ಪಾಟ್ನಾ: ಬಿಹಾರದ ಅಧಿಕಾರದ ಗದ್ದುಗೆಗಾಗಿ ಮೆಗಾ ಫೈಟ್‌ ಆರಂಭವಾಗಿದ್ದು ಪ್ರಬಲ ನಾಯಕರ ಹಣೆಬರಹ ಬರೆಯುವ ಮತದಾನ ಆರಂಭವಾಗಿದೆ. 71 ವಿಧಾನಸಭಾ ಕ್ಷೇತ್ರಗಳಿಗೆ ಮೊದಲ ಹಂತದ ಮತದಾನ ಪ್ರಕ್ರಿಯೆ ಬುಧವಾರ ಮುಂಜಾನೆಯಿಂದ ಆರಂಭವಾಗಿದೆ. ಕೊರೊನಾದ ಮಧ್ಯೆಯು ಜನರು ಮತಗಟ್ಟೆಗಳಿಗೆ ಬಂದು ಮತದಾನ ಮಾಡುತ್ತಿದ್ದಾರೆ. ಇನ್ನೊಂದೆಡೆ ಚುನಾವಣಾ ಆಯೋಗವು ಮೊದಲು ಮತಗಟ್ಟೆಗೆ ಸ್ಯಾನಿಟೈಸ್‌ ಸಿಂಪಡನೆ ಮಾಡಿದ್ದು, ವೋಟಿಂಗ್‌ಗೆ ಬರುವವರಿಗೆ ಹ್ಯಾಂಡ್ ಸ್ಯಾನಿಟೈಸ್‌ ನೀಡುತ್ತಿದೆ. ಎಲ್ಲಾ ರೀತಿಯಲ್ಲೂ ಮುಂಜಾಗ್ರತಾ ಕ್ರಮಗಳನ್ನು ಕೈಗೊಂಡಿದೆ. ಈ ಚುನಾವಣೆ ಜೆಡಿಯು ಮುಖ್ಯಸ್ಥ ಹಾಗೂ ಹಾಲಿ ಮುಖ್ಯಮಂತ್ರಿ ನಿತೀಶ್‌ ಕುಮಾರ್‌, ಎಲ್‌ಜೆಪಿ ಮುಖ್ಯಸ್ಥ ಚಿರಾಗ್‌ ಪಾಸ್ವಾನ್‌ ಹಾಗೂ ಆರ್‌ಜೆಡಿ ಮುಖ್ಯಸ್ಥ ತೇಜಸ್ವಿ ಯಾದವ್‌ ನಡುವಿನ ಮೆಗಾ ಫೈಟ್‌ ಆಗಿದ್ದು ಗೆಲುವು ಯಾರಿಗೆ ಎನ್ನುವ ಲೆಕ್ಕಚಾರಗಳು ಈಗೀನಿಂದಲೇ ಶುರುವಾಗಿದೆ. ಸದ್ಯ ಬಿಹಾರದ ಚುನಾವಣೆ ಯುವ ಹಾಗೂ ಹಳೆ ನಾಯಕರ ಭರ್ಜರಿ ಭಾಷಣಗಳಿಂದ ಗಮನ ಸೆಳೆಯುತ್ತಿದೆ. ಬೆಳಗ್ಗೆ 7 ಗಂಟೆಯಿಂದ ಮತದಾನ ಆರಂಭವಾಗಿದ್ದು ಜನರು ಮತ ಹಾಕಲು ಮತಗಟ್ಟೆಗೆ ಬಂದಿರುವ ದೃಶ್ಯ ಇದು. ಗಯಾದಲ್ಲಿನ . ಗಯಾ ಮತಗಟ್ಟೆ: ಮತದಾನಕ್ಕೆ ಬರುವ ಜನರಿಗೆ ಹ್ಯಾಂಡ್ ಸ್ಯಾನಿಟೈಸ್‌ ನೀಡುವ ದೃಶ್ಯ ಹಾಗೂ ಮತಗಟ್ಟೆಯಲ್ಲಿರುವ ಸಿಬ್ಬಂದಿ ಮಾಸ್ಕ್‌, ಗ್ಲೌಸ್‌ ಧರಿಸಿರುವ ದೃಶ್ಯ. ಇನ್ನು ಮತದಾನಕ್ಕೂ ಮೊದಲು ಔರಂಗಾಬಾದ್‌ನ ಧಿಬ್ರಾ ಪ್ರದೇಶದಲ್ಲಿ ಕೇಂದ್ರ ಮೀಸಲು ಪೊಲೀಸ್‌ ಪಡೆ ಎರಡು ಸುಧಾರಿತ ಸ್ಫೋಟಕ ಸಾಧನಗಳನ್ನು ವಶಪಡಿಸಿಕೊಂಡಿದೆ. ಮತಗಟ್ಟೆಯ ಬಳಿ ಎರಡು ಐಇಡಿ ಪತ್ತೆಯಾಗಿದ್ದು ಅವನ್ನು ಪೊಲೀಸ್‌ ಪಡೆ ನಿಷ್ಕ್ರಿಯಗೊಳಿಸಿದೆ. ಮೊದಲ ಹಂತದ ಚುನಾವಣೆಯಲ್ಲಿ ಒಟ್ಟು 71 ಸೀಟುಗಳಿಗೆ ಬುಧವಾರ ಮತದಾನ ನಡೆಯುತ್ತಿದೆ. ಇನ್ನು 71 ಸೀಟುಗಳಿಗೆ ವಿವಿಧ ಪಕ್ಷಗಳಿಂದ 1,066 ಅಭ್ಯರ್ಥಿಗಳು ಸ್ಪರ್ಧಿಸಿದ್ದಾರೆ. ಮತದಾನ ಆರಂಭಕ್ಕೂ ಮುನ್ನ ಮತಗಟ್ಟೆಗಳಿಗೆ ಸ್ಯಾನಿಟೈಸ್‌ ಸಿಂಪಡನೆ ಮಾಡಲಾಯಿತು. ಕೊರೊನಾ ಹಿನ್ನೆಲೆ ಮುಂಜಾಗ್ರತಾ ಕ್ರಮಗಳನ್ನು ವಹಿಸಲಾಗಿದೆ.
from India & World News in Kannada | VK Polls https://ift.tt/2Twi2MI
