ ವಿರುದ್ಧ ಆಕ್ರೋಶ ವ್ಯಕ್ತಪಡಿಸಿದ್ದಾರೆ. ಈ ಹಿನ್ನೆಲೆಯಲ್ಲಿ ಚುನಾವಣೆ ನಡೆದ ಕೆಲವೇ ದಿನಗಳಲ್ಲಿ ಮೈತ್ರಿಯಲ್ಲಿ ಬಿರುಕು ಕಂಡು ಬಂದಿದೆ. ಪ್ರತಿಪಕ್ಷ ನಾಯಕ ಸಿದ್ದರಾಮಯ್ಯ ಹಾಗೂ ಕೆಪಿಸಿಸಿ ಅಧ್ಯಕ್ಷ ಡಿ.ಕೆ.ಶಿವಕುಮಾರ್ ಇಬ್ಬರೂ ಮೇಯರ್‌ ಪದವಿ ನೀಡಿದರೆ ಮಾತ್ರ ಮೈತ್ರಿ ಮಾಡಿಕೊಳ್ಳಿ ಎನ್ನುವ ಸೂಚನೆ ನೀಡಿದರೂ ಶಾಸಕ ತನ್ವೀರ್ ಸೇಠ್ ನೇತೃತ್ವದಲ್ಲಿ ಕೆಲವರು ಉಪಮೇಯರ್‌ಗೆ ಒಪ್ಪಿ ಮೇಯರ್‌ ಸ್ಥಾನ ಬಿಟ್ಟುಕೊಟ್ಟಿದ್ದಾರೆ. ಇದರಿಂದಾಗಿ ರಾಜ್ಯಮಟ್ಟದಲ್ಲಿ ಪಕ್ಷದ ವರ್ಚಸ್ಸಿಗೆ ಧಕ್ಕೆ ಬಂದಿದೆ. ವಿಶೇಷವಾಗಿ ಸಿದ್ದರಾಮಯ್ಯ ಹಾಗೂ ಡಿ.ಕೆ.ಶಿವಕುಮಾರ್ ನಡುವೆ ಎಲ್ಲವೂ ಸರಿ ಇಲ್ಲಎನ್ನುವ ಸಂದೇಶವನ್ನು ಕಾಂಗ್ರೆಸ್‌ನವರೇ ಸಾರಿದಂತಾಗಿದೆ. ಪರಿಣಾಮ ಪ್ರಕರಣದ ಕುರಿತು ಸಮಗ್ರ ವರದಿ ನೀಡುವಂತೆ ಸೂಚಿಸಲಾಗಿದೆ.ಮೈಸೂರು ಪಾಲಿಕೆ ಮೇಯರ್‌ ಹಾಗೂ ಉಪ ಮೇಯರ್‌ ಚುನಾವಣೆಯಲ್ಲಿ ಜೆಡಿಎಸ್‌ಗೆ ಬೆಂಬಲ ನೀಡಿರುವುದಕ್ಕೆ ಕಾಂಗ್ರೆಸ್‌ನಲ್ಲಿಅಸಮಾಧಾನ ಸ್ಫೋಟವಾಗಿದ್ದು, ಇದೀಗ ಮೈತ್ರಿ ಕಡಿದುಕೊಳ್ಳಲು ಒತ್ತಡ ಬರುತ್ತಿದೆ. ಅತ್ತ ರಾಜ್ಯದ ಪ್ರಮುಖ ನಾಯಕರು ಕೂಡ ಈ ಬಗ್ಗೆ ಅಸಮಾಧಾನ ವ್ಯಕ್ತಪಡಿಸಿದ್ದು ತಿಪಕ್ಷ ನಾಯಕ ಸಿದ್ದರಾಮಯ್ಯ ಹಾಗೂ ಕೆಪಿಸಿಸಿ ಅಧ್ಯಕ್ಷ ಡಿ.ಕೆ.ಶಿವಕುಮಾರ್ ಹೆಸರು ಕೂಡ ಇಲ್ಲಿ ತಳಕು ಹಾಕುತ್ತಿದೆ.
