ಶಾರ್ಜಾ: ವಿರುದ್ಧ ಐದು ವಿಕೆಟ್‌ಗಳ ಸೋಲು ಅನುಭವಿಸಿದ ಬಳಿಕ ಮಾತನಾಡಿದ ತಂಡದ ನಾಯಕ , ನಾವು ಎದುರಾಳಿಗೆ ಯೋಗ್ಯ ಗುರಿ ನೀಡುವಲ್ಲಿ ವಿಫಲರಾಗಿದ್ದೇವೆ ಎಂದು ಹೇಳಿದರು. ಶನಿವಾರ ರಾತ್ರಿ ಶಾರ್ಜಾ ಕ್ರಿಕೆಟ್ ಕ್ರೀಡಾಂಗಣದಲ್ಲಿ ಟಾಸ್‌ ಸೋತು ಮೊದಲು ಬ್ಯಾಟಿಂಗ್‌ ಮಾಡಿದ ರಾಯಲ್‌ ಚಾಲೆಂಜರ್ಸ್ ಬೆಂಗಳೂರು ನಿಗದಿತ 20 ಓವರ್‌ಗಳಿಗೆ 7 ವಿಕೆಟ್‌ಗಳನ್ನು ಕಳೆದುಕೊಂಡು 120 ರನ್‌ಗಳನ್ನು ಗಳಿಸಿತು. ಬಳಿಕ ಗುರಿ ಹಿಂಬಾಲಿಸಿದ ಸನ್ರೈಸರ್ಸ್ ಹೈದರಾಬಾದ್‌ 14.1 ಓವರ್‌ಗಳಿಗೆ 5 ವಿಕೆಟ್‌ಗಳನ್ನು ಕಳೆದುಕೊಂಡು 121 ರನ್‌ಗಳನ್ನು ಗಳಿಸಿ ಗೆಲುವು ಪಡೆಯಿತು. ಈ ಗೆಲುವಿನೊಂದಿಗೆ ಸನ್ರೈಸರ್ಸ್ ಹೈದರಾಬಾದ್‌ 12 ಅಂಕಗಳೊಂದಿಗೆ ಪಾಯಿಂಟ್ಸ್‌ ಟೇಬಲ್‌ನಲ್ಲಿ ನಾಲ್ಕನೇ ಸ್ಥಾನಕ್ಕೇರಿತು. 14 ಅಂಕಗಳೊಂದಿಗೆ ಆರ್‌ಸಿಬಿ ಎರಡನೇ ಸ್ಥಾನದಲ್ಲಿಯೇ ಮುಂದುವರಿಯಿತು. 121 ರನ್‌ಗಳ ಗುರಿ ಹಿಂಬಾಲಿಸಿದ ಎಸ್‌ಆರ್‌ಎಚ್‌ ಆರಂಭ ಉತ್ತಮವಾಗಿರಲಿಲ್ಲ. ಎರಡನೇ ಓವರ್‌ನಲ್ಲಿಯೇ ನಾಯಕ ಡೇವಿಡ್‌ ವಾರ್ನರ್‌(8) ವಾಷಿಂಗ್ಟನ್‌ ಸುಂದರ್‌ಗೆ ವಿಕೆಟ್‌ ಒಪ್ಪಿಸಿದರು. ನಂತರ ಜತೆಯಾದ ಮನೀಶ್ ಪಾಂಡೆ ಹಾಗೂ ವೃದ್ದಿಮಾನ್‌ ಸಹಾ ಜೋಡಿ ಪವರ್‌ಪ್ಲೇ ಮುಕ್ತಾಯಕ್ಕೆ 58 ರನ್‌ಗಳನ್ನು ಗಳಿಸಿತು. ಏಳನೇ ಓವರ್‌ನಲ್ಲಿ ಯುಜ್ವೇಂದ್ರ ಚಹಲ್‌ಗೆ ನಾಯಕ ವಿರಾಟ್‌ ಕೊಹ್ಲಿ ಚೆಂಡು ನೀಡಿದ್ದು ನಿರಾಸೆ ಮೂಡಿಸಿಲ್ಲ. ಚಹಲ್‌, ಮನೀಶ್ ಪಾಂಡೆ(26) ಅವರನ್ನು ಔಟ್‌ ಮಾಡಿದರು. ಇದರ ಬೆನ್ನಲ್ಲೆ ಆರ್‌ಸಿಬಿ ವೃದ್ದಿಮಾನ್‌ ಸಹಾ (39) ಹಾಗೂ ಕೇನ್‌ ವಿಲಿಯಮ್ಸನ್‌(8) ಅವರ ವಿಕೆಟ್‌ಗಳು ಉರುಳಿದವು. ಆ ಮೂಲಕ 13ನೇ ಓವರ್‌ನಲ್ಲಿ ಎಸ್‌ಆರ್‌ಎಚ್‌ 4 