ಹೊಸದಿಲ್ಲಿ: ದೇಶದ ಮೊದಲ ಪ್ರಜೆ, ರಾಷ್ಟ್ರಪತಿ ಅವರಿಗೆ ಇಂದು ಹುಟ್ಟುಹಬ್ಬದ ಸಂಭ್ರಮ. 75 ವರ್ಷ ಪೂರೈಸಿರುವ ರಾಷ್ಟ್ರಪತಿ ರಾಮನಾಥ್‌ ಕೋವಿಂದ್‌ ಅವರು 76ನೇ ವಸಂತಕ್ಕೆ ಕಾಲಿಡುತ್ತಿದ್ದಾರೆ. 1945ರ ಅಕ್ಟೋಬರ್ 1 ರಂದು ಉತ್ತರ ಪ್ರದೇಶದ ಕಾನ್ಪುರ ಜಿಲ್ಲೆಯ ಪರಾಂಖ್ ಗ್ರಾಮದಲ್ಲಿ ಜನಿಸಿದ ಅವರು. ಕಡು ಕುಟುಂಬದಿಂದ ಬಂದವರು. ತನ್ನ ಪರಿಶ್ರಮ ಹಾಗೂ ನಿಷ್ಠ ಮೂಲಕ ಇದೀಗ ದೇಶದ ಮೊದಲ ಪ್ರಜೆಯಾಗಿ ಹೊರಹೊಮ್ಮಿದ್ದಾರೆ. ಇವರ ಹುಟ್ಟುಹಬ್ಬಕ್ಕೆ ಪ್ರಧಾನಿ ಮೋದಿ, ಗೃಹ ಸಚಿವ ಅಮಿತ್‌ ಶಾ ಸೇರಿ ಹಲವು ಗಣ್ಯರು ಶುಭಾಶಯ ಸಲ್ಲಿಸಿದ್ದಾರೆ. ಪ್ರಧಾನಿ ಮೋದಿ ರಾಷ್ಟ್ರಪತಿಗಳಿಗೆ ಶುಭಾಶಯ ಕೋರಿದ್ದು ಅವರ ಬುದ್ಧಿವಂತಿಕೆ ಮತ್ತು ನೀತಿ ವಿಷಯಗಳ ಬಗ್ಗೆಗ್ಗಿನ ತಿಳುವಳಿಕೆ ನಮ್ಮ ರಾಷ್ಟ್ರದ ಉತ್ತಮ ಆಸ್ತಿಯಾಗಿದೆ ಎಂದು ಕೊಂಡಾಡಿದ್ದಾರೆ. ಇನ್ನು ಕೇಂದ್ರ ಗೃಹ ಸಚಿವ ಅಮಿತ್‌ ಶಾ ಟ್ವೀಟ್‌ ಮೂಲಕ ಶುಭ ಕೋರಿದ್ದು, ದೇಶದ ಬಡ ಜನರ ಹಾಗೂ ದುರ್ಬಲರ ಏಳಿಗೆಗಾಗಿ ಸೇವೆ ಮಾಡಿದ್ದ ಕೋವಿಂದ್‌ ಅವರಿಗೆ ಹುಟ್ಟುಹಬ್ಬದ ಶುಭಾಶಯಗಳು ಎಂದಿದ್ದಾರೆ. ಕೇಂದ್ರ ರಕ್ಷಣಾ ಸಚಿವ ರಾಜನಾಥ್‌ ಸಿಂಗ್‌ ಕೂಡ ರಾಷ್ಟ್ರಪತಿಗಳಿಗೆ ಶುಭ ಕೋರಿದರು. ಟ್ವೀಟ್‌ ಮೂಲಕ ಅವರ ವಿಶೇಷ ಗುಣಗಳನ್ನು ಹಾಡಿಹೊಗಳಿದ್ದಾರೆ. ಮಹಾರಾಷ್ಟ್ರದ ಮಾಜಿ ಮುಖ್ಯಮಂತ್ರಿ ದೇವೆಂದ್ರ ಫಡ್ನವಿಸ್‌ ಕೂಡ ಶುಭ ಕೋರಿದರು. ಸಿನಿಮಾ ನಟ, ಬಾಲಿವುಡ್‌ನ ದಿಗ್ಗಜ ಅಮಿತಾಬ್ ಬಚ್ಚನ್‌ ಕೂಡ ರಾಷ್ಟ್ರಪತಿಗಳಿಗೆ ವಿಶ್‌ ಮಾಡಿದರು. ಒಡಿಸ್ಸಾ ಮುಖ್ಯಮಂತ್ರಿ ನವೀನ್‌ ಪಟ್ನಾಯಕ್‌ ಕೂಡ ರಾಮನಾಥ್‌ ಅವರಿಗೆ ಜನುಮ ದಿನದ ಶುಭಾಶಯ ಕೋರಿದರು.
from India & World News in Kannada | VK Polls https://ift.tt/34h4Akq
