ಶಾರ್ಜಾ: ವಿರುದ್ಧದ ಪಂದ್ಯದಲ್ಲಿ ನಾನು ಮತ್ತು ಜೋಶ್‌ ಫಿಲಿಪ್ ಔಟ್‌ ಆಗಿದ್ದು ಟರ್ನಿಂಗ್ ಪಾಯಿಂಟ್‌ ಎಂದು ಬ್ಯಾಟ್ಸ್‌ಮನ್‌ ಎಬಿ ಡಿ ವಿಲಿಯರ್ಸ್‌ ಹೇಳಿದರು. ಶನಿವಾರ ರಾತ್ರಿ ಶಾರ್ಜಾ ಕ್ರಿಕೆಟ್ ಕ್ರೀಡಾಂಗಣದಲ್ಲಿ ಮೊದಲು ಬ್ಯಾಟಿಂಗ್‌ ಮಾಡಿದ ಆರ್‌ಸಿಬಿ ನಿಗದಿತ 20 ಓವರ್‌ಗಳಿಗೆ ಏಳು ವಿಕೆಟ್‌ಗಳ ನಷ್ಟಕ್ಕೆ 120 ರನ್‌ಗಳನ್ನು ಗಳಿಸಿತು. ಬಳಿಕ ಗುರಿ ಹಿಂಬಾಲಿಸಿದ ಸನ್‌ರೈಸರ್ಸ್ ಹೈದರಾಬಾದ್‌, ವೃದ್ದಿಮಾನ್‌ ಸಹಾ (39) ಹಾಗೂ ಜೇಸನ್ ಹೋಲ್ಡರ್‌(26) ಜವಾಬ್ದಾರಿಯುತ ಬ್ಯಾಟಿಂಗ್‌ ಸಹಾಯದಿಂದ ಐದು ವಿಕೆಟ್‌ಗಳ ಗೆಲುವು ಸಾಧಿಸಿತು. ಪಂದ್ಯದ ಬಳಿಕ ಸುದ್ದಿಗೋಷ್ಠಿಯಲ್ಲಿ ಮಾತನಾಡಿದ , " ಹೌದು, ನಾವು ಆರಂಭದಲ್ಲಿ 160 ಮೊತ್ತದ ಬಗ್ಗೆ ಮಾತನಾಡುತ್ತಿದ್ದೆವು, ಅದು ಸ್ವಲ್ಪ ಹೆಚ್ಚು ಎಂದು ನಾನು ಭಾವಿಸುತ್ತೇನೆ. ಆದರೆ, ಪಂದ್ಯದ ಕೊನೆಯಲ್ಲಿ ನಾವು 140 ರನ್‌ಗಳು ಉತ್ತಮ ಸ್ಕೋರ್ ಎಂದು ಮಾತನಾಡಿಕೊಂಡೆವು. ನಮ್ಮ ವಿರುದ್ಧ ಅಸಾಧಾರಣವಾಗಿ ಬೌಲಿಂಗ್‌ ಮಾಡಿದ ಎಸ್‌ಆರ್‌ಎಚ್‌ ಬೌಲರ್‌ಗಳಿಗೆ ಗೆಲುವಿನ ಶ್ರೇಯ ಸಲ್ಲುತ್ತದೆ. ಅವರು ಹೆಚ್ಚು ಬೌಂಡರಿಗಳನ್ನು ನೀಡಲಿಲ್ಲ," ಎಂದು ಹೇಳಿದರು. "ಪವರ್‌ಪ್ಲೇನಲ್ಲಿ ಸನ್‌ರೈಸರ್ಸ್ ಬೌಲರ್‌ಗಳು ಉತ್ತಮವಾಗಿ ಬೌಲಿಂಗ್‌ ಮಾಡಿದ್ದಾರೆ. ಅವರು ಹೆಚ್ಚು ತಪ್ಪುಗಳನ್ನು ಮಾಡಲಿಲ್ಲ. ಪವರ್‌ಪ್ಲೇ ಮುಗಿದ ಬಳಿಕ ರಶೀದ್‌ ಖಾನ್‌ ಬೌಲಿಂಗ್‌ಗೆ ಆಡುವುದು ತುಂಬಾ ಕಷ್ಟವಿತ್ತು ಹಾಗೂ ಅವರು ಹೆಚ್ಚು ಕೆಟ್ಟ ಎಸೆತಗಳನ್ನು ಹಾಕಲಿಲ್ಲ. ಅವರು ನಮ್ಮ ಮೇಲೆ ಹೆಚ್ಚಿನ ಒತ್ತಡವನ್ನು ಹೇರಿದರು," ಎಂದು ತಿಳಿಸಿದರು. ''ನಾನು ಹಾಗೂ ಜೋಶ್‌ ಫಿಲಿಪ್ ಔಟ್‌ ಆಗಿದ್ದು, ಪಂದ್ಯದಲ್ಲಿ ಟರ್ನಿಂಗ್ ಪಾಯಿಂಟ್‌ ಆಯಿತು. ಇದರಿಂದ ನಮಗೆ 20 ರಿಂದ 30 ರನ್‌ಗಳು ಕಡಿಮೆಯಾಯಿತು. ನಾವು ಗಳಿಸಿದ್ದ ಮೊತ್ತ ದಿನದ ಕೊನೆಯಲ್ಲಿ ಸಾಕಾಗಲಿಲ್ಲ. ಎರಡನೇ ಇನಿಂಗ್ಸ್‌ನಲ್ಲಿ ಮೈದಾನ ಸ್ವಲ್ಪ ತೇವವಾಗಿದ್ದರಿಂದ ಪರಿಸ್ಥಿತಿ ವಿಭಿನ್ನವಾಗಿತ್ತು. ಹಾಗಾಗಿ 140 ರನ್‌ಗಳನ್ನು ಗಳಿಸಿದ್ದರೂ ಸ್ವಲ್ಪ ಕಡಿಮೆ ಎನಿಸುತ್ತಿತ್ತು," ಎಂದು ಹೇಳಿದರು. ಗೆಲುವಿನೊಂದಿಗೆ ಸನ್‌ರೈಸರ್ಸ್ ಹೈದರಾಬಾದ್‌ ತಂಡ 12 ಅಂಕಗಳೊಂದಿಗೆ ಪಾಯಿಂಟ್ಸ್‌ ಟೇಬಲ್‌ನಲ್ಲಿ ನಾಲ್ಕನೇ ಸ್ಥಾನಕ್ಕೇರಿತು. ಮತ್ತೊಂದೆಡೆ ರಾಯಲ್‌ ಚಾಲೆಂಜರ್ಸ್ ಬೆಂಗಳೂರು 14 ಅಂಕಗಳೊಂದಿಗೆ ಎರಡನೇ ಸ್ಥಾನದಲ್ಲಿಯೇ ಉಳಿಯಿತು. ಸೋಮವಾರ(ನ.2) ಅಬುಧಾಬಿಯ ಶೇಖ್‌ ಝಾಯೆದ್‌ ಕ್ರೀಡಾಂಗಣದಲ್ಲಿ ರಾಯಲ್‌ ಚಾಲೆಂಜರ್ಸ್ ಬೆಂಗಳೂರು ಹಾಗೂ ಡೆಲ್ಲಿ ಕ್ಯಾಪಿಟಲ್ಸ್ ಪಾಯಿಂಟ್ಸ್‌ ಎರಡನೇ ಸ್ಥಾನಕ್ಕೆ ಪೈಪೋಟಿ ನಡೆಸಲಿವೆ.
from Sports News in Kannada, Latest Kannada Sports News | ಕ್ರೀಡೆ-ಕ್ರಿಕೆಟ್ ಸುದ್ದಿ, - Vijaya Karnataka https://ift.tt/2Gf8tyq
