ಮಡಹಳ್ಳಿ ಮಹೇಶ್‌ ಗುಂಡ್ಲುಪೇಟೆ ಗುಂಡ್ಲುಪೇಟೆ: ಬಲಚವಾಡಿ ಪುಟ್ಟಬಸಪ್ಪ ಸರಕಾರಿ ಪದವಿ ಪೂರ್ವ ಕಾಲೇಜು ಮತ್ತು ಸ್ಮಶಾನಕ್ಕೆ ಹೋಗುವ ರಸ್ತೆಯ ಎರಡು ಕಡೆ ಸ್ವಚ್ಛ ಭಾರತ ಯೋಜನೆಯಡಿ ಸಾಮೂಹಿಕ ನಿರ್ಮಿಸಲಾಗಿತ್ತು. ಸಮರ್ಪಕ ನೀರಿನ ವ್ಯವಸ್ಥೆ ಇಲ್ಲದ ಕಾರಣ ನಿರ್ಮಾಣಗೊಂಡ ವರ್ಷದಲ್ಲೇ ಪಾಳು ಬಿದ್ದಿದೆ. ಗ್ರಾಮದಲ್ಲಿ ನೈರ್ಮಲ್ಯ ಕಾಪಾಡುವ ನಿಟ್ಟಿನಲ್ಲಿ ಸಾಮೂಹಿಕ ಶೌಚಾಲಯಗಳ ಅಗತ್ಯ ಮನಗಂಡು ಹಿಂದಿನ ಗ್ರಾ.ಪಂ.ಆಡಳಿತದ ಶೌಚಾಲಯ ಸಮುಚ್ಛಯಗಳಿಗೆ ಸುಣ್ಣ, ಬಣ್ಣ ಬಳಿದು, ಸಿಂಥೆಟಿಕ್‌ ಟ್ಯಾಂಕ್‌ ಇರಿಸಿ, ನಲ್ಲಿ ಸಂಪರ್ಕ ಕಲ್ಪಿಸಿ, ಮುರಿದಿದ್ದ ಕಿಟಕಿ ಬಾಗಿಲು ದುರಸ್ತಿಗೊಳಿಸಲಾಯಿತು. ಇಷ್ಟೆಲ್ಲಾ ವ್ಯವಸ್ಥೆಗಳಾದ ನಂತರ ಕೆಲ ದಿನಗಳು ಜನರು ಶೌಚಾಲಯ ಬಳಕೆ ಮಾಡಿದರು. ದಿನ ಕಳೆದಂತೆ ಸುತ್ತಲೂ ಗಿಡಗಂಟಿ ಬೆಳೆದವು. ನಿರ್ವಹಣೆಗೆ ಪೌರ ಕಾರ್ಮಿಕ ನೇಮಕ ದುಬಾರಿಯಾಗುತ್ತದೆ ಎಂದು ಗ್ರಾ.ಪಂ.ಆಡಳಿತ ಕೈ ಚೆಲ್ಲಿತು. ಇದರಿಂದ ಶೌಚಾಲಯ ಸಮುಚ್ಛಯಗಳು ಮತ್ತೆ ಪಾಳು ಬಿದ್ದಿವೆ. ಬಯಲು ಶೌಚ ಗ್ರಾಮದ ಹೆಚ್ಚಿನ ಕುಟುಂಬಗಳಿಗೆ ವೈಯಕ್ತಿಕ ಶೌಚಾಲಯ ನಿರ್ಮಾಣ ಮಾಡಿಕೊಳ್ಳಲು ಜಾಗದ ಸಮಸ್ಯೆಯಿದೆ. ಇತ್ತ ಸಾಮೂಹಿಕ ಶೌಚಾಲಯದ ಸುತ್ತಲೂ ಗಿಡಗಂಟಿ ಬೆಳೆದು ಶೌಚಾಲಯದ ಕಟ್ಟಡಗಳಿಗೂ ವ್ಯಾಪಿಸುತ್ತಿದೆ. ಕಾರಣ ಜನರು ಬಳಸುವುದನ್ನೇ ಬಿಟ್ಟಿದ್ದಾರೆ. ಕಾಲೇಜು ಪಕ್ಕದ ರಸ್ತೆ, ಸ್ಮಶಾನದ ರಸ್ತೆ ಸಾಮೂಹಿಕ ಶೌಚಾಲಯವಾಗಿ ಬಳಕೆಯಾಗುತ್ತಿವೆ. ಇದರಿಂದ ಈ ಮಾರ್ಗದಲ್ಲಿ ಸಂಚರಿಸುವವರು ಕಿರಿಕಿರಿ ಅನುಭವಿಸುತ್ತಿದ್ದಾರೆ. ಇವರ ಆರೋಗ್ಯದ ಮೇಲೂ ದುಷ್ಪರಿಣಾಮ ಬೀರುತ್ತಿದ್ದು, ಹೊತ್ತಲ್ಲದ ಹೊತ್ತಲ್ಲಿ ಪ್ರಕೃತಿ ಕರೆ ಪೂರೈಸಲು ಬರುವ ಕಾರಣ ವಿಷ ಜಂತುಗಳ ಅಪಾಯವೂ ಇವೆ. ಸ್ವಚ್ಛತೆಗೆ ಸವಾಲುಈ ಪ್ರದೇಶದಲ್ಲಿ ಶೌಚಾಲಯ ಪಾಳು ಬಿದ್ದಿರುವುದು ಒಂದೆಡೆಯಾದರೆ, ಸುತ್ತಲಿನ ನಿವಾಸಿಗಳು ಇಲ್ಲಿಗೆ ಕಸ ತಂದು ಸುರಿಯುತ್ತಿದ್ದಾರೆ. ಇದೂ ರಸ್ತೆಗೂ ಹರಡಿಕೊಂಡಿದೆ. ಸುತ್ತಲಿನ ನಿವಾಸಿಗಳು, ಈ ಭಾಗದಲ್ಲಿ ಜಮೀನು ಹೊಂದಿರುವ ರೈತರು ನಿತ್ಯ ತೊಂದರೆ ಅನುಭವಿಸುತ್ತಿದ್ದಾರೆ. ಆದ್ದರಿಂದ ಸಾಮೂಹಿಕ ಶೌಚಾಲಯ ಬಳಕೆ ನಿಟ್ಟಿನಲ್ಲಿ ಗ್ರಾ.ಪಂ.ಆಡಳಿತ ಅಗತ್ಯ ಕ್ರಮ ಕೈಗೊಳ್ಳಬೇಕು ಎಂಬುದು ಸಾರ್ವಜನಿಕರ ಒತ್ತಾಯ. ನಿರ್ಮಾಣ ಮಾಡುವ ಜತೆಗೆ ನಿರ್ವಹಣೆಗೆ ಪೌರಕಾರ್ಮಿಕರ ನೇಮಕ ಆಗದಿದ್ದಲ್ಲಿ ಶೌಚಾಲಯ ಸುಸ್ಥಿತಿಯಲ್ಲಿಡುವುದು ಕಷ್ಟವಾಗುತ್ತದೆ. ಸರಿಯಾದ ರೀತಿಯಲ್ಲಿ ಜನರು ಬಳಸಿಕೊಳ್ಳುವ ಮನಸ್ಥಿತಿ ಹೊಂದಿಲ್ಲ. ಇದರಿಂದ ನಿರ್ಮಾಣಕ್ಕೆ, ದುರಸ್ತಿಗೆ ಎಂದು ವೆಚ್ಚ ಮಾಡಿದ ಹಣ ವ್ಯರ್ಥವಾಗುತ್ತಿದೆ. ಆದ್ದರಿಂದ ಗ್ರಾ.ಪಂ.ಆಡಳಿತ ನಿರ್ವಹಣೆ ಜತೆಗೆ ಬಳಕೆ ಬಗ್ಗೆ ಜನರಲ್ಲೂ ಜಾಗೃತಿ ಮೂಡಿಸಬೇಕು. ಕುಮಾರ್‌ ಹೋಬಳಿ ಕೇಂದ್ರ ತೆರಕಣಾಂಬಿಯಲ್ಲಿ ಸಾಮೂಹಿಕ ಶೌಚಾಲಯಗಳು ನಿರುಪಯುಕ್ತವಾಗಿರುವ ಬಗ್ಗೆ ಸಂಬಂಧಪಟ್ಟ ಅಧಿಕಾರಿಯಿಂದ ಮಾಹಿತಿ ಪಡೆಯುತ್ತೇನೆ. ನೈರ್ಮಲ್ಯ ಕಾಪಾಡುವ ದಿಶೆಯಲ್ಲಿ ತೀವ್ರ ಕ್ರಮಗಳಾಗುವಾಗ ಇರುವ ಶೌಚಾಲಯ ಪಾಳು ಬೀಳುವುದು ಸರಿಯಲ್ಲ. ವಿ.ಪಿ.ಕುಲದೀಪ್‌ ಇಒ, ತಾ.ಪಂ. ಗುಂಡ್ಲುಪೇಟೆ
from India & World News in Kannada | VK Polls https://ift.tt/31S4Nui