ಐತಿಚಂಡ ರಮೇಶ್‌ ಉತ್ತಪ್ಪ ಮೈಸೂರು
ಮೈಸೂರು:
ಮೈಸೂರು ಪಾಲಿಕೆ ಮೇಯರ್‌ ಹಾಗೂ ಉಪ ಮೇಯರ್‌ ಚುನಾವಣೆಯಲ್ಲಿ ಜೆಡಿಎಸ್‌ಗೆ ಬೆಂಬಲ ನೀಡಿರುವುದಕ್ಕೆ ಕಾಂಗ್ರೆಸ್‌ನಲ್ಲಿಅಸಮಾಧಾನ ಸ್ಫೋಟವಾಗಿದ್ದು, ಇದೀಗ ಮೈತ್ರಿ ಕಡಿದುಕೊಳ್ಳಲು ಒತ್ತಡ ಬರುತ್ತಿದೆ. ನಿರ್ಧಾರ ಆಗುವ ತನಕ ಪಾಲಿಕೆ ಸಭೆಗೆ ಕಾಲಿಡುವುದಿಲ್ಲ ಎಂದು ಸಿದ್ದರಾಮಯ್ಯ ಬೆಂಬಲಿಗ ಕಾರ್ಪೋರೇಟರ್‌ಗಳು ಪ್ರತಿಜ್ಞೆ ಮಾಡಿದ್ದು, ಶಾಸಕ ತನ್ವೀರ್ ಸೇಠ್ ವಿರುದ್ಧ ಆಕ್ರೋಶ ವ್ಯಕ್ತಪಡಿಸಿದ್ದಾರೆ. ಈ ಹಿನ್ನೆಲೆಯಲ್ಲಿ ಚುನಾವಣೆ ನಡೆದ ಕೆಲವೇ ದಿನಗಳಲ್ಲಿ ಮೈತ್ರಿಯಲ್ಲಿ ಬಿರುಕು ಕಂಡು ಬಂದಿದೆ. ಪ್ರತಿಪಕ್ಷ ನಾಯಕ ಸಿದ್ದರಾಮಯ್ಯ ಹಾಗೂ ಕೆಪಿಸಿಸಿ ಅಧ್ಯಕ್ಷ ಡಿ.ಕೆ.ಶಿವಕುಮಾರ್ ಇಬ್ಬರೂ ಮೇಯರ್‌ ಪದವಿ ನೀಡಿದರೆ ಮಾತ್ರ ಮೈತ್ರಿ ಮಾಡಿಕೊಳ್ಳಿ ಎನ್ನುವ ಸೂಚನೆ ನೀಡಿದರೂ ಶಾಸಕ ತನ್ವೀರ್ ಸೇಠ್ ನೇತೃತ್ವದಲ್ಲಿ ಕೆಲವರು ಉಪಮೇಯರ್‌ಗೆ ಒಪ್ಪಿ ಮೇಯರ್‌ ಸ್ಥಾನ ಬಿಟ್ಟುಕೊಟ್ಟಿದ್ದಾರೆ. ಇದರಿಂದಾಗಿ ರಾಜ್ಯಮಟ್ಟದಲ್ಲಿ ಪಕ್ಷದ ವರ್ಚಸ್ಸಿಗೆ ಧಕ್ಕೆ ಬಂದಿದೆ. ವಿಶೇಷವಾಗಿ ಸಿದ್ದರಾಮಯ್ಯ ಹಾಗೂ ಡಿ.ಕೆ.ಶಿವಕುಮಾರ್ ನಡುವೆ ಎಲ್ಲವೂ ಸರಿ ಇಲ್ಲಎನ್ನುವ ಸಂದೇಶವನ್ನು ಕಾಂಗ್ರೆಸ್‌ನವರೇ ಸಾರಿದಂತಾಗಿದೆ. ಪರಿಣಾಮ ಪ್ರಕರಣದ ಕುರಿತು ಸಮಗ್ರ ವರದಿ ನೀಡುವಂತೆ ಸೂಚಿಸಲಾಗಿದೆ.
ಉಪಮೇಯರ್‌ ರಾಜೀನಾಮೆ ಸಲಹೆ!
ಒಲ್ಲದ ಮೈತ್ರಿ ಮುಂದುವರಿಸುವುದು ಬೇಡ. ಈಗ ಡ್ಯಾಮೇಜ್‌ ಕಂಟ್ರೋಲ್‌ಗಾಗಿ ಉಪಮೇಯರ್‌ ಪದವಿಯನ್ನು ತ್ಯಜಿಸಬೇಕು. ನಮ್ಮಲ್ಲಿಒಡಕ್ಕಿಲ್ಲಎನ್ನುವುದನ್ನು ತೋರಿಸಲು ಉಪಮೇಯರ್‌ ಸ್ಥಾನ ತ್ಯಜಿಸುವುದು ಉತ್ತಮ ಎಂದು ಕೆಲವರು ಒತ್ತಾಯಿಸಿದ್ದಾರೆ. ನಾಯಕರ ತೀರ್ಮಾನಕ್ಕೆ ಕಾಯುತ್ತಿದ್ದು, ಕೇವಲ ಮೂರು ದಿನಗಳಲ್ಲಿ ಮೈತ್ರಿ ಮುರಿದು ಬೀಳುವ ಸಾಧ್ಯತೆ ಕಂಡು ಬಂದಿದೆ.
ಸಿದ್ದರಾಮಯ್ಯ ಫೋನ್‌ ಸ್ವೀಕರಿಸುವ ಸೌಜನ್ಯ ತೋರಲಿಲ್ಲ: ಶಾಸಕ ತನ್ವೀರ್ ಸೇಠ್
ಪಾಲಿಕೆಗೆ ತೆರಳುವುದಿಲ್ಲ!
