ನಾಗರಾಜ್‌ ನವೀಮನೆ ಮೈಸೂರು ಮೈಸೂರು: ರಾಷ್ಟ್ರೀಯ ಶಿಕ್ಷಣ ನೀತಿಯಲ್ಲಿ ಏನಿದೆ ಎಂಬುದನ್ನು ವಿದ್ಯಾರ್ಥಿಗಳು, ಜನರಿಗೆ ಸ್ಥಳೀಯ ಭಾಷೆಯಲ್ಲೇ ದೊರಕಿಸಲು ವಿವಿಯು 440 ಪುಟಗಳ ಮಾಹಿತಿಯನ್ನು ಕನ್ನಡಕ್ಕೆ ಭಾಷಾಂತರಿಸಲು ಮುಂದಾಗಿದೆ. ಪ್ರೊ.ಸಿ.ನಾಗಣ್ಣ ನೇತೃತ್ವದಲ್ಲಿ ತರ್ಜುಮೆ ಸಮಿತಿ ರಚನೆಯಾಗಲಿದ್ದು, ಪ್ರಸಾರಾಂಗದ ಪ್ರಚಾರೋಪನ್ಯಾಸ ಮಾಲೆ ಮಾದರಿಯಲ್ಲಿ ಉಪನ್ಯಾಸಗಳ ಮೂಲಕ ಶಿಕ್ಷಣ ನೀತಿಯನ್ನು ಹಳ್ಳಿಹಳ್ಳಿಗಳಲ್ಲಿ ತಲುಪಿಸುವ ಚಿಂತನೆಯೂ ಇದೆ. ''1986ರ ನಂತರ ಇದೀಗ 2020ರಲ್ಲಿ ಹೊಸ ಶಿಕ್ಷಣ ನೀತಿ ಜಾರಿಗೆ ಬಂದಿದೆ. ಇದರ ಆಶಯ ಎಲ್ಲರಿಗೂ ತಿಳಿಸಬೇಕೆಂಬ ಉದ್ದೇಶದಿಂದ ಕನ್ನಡಕ್ಕೆ ತರ್ಜುಮೆ ಮಾಡಲಾಗುತ್ತಿದೆ. ಯಾವುದೇ ಪಾಲಿಸಿ ಧ್ಯೇಯೋದ್ದೇಶ ಮಾತೃಭಾಷೆಯಲ್ಲಿದ್ದರೆ ಅದು ಹೆಚ್ಚಿನ ಜನರನ್ನು ತಲುಪಲು ಸಾಧ್ಯ. ಈ ಹಿನ್ನೆಲೆಯಲ್ಲಿ ಮೈವಿವಿ ಈ ಕೆಲಸ ಕೈಗೆತ್ತಿಕೊಂಡಿದೆ. ಒಂದು ತಿಂಗಳಲ್ಲಿ ತರ್ಜುಮೆ ಕೆಲಸ ಮುಗಿಯಲಿದೆ'' ಎಂದು ಮೈವಿವಿ ಕುಲಪತಿ ಪ್ರೊ.ಜಿ.ಹೇಮಂತ್‌ ಕುಮಾರ್‌ 'ವಿಜಯ ಕರ್ನಾಟಕ'ಕ್ಕೆ ತಿಳಿಸಿದ್ದಾರೆ. ಪ್ರಸಾರಂಗದಿಂದ ಮುದ್ರಣ ಮೈಸೂರು ವಿವಿಯ ಅಂಗಸಂಸ್ಥೆಯಾದ ಪ್ರಸಾರಂಗದಲ್ಲಿ ನೂತನ ನೀತಿಯ ಕನ್ನಡ ತರ್ಜುಮೆ ಪ್ರತಿಗಳು ಮುದ್ರಣಗೊಳ್ಳಲಿದೆ. ಕನ್ನಡಕ್ಕೆ ತರ್ಜುಮೆಗೊಂಡ ಕರಡು ಪ್ರತಿಯು ರಾಜ್ಯದ ಎಲ್ಲಾ ವಿವಿಗಳಿಗೂ ರವಾನೆಯಾಗಲಿದೆ. ಅಲ್ಲದೆ, ಯಾವ ರೀತಿ ನೂತನ ನೀತಿಯನ್ನು ಜಾರಿಗೊಳಿಸಬಹುದು ಎಂಬ ಚರ್ಚೆಯೂ ನಡೆಯಲಿದೆ. ಮುಂದಿನ ವರ್ಷ ಜಾರಿ 2021/22 ಶೈಕ್ಷಣಿಕ ಸಾಲಿನಲ್ಲಿ ನೂತನ ಜಾರಿಗೆ ಮೈಸೂರು ವಿವಿ ನಿರ್ಧರಿಸಿದೆ. ಇದಕ್ಕಾಗಿ 20 ಜನರ ತಜ್ಞರ ಟಾಸ್ಕ್‌ಫೋರ್ಸ್‌ ಸಮಿತಿ ರಚನೆಯಾಗಿದೆ. ಪ್ರಾಧ್ಯಾಪಕರು, ಶಿಕ್ಷಣ ತಜ್ಞರು ಕಮಿಟಿಯಲ್ಲಿದ್ದಾರೆ. ಈ ಸಮಿತಿ ನೀಡುವ ವರದಿ ಆಧಾರದ ಮೇಲೆ ಯೋಜನೆ ಅನುಷ್ಠಾನಕ್ಕೆ ಬರಲಿದೆ ಎಂದು ಮೈವಿವಿ ಕುಲಸಚಿವ ಪ್ರೊ.ಆರ್‌.ಶಿವಪ್ಪ ತಿಳಿಸಿದ್ದಾರೆ. ರಾಷ್ಟ್ರೀಯ ಶಿಕ್ಷಣ ನೀತಿಯನ್ನು ಕನ್ನಡಕ್ಕೆ ತರ್ಜುಮೆ ಮಾಡುವ ಕೆಲಸಕ್ಕೆ ಮೈವಿವಿ ಚಾಲನೆ ನೀಡಿದೆ. ತರ್ಜುಮೆಗೊಂಡ ಪಾಲಿಸಿ ವಿವರವನ್ನು ಪ್ರಸಾರಾಂಗದಲ್ಲಿಇಡಲಾಗುವುದು. ಜತೆಗೆ ಮೈವಿವಿ ವೆಬ್‌ಸೈಟ್‌ನಲ್ಲೂ ಪ್ರಕಟಿಸಲಾಗುವುದು. ಸಾರ್ವಜನಿಕರು, ವಿದ್ಯಾರ್ಥಿಗಳು ಅಧ್ಯಯನ ಮಾಡಬಹುದು. ಪ್ರೊ.ಜಿ.ಹೇಮಂತ್‌ ಕುಮಾರ್‌, ಮೈವಿವಿ ಕುಲಪತಿ
from India & World News in Kannada | VK Polls https://ift.tt/35G2NpV
