ಅಲಹಾಬಾದ್‌: ಕೇವಲ ವಿವಾಹದ ಉದ್ದೇಶಕ್ಕಾಗಿ ಮತಾಂತರವಾಗುವುದನ್ನು ಒಪ್ಪಲು ಸಾಧ್ಯವೇ ಇಲ್ಲಎಂದು ಸ್ಪಷ್ಟ ಅಭಿಪ್ರಾಯ ವ್ಯಕ್ತಪಡಿಸಿದೆ. ''ಮದುವೆಯಾಗುವ ಏಕೈಕ ಉದ್ದೇಶದಿಂದ ಮತಾಂತರವಾಗುವುದು ಸಮ್ಮತಾರ್ಹವಲ್ಲ. ಇಂತಹ ಅಮಾನ್ಯ ಎನಿಸಿಕೊಳ್ಳುತ್ತದೆ,'' ಎಂದು ನ್ಯಾಯಮೂರ್ತಿ ಎಂ.ಸಿ.ತ್ರಿಪಾಠಿ ಹೇಳಿದ್ದಾರೆ. ಪ್ರಿಯಾಂಶಿ ಎಂಬ ಹಿಂದೂ ಯುವತಿ ವಿವಾಹಕ್ಕಾಗಿಯೇ ಮತಾಂತರಗೊಂಡು ಸಮ್ರೀನ್‌ ಆಗಿದ್ದಳು. ಬಳಿಕ ತನ್ನ ಕುಟುಂಬಸ್ಥರನ್ನು ವಿರೋಧಿಸುತ್ತ ಪತಿಯೊಂದಿಗೆ ಜೀವನ ನಡೆಸುತ್ತಿದ್ದಳು. ಈ ನಡುವೆ ಪಾಲಕರು ತಿಳಿವಳಿಕೆ ಹೇಳಲು ಯತ್ನಿಸಿದ್ದನ್ನು ವಿರೋಧಿಸಿ ಆಕೆ ಹೈಕೋರ್ಟ್‌ ಮೆಟ್ಟಿಲೇರಿದ್ದರು. ತಮಗೆ ಕಿರುಕುಳ ನೀಡದಂತೆ ತಂದೆಗೆ ಸೂಚನೆ ನೀಡಬೇಕು, ರಕ್ಷಣೆ ನೀಡಲು ಪೊಲೀಸರಿಗೆ ನಿರ್ದೇಶನ ನೀಡಬೇಕು ಎಂದು ಕೋರಿದ್ದರು. ''ದಾಖಲೆಗಳ ಪ್ರಕಾರ 2020ರ ಜೂನ್‌ 29ರಂದು ಅರ್ಜಿದಾರರು ಮತಾಂತರಗೊಂಡಿದ್ದಾರೆ. ಬಳಿಕ ಒಂದೇ ತಿಂಗಳಲ್ಲಿಅಂದರೆ ಜುಲೈ 31ರಂದು ವಿವಾಹವಾಗಿದ್ದಾರೆ. ಇದರಿಂದಾಗಿ ಕೇವಲ ವಿವಾಹಕ್ಕಾಗಿ ಮತಾಂತರಗೊಂಡಿರುವುದು ಸ್ಪಷ್ಟವಾಗುತ್ತದೆ. 2014ರಲ್ಲಿನೂರ್‌ ಜಹಾನ್‌ ಬೇಗಂ ಪ್ರಕರಣದಲ್ಲಿಯೇ ಹೈಕೋರ್ಟ್‌ ಇಂತಹ ಒಪ್ಪಲಾಗದು ಎಂದು ಸ್ಪಷ್ಟಪಡಿಸಿದೆ. ಹಾಗಾಗಿ ವಿವಾಹಕ್ಕಾಗಿಯೇ ನಡೆದ ಮತಾಂತರ ಮಾನ್ಯವಾಗುವುದಿಲ್ಲ,'' ಎಂದು ನ್ಯಾಯಪೀಠ ಸ್ಪಷ್ಟಪಡಿಸಿದ ನ್ಯಾಯಪೀಠವು, ಪ್ರಿಯಾಂಶಿ ಅವರ ಅರ್ಜಿಯನ್ನು ತಿರಸ್ಕರಿಸಿತು. ಧರ್ಮದ ಮೇಲೆ ನಂಬಿಕೆ ಬೇಡವೇ? ಅಂಜಲಿ ಮಿಶ್ರಾ ಎಂಬಾಕೆ 2014ರಲ್ಲಿ ಮತಾಂತರಗೊಂಡು ನೂರ್‌ ಜಹಾನ್‌ ಎಂಬ ಹೆಸರು ಬದಲಿಸಿಕೊಂಡು ಮುಸ್ಲಿಂ ಯುವಕನ್ನು ಮದುವೆಯಾಗಿದ್ದಳು. ನಂತರ ಕುಟುಂಬಸ್ಥರು ಕಿರುಕುಳ ನೀಡುತ್ತಿದ್ದಾರೆ ಎಂದು ಆರೋಪಿಸಿ ಅಲಹಾಬಾದ್‌ ಹೈಕೋರ್ಟ್‌ ಮೆಟ್ಟಿಲೇರಿದ್ದರು. ಅರ್ಜಿಯ ವಿಚಾರಣೆ ನಡೆಸಿದ ನ್ಯಾಯಮೂರ್ತಿ ಸೂರ್ಯ ಪ್ರಕಾಶ್‌ ಕೇಸರ್‌ವಾನಿ ಅವರು, '' ಧರ್ಮದ ಮೇಲೆ ನಂಬಿಕೆ ಅಥವಾ ಅದರ ಜ್ಞಾನವೇ ಇಲ್ಲದ ಯುವತಿ/ಮಹಿಳೆಯನ್ನು