ಕೋಲ್ಕೊತಾ: ಕಾರಿನಲ್ಲಿ ಮಾದಕ ವಸ್ತು ಕೊಕೇನ್ ಸಾಗಿಸುತ್ತಿದ್ದ ಬಿಜೆಪಿ ಯುವ ನಾಯಕಿ ಪಮೇಲಾ ಗೋಸ್ವಾಮಿ ಅವರನ್ನು ಕೋಲ್ಕೊತಾದ ನ್ಯೂ ಅಲಿಪೋರಾದಲ್ಲಿ ಶುಕ್ರವಾರ ಬಂಧಿಸಲಾಗಿದೆ. ಅವರ ಜತೆಗೆ ಸ್ನೇಹಿತ ಪ್ರೊಬಿರ್ ಕುಮಾರ್ ದೇವ್ ಎಂಬುವರನ್ನೂ ಬಂಧಿಸಲಾಗಿದೆ. ಗೋಸ್ವಾಮಿ ಅವರು ಬಿಜೆಪಿ ಯುವ ಮೋರ್ಚಾದ ರಾಜ್ಯ ಘಟಕದ ಕಾರ್ಯದರ್ಶಿಯಾಗಿದ್ದಾರೆ. ಇವರ ಬಂಧನದ ಕುರಿತು ಬಿಜೆಪಿ ಯಾವುದೇ ಪ್ರತಿಕ್ರಿಯೆ ನೀಡಿಲ್ಲ. ಗೋಸ್ವಾಮಿ ಅವರು ಕೊಕೇನ್ ಪೂರೈಸುತ್ತಿದ್ದಾರೆಂಬ ಮಾಹಿತಿ ಸುಳಿವು ಪೊಲೀಸರಿಗೆ ದೊರೆತಿತ್ತು. ಈ ಹಿನ್ನೆಲೆಯಲ್ಲಿ ಪೊಲೀಸರು ಅವರ ಚಲನವಲನದ ಮೇಲೆ ನಿಗಾ ಇರಿಸಿದ್ದರು. ಪೊಲೀಸರು ಅವರ ಕಾರು ತಡೆದು ತಪಾಸಣೆ ನಡೆಸಿದ ವೇಳೆ ಸೀಟ್ ಹಿಂಬದಿಯಲ್ಲಿ 100 ಗ್ರಾಮ್ನಷ್ಟು ಕೊಕೇನ್ ಇರುವುದು ಪತ್ತೆಯಾಗಿತ್ತು. ಕೊಕೇನ್ ಸಾಗಣೆ ಜಾಮೀನು ರಹಿತ ಅಪರಾಧವಾಗಿದೆ. ಪಮೇಲಾ ಅವರನ್ನು ಪೊಲೀಸರು ವಿಚಾರಣೆಗಾಗಿ ಠಾಣೆಗೆ ಕರೆದೊಯ್ಯುತ್ತಿದ್ದ ವೇಳೆ ಅವರು, ಪೊಲೀಸರ ಮೇಲೆಯೇ ಕೂಗಾಡಿ ಸುಳ್ಳು ಆರೋಪದಡಿ ಸಿಲುಕಿಸಲಾಗಿದೆ ಎಂದಿದ್ದಾರೆ.
from India & World News in Kannada | VK Polls https://ift.tt/37vTdHP
