ಅಲಹಾಬಾದ್: ಮತಾಂತರಕ್ಕೆ ಸಂಬಂಧಪಟ್ಟಂತೆ ಅಲಹಾಬಾದ್ ಹೈಕೋರ್ಟ್‌ ಶುಕ್ರವಾರ ಮಹತ್ವದ ಆದೇಶವೊಂದನ್ನು ನೀಡಿದೆ. ಕೇವಲ ಮದುವೆಗಾಗಿ ಆಗುವುದು ಸ್ವೀಕಾರಾರ್ಹವಲ್ಲ ಎಂದು ಹೈ ಕೋರ್ಟ್ ಅಭಿಪ್ರಾಯಪಟ್ಟಿದೆ. ಪೊಲೀಸ್‌ ರಕ್ಷಣೆ ಕೋರಿ ವಿವಾಹಿತ ದಂಪತಿಯೊಂದು ಸಲ್ಲಿಸಿದ್ದ ರಿಟ್ ಅರ್ಜಿಯ ವಿಚಾರಣೆ ನಡೆಸಿದ ವೇಳೆ ಹೈ ಕೋರ್ಟ್ ಈ ರೀತಿ ಅಭಿಪ್ರಾಯವನ್ನುಪಟ್ಟಿದ್ದು, ಅವರ ಅರ್ಜಿಯನ್ನು ವಜಾಗೊಳಿಸಿದೆ. ಯುವತಿ ಸಲ್ಲಿಸಿದ ಅರ್ಜಿಯನ್ನು ವಿಚಾರಣೆ ನಡೆಸಿದ ಹೈ ಕೋರ್ಟ್‌ಗೆ ವಿವಾಹಿತ ಯುವತಿ ಮುಸ್ಲಿಂ ಹಾಗೂ ಯುವಕ ಹಿಂದೂ ಎಂದು ತಿಳಿದುಬಂದಿದೆ. ಅಲ್ಲದೆ ಯುವತಿ ಮದುವೆಗೆ ಒಂದು ತಿಂಗಳ ಹಿಂದೆ ಮತಾಂತರವಾಗಿರುವುದು ತಿಳಿದಿದೆ. ಹೀಗಾಗಿ ನ್ಯಾಯಮೂರ್ತಿ ಮಹೇಶ್‌ ಚಂದ್ರ ತ್ರಿಪಾಠಿ ಕೇವಲ ಮದುವೆಗಾಗಿ ಮತಾಂತರ ಆಗುವುದು ಸ್ವೀಕಾರಾರ್ಹವಲ್ಲ ಎಂದು ಹೇಳಿದ್ದಾರೆ. ವಿವಾಹದ ಉದ್ದೇಶಕ್ಕಾಗಿ ಮತಾಂತರ ಸ್ವೀಕಾರಾರ್ಹವಲ್ಲ ಎಂಬ 2014 ರ ಅಲಹಾಬಾದ್ ಕೋರ್ಟ್‌ನ ತೀರ್ಪುನ್ನು ಮತ್ತೆ ಉಲ್ಲೇಖಿಸಿದ ನ್ಯಾಯಮೂರ್ತಿ ತ್ರಿಪಾಠಿ, ಭಾರತದ ಸಂವಿಧಾನದ 226ನೇ ವಿಧಿ ಅನ್ವಯ ಈ ವಿಷಯದಲ್ಲಿ ಹಸ್ತಕ್ಷೇಪ ಮಾಡುವುದು ಸಲ್ಲ ಎಂದು ಹೇಳಿ ಅರ್ಜಿಯನ್ನು ತಳ್ಳಿಹಾಕಿದರು. ಮದುವೆಯ ಉದ್ದೇಶಕ್ಕೆ ಮತಾಂತರ ಎನ್ನುವ ವಿಚಾರಕ್ಕೆ ಸಂಬಂಧಪಟ್ಟಂತೆ ಇನ್ನಷ್ಟು ಪುರಾವೆಗಳನ್ನು ನೀಡಿದ ಕೋರ್ಟ್, ಅರ್ಜಿದಾರ (ಮಹಿಳೆ) ಜೂನ್ 29, 2020 ರಂದು ತನ್ನ ಧರ್ಮವನ್ನು ಬದಲಿಸಿಕೊಂಡಿದ್ದಾರೆ. ಮತ್ತು ಜುಲೈ 31 ರಂದು ಅವರು ವಿವಾಹವಾಗಿದ್ದಾರೆ. ಇಲ್ಲಿ ಕೇವಲ ವಿವಾಹದ ಉದ್ದೇಶಕ್ಕಾಗಿ ಮತಾಂತರ ನಡೆದಿದೆ ಎಂಬುದನ್ನು ಸ್ಪಷ್ಟವಾಗಿದೆ ಕೋರ್ಟ್ ತಿಳಿಸಿತು. 2014ರಲ್ಲಿ ಏನಾಗಿತ್ತು? 2014ರಲ್ಲಿಯು ಇದೇ ರೀತಿಯ ಸನ್ನಿವೇಶ ಸೃಷ್ಟಿಯಾಗಿತ್ತು. ಹಿಂದೂ ಯುವತಿಯೊಬ್ಬರು ಇಸ್ಲಾಂಗೆ ಮತಾಂತರಗೊಂಡು ನಂತರ ಮದುವೆಯಾಗಿದ್ದರು. ಹೀಗೆ ಮದುವೆಯಾದ ದಂಪತಿ ರಕ್ಷಣೆ ಕೋರಿ ಕೋರ್ಟ್‌ನಲ್ಲಿ ರಿಟ್ ಸಲ್ಲಿಸಿದ್ದರು. ಆ ವೇಳೆ ನ್ಯಾಯಾಲಯವು ರಿಟ್ ಅರ್ಜಿಯನ್ನು ವಜಾಗೊಳಿಸಿ ಕೇವಲ ಮದುವೆಗಾಗಿ ಮತಾಂತರ ಆಗುವುದನ್ನು ಒಪ್ಪಿಕೊಳ್ಳಲು ಸಾಧ್ಯವಿಲ್ಲ ಎಂದು ಕೋರ್ಟ್ ಹೇಳಿತ್ತು . ಅಲ್ಲದೇ ಮುಸ್ಲಿಂ ಹುಡುಗನ ಜೊತೆ ಸ್ನೇಹವಿದ್ದಿದ್ದರಿಂದ ಇಸ್ಲಾಂ ಧರ್ಮದ ಬಗ್ಗೆ ಯಾವುದೇ ಜ್ಞಾನವಿಲ್ಲದೆ ಹಾಗೂ ಧರ್ಮದ ನಂಬಿಕೆಯಿಲ್ಲದೆ ಕೇವಲ ಮದುವೆಗಾಗಿ ಧರ್ಮ ಬದಲಿಸುವುದು ಸಮಂಜಸವೇ ಎಂದು ಇದೆ ವೇಳೆ ಕೋರ್ಟ್ ಪ್ರಶ್ನಿಸಿತ್ತು.
from India & World News in Kannada | VK Polls https://ift.tt/3jQpqNG