ಮದುವೆಯಾಗಬಾರದು ಎಂದು ಪವಿತ್ರ ಗ್ರಂಥ ಕುರಾನ್‌ನಲ್ಲಿಯೇ ಹೇಳಲಾಗಿದೆ. ಹಾಗಿದ್ದ ಮೇಲೆ ಕೇವಲ ವಿವಾಹದ ಸಲುವಾಗಿ ಇಸ್ಲಾಂ ಧರ್ಮದ ಮೇಲೆ ಹೇಗೆ ನಂಬಿಕೆ ಬಂದಿದೆ? ಧರ್ಮದ ಬಗ್ಗೆ ಮತ್ತು ಆಚರಣೆಗಳ ಬಗ್ಗೆ ನೈಜ ಶ್ರದ್ಧೆ, ಭಕ್ತಿ ಬೇಕಿಲ್ಲವೇ?,'' ಎಂದು ಖಡಕ್‌ ಪ್ರಶ್ನೆ ಇರಿಸಿತ್ತು. ಇದೇ ಸಂಬಂಧ ಸಲ್ಲಿಕೆಯಾಗಿದ್ದ ಒಂದೇ ಮಾದರಿಯ ಒಟ್ಟು ಐದು ಅರ್ಜಿಗಳನ್ನು ನ್ಯಾಯಾಲಯ ತಿರಸ್ಕರಿಸಿತ್ತು. ಮತಾಂತರ ನಿರ್ಬಂಧಕ್ಕೆ ಶಿಫಾರಸು 2009ರಲ್ಲಿ ಅಂದಿನ ಹರಿಯಾಣ ಡಿಸಿಎಂ ಚಂದ್ರಮೋಹನ್‌ ಇಸ್ಲಾಂ ಧರ್ಮಕ್ಕೆ ಮತಾಂತರಗೊಂಡು ಚಾಂದ್‌ ಮೊಹಮ್‌ ಆಗುವ ಮೂಲಕ ಅನುರಾಧ ಬಾಲಿ ಅಲಿಯಾಸ್‌ ಫಿಜಾ (ಮತಾಂತರ ಬಳಿಕ) ಎಂಬಾಕೆಯನ್ನು ವಿವಾಹವಾಗಿದ್ದರು. ಇದನ್ನು ಗಂಭೀರವಾಗಿ ಪರಿಗಣಿಸಿದ್ದ ರಾಷ್ಟ್ರೀಯ ಕಾನೂನು ಮಂಡಳಿ , ಹಿಂದೂ ವಿವಾಹ ಕಾಯಿದೆಯಲ್ಲಿ ತಿದ್ದುಪಡಿ ತಂದು ವಿವಾಹಕ್ಕಾಗಿಯೇ ಅನ್ಯಧರ್ಮಗಳಿಗೆ ಮತಾಂತರವಾಗುವುದನ್ನು ತಡೆಯಬೇಕಿದೆ ಎಂದು ಸರಕಾರಕ್ಕೆ ಶಿಫಾರಸು ಮಾಡಿತ್ತು. ''ಹಿಂದೂ ಪುರುಷರು ಮರುವಿವಾಹಕ್ಕೆಇಂಥ ಅಡ್ಡದಾರಿ ಹಿಡಿಯಕೂಡದು. ಅದೇ ರೀತಿ ಇಸ್ಲಾಂ ಧರ್ಮದಲ್ಲಿ ಮರುವಿವಾಹ ಪದ್ಧತಿ ದುರುಪಯೋಗವನ್ನು ಯಾರೂ ಕೂಡ ಮಾಡಬಾರದು,'' ಎಂದು ಮಂಡಳಿ ಹೇಳಿತ್ತು. ಉತ್ತರಪ್ರದೇಶ ಧಾರ್ಮಿಕ ಸ್ವಾತಂತ್ರ್ಯ ಕಾಯಿದೆ 2019ರ ಕರಡು ಪ್ರತಿಯನ್ನು ಸಿದ್ಧಪಡಿಸಿದ್ದ ರಾಜ್ಯ ಕಾನೂನು ಮಂಡಳಿ 268 ಪುಟಗಳ ವಿಸ್ತೃತ ವರಿಯಲ್ಲಿ, ವಿವಾಹದ ಕಾರಣಕ್ಕಾಗಿ ಯಾವುದೇ ರೀತಿಯ ಮತಾಂತರ ನಡೆದರೆ ಅದನ್ನು ಅಮಾನ್ಯ ಎಂದು ಪರಿಗಣಿಸುವಂತೆ ಕಾನೂನು ರೂಪಿಸಲು ಯೋಗಿ ಆದಿತ್ಯನಾಥ್‌ ಸರಕಾರಕ್ಕೆ ಕಳೆದ ವರ್ಷವೇ ಶಿಫಾರಸು ಮಾಡಿದೆ. ಬಲವಂತದ ಮತಾಂತರ, ಮೋಸದಿಂದ ಮತಾಂತರಗಳು ಹೆಚ್ಚುತ್ತಿರುವುದನ್ನು ತಡೆಯಲು ಈ ಕ್ರಮ ಅನಿವಾರ್ಯ ಎಂದು ಮಂಡಳಿ ಮುಖ್ಯಸ್ಥ ಎ.ಎನ್‌.ಮಿತ್ತಲ್‌ ಸಿಎಂ ಯೋಗಿ ಆದಿತ್ಯನಾಥ್‌ ಅವರಿಗೆ ಪತ್ರ ಕೂಡ ಬರೆದಿದ್ದರು.
from India & World News in Kannada | VK Polls https://ift.tt/381bbTY