ವಿಕಟ್‌ಗಳನ್ನು ಕಳೆದುಕೊಂಡು 87 ರನ್‌ಗಳನ್ನು ಗಳಿಸಿತು. ನಂತರ ಜೇಸನ್‌ ಹೋಲ್ಡರ್‌ ಅಜೇಯ 26 ರನ್‌ಗಳನ್ನು ಗಳಿಸಿ ತಂಡಕ್ಕೆ ಇನ್ನೂ 35 ಎಸೆತಗಳು ಬಾಕಿ ಇರುವಾಗಲೇ ಐದು ವಿಕೆಟ್‌ಗಳ ಗೆಲುವು ತಂದುಕೊಟ್ಟರು. ಪಂದ್ಯದ ಬಳಿಕ ಸ್ಟಾರ್ ಸ್ಪೋರ್ಟ್ಸ್‌ ಜತೆ ಮಾತನಾಡಿದ ಆರ್‌ಸಿಬಿ ನಾಯಕ ವಿರಾಟ್‌ ಕೊಹ್ಲಿ, " ಇದು ನಮಗೆ ಸಾಕಾಗಲಿಲ್ಲ. 140 ರನ್‌ಗಳನ್ನು ಕಲೆ ಹಾಕಿದ್ದರೆ, ನಮ್ಮ ಪಾಲಿಗೆ ಇದು ಉತ್ತಮ ಪಂದ್ಯವಾಗುತ್ತಿತ್ತು. ಆದರೆ, ಸಂಗತಿಗಳು ನಮ್ಮ ಪರವಾಗಿರಲಿಲ್ಲ. ಹವಾಮಾನವು ಆಹ್ಲಾದಕರವಾಯಿತು ಎಂದು ನಾವು ಭಾವಿಸಿದ್ದೇವೆ ಮತ್ತು ಅದೇ ರೀತಿ ಹೆಚ್ಚು ಮಂಜು ಕೂಡ ಇರಲಿಲ್ಲ. ಇನ್ನಿಂಗ್ಸ್‌ದಾದ್ಯಂತ ನಾವು ಬ್ಯಾಟ್‌ನೊಂದಿಗೆ ಸಾಕಷ್ಟು ಧೈರ್ಯಶಾಲಿಗಳಾಗಿರಲಿಲ್ಲ ಎಂದು ಭಾವಿಸುತ್ತೇನೆ," ಎಂದರು. "ಅವರಿಗೆ ಪಂದ್ಯ ಗೆಲ್ಲಲೇಬೇಕಾದ ಪರಿಸ್ಥಿತಿ ಇತ್ತು. ಹಾಗಾಗಿ, ಅವರು ಸರಿಯಾದ ಸ್ಥಳಗಳಲ್ಲಿ ಬೌಲಿಂಗ್‌ ಮಾಡಿದರು. ಮುಂದಿನ ಪಂದ್ಯದಲ್ಲಿ 14 ಅಂಕಗಳನ್ನು ಹೊಂದಿರುವ ಎರಡು ತಂಡಗಳು ಮುಖಾಮುಖಿಯಾಗುತ್ತಿವೆ. ಐಪಿಎಲ್‌ ವಿಷಯ ಬಂದಾಗ ನಾನು ಯಾವಾಗಲೂ ಬೆಂಗಳೂರು ಹುಡುಗ ಎಂದು ಭಾವಿಸಿ ಆಡುತ್ತೇನೆ. ಹಾಗಾಗಿ ಡೆಲ್ಲಿ ಕಡೆಗೆ ಎಂದಿಗೂ ತಿರುಗುವುದಿಲ್ಲ," ಎಂದು ತಿಳಿಸಿದರು. ಸೋಮವಾರ(ನ.2) ಅಬುಧಾಬಿಯ ಶೇಖ್‌ ಝಾಯೆದ್‌ ಕ್ರೀಡಾಂಗಣದಲ್ಲಿ ರಾಯಲ್‌ ಚಾಲೆಂಜರ್ಸ್ ಬೆಂಗಳೂರು ಹಾಗೂ ಡೆಲ್ಲಿ ಕ್ಯಾಪಿಟಲ್ಸ್ ಲೀಗ್‌ನ ಕೊನೆಯ ಪಂದ್ಯದಲ್ಲಿ ಮುಖಾಮುಖಿಯಾಗುತ್ತಿವೆ.
from Sports News in Kannada, Latest Kannada Sports News | ಕ್ರೀಡೆ-ಕ್ರಿಕೆಟ್ ಸುದ್ದಿ, - Vijaya Karnataka https://ift.tt/3kZIoCV
