ಹೊಸದಿಲ್ಲಿ: ಹದಿಮೂರನೇ ಆವೃತ್ತಿಯ ಇಂಡಿಯನ್‌ ಪ್ರೀಮಿಯರ್‌ ಲೀಗ್‌ ಟೂರ್ನಿಯಿಂದ ಹಿರಿಯ ಬ್ಯಾಟ್ಸ್‌ಮನ್‌ ಹೊರ ನಡೆದಿದ್ದರಿಂದ ಸಾಕಷ್ಟು ಊಹಾಪೋಹಗಳು ಎದ್ದಿದ್ದವು. ನಾಯಕ ಅವರೊಂದಿಗೆ ಸುರೇಶ್ ರೈನಾ ಅವರ ಬಾಂಧವ್ಯ ಹದಗೆಟ್ಟಿದೆ ಎಂಬ ಗಾಳಿ ಸುದ್ದಿಯೂ ಇತ್ತು. ದುಬೈನಲ್ಲಿ ನೀಡಲಾಗಿದ್ದ ಕೊಠಡಿ ಬಗ್ಗೆ ಸುರೇಶ್ ರೈನಾ ಅವರಿಗೆ ತೃಪ್ತಿ ಇರಲಿಲ್ಲ. ಎಂಎಸ್‌ ಧೋನಿಗೆ ನೀಡಿರುವ ಬಾಲ್ಕನಿ ಕೊಠಡಿಯನ್ನೇ ತಮಗೂ ನೀಡುವಂತೆ ರೈನಾ ಆಗ್ರಹಿಸಿದ್ದರು ಎಂದು ಹಲವು ವರದಿಗಳು ತಿಳಿಸಿದ್ದವು. ಇದರ ಬೆನ್ನಲ್ಲೆ ಚೆನ್ನೈ ಫ್ರಾಂಚೈಸಿ ಮಾಲೀಕ ಮಾತನಾಡಿ, ಸುರೇಶ್ ರೈನಾ ಟೂರ್ನಿಯಿಂದ ಹೊರ ನಡೆದಿದ್ದ ಬಗ್ಗೆ ಟೀಕೆ ಮಾಡಿದ್ದರು. ಆ ಮೂಲಕ ಎದ್ದಿದ್ದ ಹಲವು ಊಹಾಪೋಹಗಳಿಗೆ ಇನ್ನಷ್ಟು ತುಪ್ಪ ಸುರಿದಿದ್ದರು. "ಈ ಆವೃತ್ತಿ ಇನ್ನೂ ಆರಂಭವಾಗಿಲ್ಲ. ತಾವು ಏನು ಕಳೆದುಕೊಂಡಿದ್ದೇವೆ ಎಂಬ ಬಗ್ಗೆ ಸುರೇಶ್ ರೈನಾಗೆ ಖಂಡಿತಾ ಮನವರಿಕೆಯಾಗಲಿದೆ. ಅವರು ಪಡೆಯಬೇಕಿದ್ದ ಎಲ್ಲ ಹಣವನ್ನು ಕಳೆದುಕೊಳ್ಳಲಿದ್ದಾರೆ," ಎಂದು ಚೆನ್ನೈ ಫ್ರಾಂಚೈಸಿ ಮಾಲೀಕ ಶ್ರೀನಿವಾಸನ್ ಹೇಳಿದ್ದರು. "ನೀವು ಹಿಂಜರಿಯುತ್ತಿದ್ದರೆ ಅಥವಾ ಸಂತೋಷವಾಗಿರದಿದ್ದರೆ, ಹಿಂತಿರುಗಿ ಎಂಬುದು ನನ್ನ ಅನಿಸಿಕೆ. ನಾನು ಯಾರನ್ನೂ ಏನನ್ನೂ ಮಾಡಲು ಒತ್ತಾಯಿಸುವುದಿಲ್ಲ… ಕೆಲವೊಮ್ಮೆ ಯಶಸ್ಸು ನಿಮ್ಮ ತಲೆಯಲ್ಲಿರುತ್ತದೆ, " ಎಂದು ಗುಡುಗಿದ್ದರು. ಇದಕ್ಕೆ ಪ್ರತಿಕ್ರಿಯಸಿದ್ದ ಸುರೇಶ್ ರೈನಾ ಸಿಎಸ್‌ಕೆ ಮಾಲೀಕ ಶ್ರೀನಿವಾಸನ್ ನನ್ನ ತಂದೆಗೆ ಸಮ. ನಾನು ಟೂರ್ನಿಯಿಂದ ಹೊರ ನಡೆದ ಬಗ್ಗೆ ಸಂಪೂರ್ಣ ಮಾಹಿತಿ ಅವರಿಗೆ ಗೊತ್ತಿಲ್ಲ ಎಂದಿದ್ದರು. ಜತೆಗೆ, ಕೊಠಡಿ ವಿಚಾರಕ್ಕಾಗಿ ಎದ್ದಿದ್ದ ಎಲ್ಲಾ ಊಹಾಪೋಹಗಳನ್ನು ಅವರು ತಳ್ಳಿ ಹಾಕಿದ್ದರು. ಇದಾದ ಬಳಿಕ ತಮ್ಮ ಕುಟುಂಬ ಮೇಲೆ ಆಗಿದ್ದ ದಾಳಿ ವಿಚಾರದಿಂದ ಟೂರ್ನಿಯಿಂದ ಹೊರ ನಡೆಯಲು ಕಾರಣ ಎಂಬುದನ್ನು ಸ್ಪಷ್ಟಪಡಿಸಿದ್ದರು. ಕೆಲ ದಿನಗಳ ಹಿಂದೆ ಸುರೇಶ್ ರೈನಾ ಅವರು ಮತ್ತೇ ತಂಡಕ್ಕೆ ಮರಳಲಿದ್ದಾರೆಂದು ಚೆನ್ನೈ ಸೂಪರ್‌ ಕಿಂಗ್ಸ್ ಸಿಇಓ ತಿಳಿಸಿದ್ದರು. ಈ ಎಲ್ಲಾ ಬೆಳವಣಿಗೆಗಳ ನಡುವೆ ಸುರೇಶ್ ರೈನಾ ಹಾಗೂ ಎಂ.ಎಸ್‌ ಧೋನಿ ನಡುವಿನ ಸಂಬಂಧ ಉತ್ತಮವಾಗಿದೆ ಎಂದು ಮೇಲ್ನೋಟಕ್ಕೆ ಕಂಡಿತ್ತು. ಇತ್ತೀಚಿಗೆ ಇದೇ ವಿಷಯನ್ನು ಸುರೇಶ್ ರೈನಾ ಸಾಬೀತುಪಡಿಸಿದ್ದರು. 'ಧೋನಿ ರೈನಾ ಟೀಮ್‌' ಎಂಬ ಟ್ವಿಟರ್‌ ಅಭಿಮಾನಿಗಳ ಪೇಜ್‌ನಲ್ಲಿ ಧೋನಿ ಹಾಗೂ ರೈನಾ ಜತೆಯಲ್ಲಿರುವ ಫೋಟೊವನ್ನು ಪೋಸ್ಟ್ ಮಾಡಲಾಗಿತ್ತು. ಈ ಪೋಸ್ಟ್‌ಗೆ ಸುರೇಶ್ ರೈನಾ ಇತ್ತೀಚೆಗೆ ಲೈಕ್‌ ಮಾಡಿದ್ದರು. ಇದರಿಂದ ತಮ್ಮ ಹಾಗೂ ಎಂಎಸ್‌ ಧೋನಿ ನಡುವೆ ಅತ್ಯುತ್ತಮ ಸಂಬಂಧವಿದೆ ಎಂಬುದನ್ನು ಸುರೇಶ್ ರೈನಾ ಸಾಬೀತುಪಡಿಸಿದಂತಾಗಿದೆ.
from Sports News in Kannada, Latest Kannada Sports News | ಕ್ರೀಡೆ-ಕ್ರಿಕೆಟ್ ಸುದ್ದಿ, - Vijaya Karnataka https://ift.tt/30oGzXM