ಮೇಯರ್‌ ಹಾಗೂ ಉಪಮೇಯರ್‌ ಚುನಾವಣೆ ಸಂದರ್ಭ ಸಿದ್ದರಾಮಯ್ಯ ಅವರ ನಿರ್ಧಾರ ಹಾಗೂ ಸೂಚನೆಗೆ ವಿರುದ್ಧವಾಗಿ ಜೆಡಿಎಸ್‌ಗೆ ಅಧಿಕಾರ ಬಿಟ್ಟುಕೊಟ್ಟಿರು ವುದನ್ನು ಚುನಾವಣೆ ಸಂದರ್ಭವೇ ಕೆಲವು ಕಾಂಗ್ರೆಸ್‌ ಕಾರ್ಪೋರೇಟರ್‌ಗಳು ವಿರೋಧಿಸಿದರು. ವಿಶೇಷ ವಾಗಿ ಕಾಂಗ್ರೆಸ್‌ನ ಹಿರಿಯ ಸದಸ್ಯರಾದ ಅಯೂಬ್‌ ಖಾನ್‌ ಹಾಗೂ ಆರೀಫ್‌ ಹುಸೇನ್‌ ಅವರು ಜೆಡಿಎಸ್‌ ಮೇಯರ್‌ ಅಭ್ಯರ್ಥಿಗೆ ಮತವನ್ನೇ ಚಲಾಯಿಸದೆ ತಟಸ್ಥರಾಗಿದ್ದರು. ಉಳಿದ ಕೆಲವು ಕಾರ್ಪೋರೇಟರ್‌ಗಳು ಗೊಂದಲದಲ್ಲಿಯೇ ಮತ ಚಲಾಯಿಸಿದ್ದರು. ಇದೀಗ ನಾಯಕರ ಅಭಿಪ್ರಾಯಕ್ಕೆ ವಿರುದ್ಧವಾಗಿ ಮೈತ್ರಿ ಮಾಡಿಕೊಂಡಿ ರುವುದು ಗಮನಕ್ಕೆ ಬಂದ ಹಿನ್ನೆಲೆಯಲ್ಲಿ ಹಲವು ಕಾರ್ಪೋರೇಟರ್‌ಗಳು ಮೈತ್ರಿ ಕಡಿದುಕೊಳ್ಳುವಂತೆ ಒತ್ತಾಯಿಸಿದ್ದಾರೆ. ಒಂದು ವೇಳೆ ನಾಯಕರ ಒಪ್ಪಿಗೆ ಇಲ್ಲದೆ ಮೈತ್ರಿ ಮುಂದುವರಿದರೆ ಪಾಲಿಕೆಗೆ ಕಾಲಿಡು ವುದಿಲ್ಲಎಂದು ಸ್ಥಳೀಯ ಮುಖಂಡರಿಗೆ ತಿಳಿಸಿದ್ದಾರೆ.
ತನ್ವೀರ್ ಸೇಠ್ ವಿರುದ್ಧ ಸೂಕ್ತ ಕ್ರಮಕ್ಕೆ ಮೈಸೂರು ಪಾಲಿಕೆ ಕಾಂಗ್ರೆಸ್‌ ಸದಸ್ಯರ ಆಗ್ರಹ
ಶೀಘ್ರ ಮೈಸೂರಿನಲ್ಲಿ ಸಭೆ!
ಈ ನಡುವೆ ವಿಜಯ ಕರ್ನಾಟಕಕ್ಕೆ ರಾಯಚೂರಿನಿಂದ ಪ್ರತಿಕ್ರಿಯೆ ನೀಡಿದ ಕೆಪಿಸಿಸಿ ಕಾರ್ಯಾಧ್ಯಕ್ಷ ಹಾಗೂ ಚುನಾವಣೆಯ ವೀಕ್ಷಕ ಆರ್‌.ಧ್ರುವನಾರಾಯಣ್‌ ಅವರು, ''ಶೀಘ್ರ ಮೈಸೂರಿನಲ್ಲಿಮುಖಂಡರ ಸಭೆ ನಡೆಸಲಾಗುವುದು. ಅಲ್ಲಿ ಕಾರ್ಪೋರೇಟರ್‌ಗಳ ಅಭಿಪ್ರಾಯ ಸಂಗ್ರಹಿಸಿ ಮುಂದಿನ ನಿರ್ಧಾರ ತೆಗೆದುಕೊಳ್ಳಲಾಗುವುದು. ಅಲ್ಲಿಯವರೆಗೆ ತಾಳ್ಮೆ ಕಳೆದುಕೊಳ್ಳದಂತೆ ಸೂಚನೆ ನೀಡಿದ್ದೇವೆ'' ಎಂದು ತಿಳಿಸಿದರು. ಸಿದ್ದರಾಮಯ್ಯ ಹಾಗೂ ತನ್ವೀರ್ ಬೆಂಬಲಿಗರ ನಡುವೆ ಜಟಾಪಟಿ ಆರಂಭವಾಗಿದೆ.
from India & World News in Kannada | VK Polls https://ift.tt/3r0vebH
